貓貓可以食咩肉？食咩肉對主子最好？
Hi 各位貓奴！你係咪都煩惱過「貓貓可以食咩肉？」、「食咩肉對主子最好？」呢啲問題？
我哋都知貓貓天生係肉食性動物，需要由唔同肉類攝取營養，所以幫主子揀啱肉食，絕對係各位貓奴嘅重要課題！
以下我哋列出咗 7 種以上貓貓可以食嘅肉類，同大家分析晒食呢啲肉嘅好處同壞處，幫你揀到最啱主子口味同身體狀況嘅主食，一齊嚟睇下啦！
（一）貓貓食得雞肉嗎？
貓貓當然食得雞肉，雞肉味道鮮美，大部分貓貓都唔會抗拒，而且因為雞肉容易消化，蛋白質含量高又富含營養，所以喺貓乾糧同罐頭入面都好常見。
基本上貓貓對雞嘅唔同部位都唔太揀擇，無論係雞胸肉、雞髀肉，甚至少量雞肝、雞心等內臟都適合。只要確定主子身體狀況許可，並注意適量餵食，就可以全面享受到雞肉嘅美味！
水煮雞肉，主子唔食點算好？
貓貓唔食單純嘅水煮雞肉，可能係因為氣味唔夠濃郁。
你可以試下喺佢個兜度加少少無調味嘅雞湯增加香氣；或者將雞胸肉撕成更細嘅肉絲，模仿佢平時食開嘅罐頭口感。
另外，亦可以將肉絲同少量佢最愛嘅肉泥或罐頭撈勻，引佢試食。
貓食雞胸肉有咩好處？
雞胸肉係極佳嘅優質低脂蛋白質來源，可以幫助貓貓增長肌肉、維持健康嘅身體機能。
佢亦富含貓貓必需嘅胺基酸，特別係牛磺酸，對心臟同視力健康非常重要。
作為純肉類，佢完全符合貓貓肉食動物嘅天性，係健康又美味嘅天然食物。
貓貓一日可以食幾多雞胸肉？
雞胸肉應視為「副食或零食」，唔可以取代主食。一日嘅份量建議唔好超過貓貓每日總熱量嘅10%。
對一隻4公斤重嘅成貓嚟講，大約係一隻手指公大小嘅一塊（約15-20克）就夠。
食得太多可能會導致營養唔均衡，影響主子食正餐嘅胃口。
[/ux_t
（四）貓貓食得魚肉嗎？
但餵貓貓食魚要小心魚骨，亦唔建議直接畀貓貓食生魚，因為可能有寄生蟲同細菌，威脅貓貓健康。
因此最安全嘅方式，係揀選經過專業處理嘅罐罐同乾糧，例如 👉 開胃慕斯主食罐 ，全系列口味都配搭 1 至 2 種新鮮魚肉，慕絲質地唔怕有魚骨，令貓貓食得方便又易消化，每一啖都可以安心享用鮮甜海味！
（二）貓貓食得牛肉嗎？
貓貓可以食牛肉！食牛肉嘅好處亦好多，因為牛肉中嘅鐵質含量高，對恢復身體、造血等方面有幫助，另外牛磺酸含量亦好高，對貓貓嚟講都係唔錯嘅肉類選擇。
但有啲貓貓會對牛肉過敏，可能會造成皮膚痕癢、腸胃問題，而且油脂含量較高，所以餵食前如果有疑慮可以先問下獸醫，攝取量亦唔好超過每日總熱量嘅 10%，對貓貓身體比較好！
貓貓可以食熟嘅牛肉嗎？
可以，熟牛肉係優質嘅蛋白質同鐵質來源，對貓貓健康有益。
建議揀選低脂嘅部位，切細塊或剁成肉碎後徹底煮熟。絕對唔可以加任何鹽、胡椒、蒜頭或洋蔥等調味料，呢啲對貓貓有害。
幼貓食得牛肉嗎？
建議等BB貓戒奶後、腸胃系統比較成熟時再試。
對於已經開始食固體食物嘅幼貓（約2-3個月大），可以畀極少量全熟、無調味、而且剁到非常碎嘅瘦牛肉蓉。
但幼貓嘅主食必須係營養均衡嘅幼貓專用食品，牛肉只可以當作極少量嘅點心，避免影響幼貓嘅營養吸收同消化。
（三）貓貓食得豬肉嗎？
有啲主人問過「貓貓到底食唔食得豬肉？」，答案係可以㗎！
至於點解市面上貓罐頭或乾糧比較少豬肉口味，係因為豬肉油脂含量最高，需要精挑細選少肥膏而且品質好嘅部位，呢樣令豬肉比起雞肉、魚肉等更難大量生產，所以比較少以豬肉為主嘅貓主食。
但其實優質少肥嘅豬肉，都含有大量優質蛋白質
👉例如 1種肉低敏無膠主食罐 就精選咗台灣神農獎黑豬肉，令罐頭散發自然肉香而且油脂少，非常適合一般貓貓，或者對其他肉類過敏嘅貓貓食用！
（五）貓貓食得鴨肉嗎？
貓貓可以食鴨肉，而且對雞肉、牛肉等肉類過敏嘅貓貓嚟講，鴨肉會係好好嘅替代選擇。
貓貓食鴨肉好處好多，包括蛋白質含量高，而且含有貓貓需要嘅必需胺基酸、Omega-3 同 Omega-6 脂肪酸等營養，同樣適合貓貓食用。
但提提各位主人，鴨肉脂肪、磷鉀含量較高，需要減重或有腎臟病嘅貓貓，建議問過獸醫，確保對貓貓身體冇太大負擔先好餵！
（六）貓貓食得鵝肉嗎？
鵝肉其實好適合貓貓食，因為佢含有高蛋白質、維他命、礦物質等多種營養素，豐富不飽和脂肪酸有益心血管健康，同時低脂肪低膽固醇，被世界衛生組織評選為「最推薦嘅肉類」。
但鵝肉喺市面上比較少見，想畀貓貓試下鵝肉嘅滋味👉可以參考 2種肉無膠主食罐，鵝肉選用意大利高品質鵝肉，98% 超高含肉量製作，啖啖肉都鮮美好味，畀貓貓滿滿飽足感同活力！
（七）貓貓食得羊肉嗎？
貓貓可以食羊肉㗎！但羊肉非常講貓緣，因為佢有特殊嘅羶味，有啲貓好鍾意，有啲貓一聞到就走夾唔抖。
但羊肉其實含有豐富鐵質、蛋白質同維他命等多種營養物質，可以幫助貓貓生長同維持健康👉尤其 2種肉無膠主食罐 選用嘅羊肩部位脂肪比例適中，肉質細緻，筋膜少容易消化，非常推薦畀鍾意羊肉嘅貓貓！
（八）貓貓仲可以食呢啲「特殊肉類」！
除咗雞、魚、牛之外，貓貓可以食嘅肉仲有好多種！
貓貓需要由唔同食材補充多元營養，尤其原始貓科動物都會喺野外狩獵，因此兔肉、田雞肉、鼠肉等特殊肉類，甚至係蟋蟀、麵包蟲等「野味」都好適合作為貓貓嘅主食。
雖然聽落好似好陌生，但全部都富含優質蛋白質同多種營養素，對貓貓嚟講營養價值非常高！👉 各位主人可以喺 野味無膠主食罐 中搵到呢啲特殊肉類，開罐嘅肉香味絕對唔會輸畀上面提到嘅肉，保證令主子欲罷不能～
唔同狀況嘅貓貓，可以食邊種肉？
（一）幼貓
大部分肉類都食得，但要注意餵食年齡同方式！
基本上健康嘅幼貓同成貓、老貓一樣，佢哋都可以食雞肉、牛肉、魚肉等多種肉類，少量雞肝、牛肝等內臟亦常見於幼貓主食成分之中。需要特別注意嘅係幼貓嘅年齡同餵食方式。
建議幼貓進入戒奶期後，先揀幼貓主食罐頭、乾糧溝貓奶，再慢慢餵畀幼貓。通常幼貓主食都會將肉類設計成容易消化嘅質地或顆粒大細，口味就按照幼貓喜好揀就得。
唔建議畀幼貓食普通嘅水煮肉片或生肉，因為可能令腸胃未發育好嘅BB貓消化不良，最穩陣嘅做法都係揀返專為幼貓設計嘅主食！
（二）手術後身體虛弱嘅貓貓
可以先食易消化嘅魚肉，再食補血、補元氣嘅牛肉！
貓貓手術後比較虛弱，需要啱啱好嘅熱量支撐身體，亦需要足夠營養同蛋白質幫助細胞重組。
主人可以先揀容易消化嘅新鮮魚肉，能夠幫貓貓補充優質蛋白質，魚油中嘅 Omega-3 亦可以幫助抑制發炎。
如果身體狀況恢復得比較好，可以考慮餵適量牛肉，因為牛肉除咗富含蛋白質，仲有鐵質等營養素，有助傷口修復同補血。
（三）腸胃敏感嘅貓貓
先搵出致敏源，再決定餵邊種肉！
導致貓貓腸胃唔舒服嘅原因好多，可能係天氣、環境轉變，更大可能係佢哋對「特定肉源」敏感！
如果你屋企嘅貓貓容易腸胃敏感，可以先搵獸醫檢查致敏源，避開容易敏感嘅肉類，揀返貓貓接受得到又食得開心嘅肉，咁就可以減低敏感現象。
餵貓食肉要注意啲咩？常見問題解答！
（一）貓貓可以食生肉嗎？
一般唔建議餵貓貓食生肉。
雖然貓貓天生係肉食性動物，但現代環境下嘅生肉可能含有寄生蟲或細菌，對佢哋嘅健康構成威脅。
此外，單一生肉嘅營養可能唔均衡，長期餵食會導致貓貓缺乏必需嘅維他命或礦物質。如果想提供肉類作為食物，最好揀煮熟而且無添加任何調味料嘅肉，咁樣先最安全又健康。
（二）貓貓可以日日食肉嗎？
貓貓日日食肉係可以嘅！
畢竟肉係佢哋最主要嘅營養來源，但需要注意嘅係，單一食某種肉並唔足以提供完整均衡嘅營養。
最理想嘅情況係以營養均衡嘅主食罐、主食糧為主，再配搭少量純肉作為點心或補充。如果選擇自製鮮食，建議先諮詢獸醫或寵物營養師，確保營養比例均衡。
（三）貓貓食得打邊爐啲肉片嗎？
打邊爐嘅肉片對貓貓嚟講並唔適合。
呢類肉片通常經過加工，可能含有鹽分、防腐劑或其他調味料，對貓貓健康唔好。
另外，人食嘅火鍋肉片亦可能因為處理過程中接觸到其他調味料或油脂而唔適合貓貓食。如果真係想餵類似嘅肉片，應該揀少量無調味、無添加嘅新鮮肉片，並且要徹底煮熟，避免潛在病菌嘅影響。
你可能仲想睇......
參考資料
- https://www.petmd.com/cat/nutrition/can-cats-eat-chicken
- https://www.catster.com/nutrition/can-cats-eat-beef/
- https://www.bellaandduke.com/cats/expert-advice/cat-nutrition/can-cats-eat-raw-fish/?srsltid=AfmBOor0MccIBvSVKo22X9rFWnuezK1hB1uauateJFa1jJuJSx4qBNkw
- https://wagwalking.com/wellness/can-cats-eat-duck