你屋企隻主子係咪對食物冇乜興趣？主食罐食兩啖就走，乾糧食幾粒就撥走，搞到你每日都諗緊：到底要點樣氹佢食飯？
如果呢個係你嘅日常，咁你可能正係面對緊「揀嘴貓」呢個終極挑戰。
你可能諗過：凍乾貓糧有冇用？隻揀嘴貓會唔會受？定係又白白浪費錢？唔少貓奴開始轉向高蛋白、低碳水嘅凍乾貓糧，唔單止因為營養夠，更因為嗰種天然肉香真係可以勾起主子嘅食慾。
但市面上咁多牌子，點揀先唔會中伏？呢篇文帶你快速搞清楚凍乾貓糧點樣揀、有咩推薦、正確餵法，同埋揀嘴貓主人最常問嘅 Q&A！
一、點解我隻貓會咁揀嘴？
嚟睇下最常見嘅揀嘴貓類型，你主子又係邊一種？
| 揀嘴行為 | 可能原因 |
|---|---|
| 完全唔食罐頭 | 聞一聞就走，甚至用腳「撥砂埋咗佢」，可能係唔鍾意糊狀質地，或者對某啲氣味特別挑剔。 |
| 肯食罐頭但次次食剩 | 食兩啖就走，感覺似「應酬」，可能係氣味唔夠吸引，罐頭嘅質地或口感唔啱佢心水。 |
| 乾糧食幾粒就收工 | 對硬掘掘嘅乾糧冇興趣，食幾粒就唔食。可能係覺得口感太硬、味道唔夠濃，甚至純粹覺得「唔夠好食」。 |
| 淨係食零食唔食正餐 | 淨係鍾意食肉泥、凍乾、小食，但一到正餐時間就藐嘴藐舌，可能係因為養成咗「有更好嘅嘢食」嘅揀嘴壞習慣。 |
👉 你主子係咪都係咁？唔使驚，呢篇文章幫你搵到解決方法！
想知【點樣改善貓貓揀嘴問題？】可睇：貓咪挑食怎麼辦？7 招改善貓不吃飯行為，挑嘴貓也能乖乖吃飯！ – 怪獸部落
二、凍乾係咩嚟？點解特別推薦畀揀嘴貓？
因為凍乾唔只係乾糧，而係經過特殊處理嘅「純肉乾糧」，保留咗肉類嘅香氣同營養，對揀嘴貓更有吸引力。
📌凍乾 (Freeze-dried) = 低溫冷凍脫水技術
傳統乾糧喺加工過程會經過高溫烘焙，可能會破壞部分營養。
而凍乾就係透過低溫冷凍同真空脫水技術，有助保留食材嘅原始營養，同時延長保質期。
（一）凍乾嘅 4 大優點
- 營養完整：唔經高溫處理，有助保留食材嘅原始營養，維持蛋白質、胺基酸等重要成分嘅品質。
- 適口性高：接近生肉風味，對貓貓嚟講比一般乾糧更有吸引力，特別適合揀嘴貓或唔鍾意食乾糧嘅貓。
- 食法多變：凍乾食法好多樣，直接食口感酥脆，亦可以加水還原，變成好似罐頭嘅質地，滿足唔同口感偏好嘅貓貓！
- 保存方便：唔似生肉糧要雪藏，凍乾可以室溫保存，開封後密封好就得，唔怕變壞。
（二）凍乾 vs 其他糧食，邊種更啱你主子？
| 🍽 食物類型 | 凍乾糧 | 乾糧 | 主食罐頭 |
|---|---|---|---|
| 營養完整度 | ⭐⭐⭐⭐⭐ | ⭐⭐ (高溫加工，部分營養流失) | ⭐⭐⭐ |
| 適口性 | ⭐⭐⭐⭐ (接近生肉，吸引揀嘴貓) | ⭐⭐⭐ (部分貓唔鍾意乾糧口感) | ⭐⭐⭐ |
| 保存方式 | ⭐⭐⭐⭐ (室溫密封可存放) | ⭐⭐⭐⭐⭐ (最方便) | ⭐⭐ (要雪藏，開封後易變壞) |
| 水份含量 | ⭐ (需要額外補充水份) | ⭐ (水份極低) | ⭐⭐⭐⭐ (高水份，適合腎貓) |
| 適合貓貓 | 揀嘴貓 / 腸胃敏感 / 需要高蛋白 | 冇特別需求嘅貓貓 | 鍾意食濕糧嘅貓 / 腎貓 |
👉 如果你屋企隻貓揀嘴、腸胃敏感，或者需要更高蛋白質嘅飲食，凍乾會係好好嘅選擇！
但如果貓貓平時飲水少，建議將凍乾加水還原後餵食，確保水份攝取足夠！
三、2025 最新貓凍乾主食推薦！9 款香港熱門品牌
| 品牌 | 產品名稱 | 頭五項成分 | 建議售價／每公斤 (HK$)* | 產地 |
|---|---|---|---|---|
| 怪獸部落 | 美國太空凍乾生肉糧 | 火雞、大西洋三文魚、雞肝、雞心、雞肉 | 約 768 | 美國 |
| 汪喵星球 | 小方粒凍乾主食餐／凍乾主食餐 | 雞髀、雞心肝、雞蛋黃、天然魚油、洋車前子膳食纖維 | 約 640 | 台灣 |
| K9 Natural | 冷凍乾燥鮮肉生食餐 | 雞肉、雞蛋、亞麻籽殼、鱈魚油、棕色海藻 | 約 1,405 | 紐西蘭 |
| Hyperr 超躍 | 冷凍乾燥貓用生食餐 | 新鮮全雞、牛肉、牛肝、雞肝、雞心 | 約 833 | 紐西蘭 |
| 超越巔峰 | 凍乾主食 | 雞肉、雞髀、雞心、雞肝、蘋果 | 約 625 | 台灣 |
| NZ Natural | 鮮開凍 meow 冷凍乾燥生食餐 | 雞肉、雞心、羊綠草胃、帝王三文魚、雞肝 | 約 1,500 | 紐西蘭 |
| NRG+ | 原肉凍乾生食餐 | 雞肉、雞心、羊肚、雞肝、雞蛋 | 約 648 | 紐西蘭 |
*價格為台幣換算並以最大包裝計算，僅供參考，實際售價請以香港零售商為準。
（一）怪獸部落｜貓用美國太空凍乾生肉糧
- 口味：田園火雞拼白鮭、原野鮮兔拼嫩雞
- 價格：約 HK$108 (140g)
- 產地：美國
購買連結：凍乾主食糧｜美國太空生肉糧，無穀物低敏，適合腸胃敏感貓貓！
（二）怪獸部落｜開胃山海鮮肉餅
- 口味：雞肉蝦仁菠菜、鱈魚魷魚南瓜、牛肉花蛤紅蘿蔔
- 價格：約 HK$113 (150g)
- 產地：台灣
（田園火雞拼白鮭）：火雞、大西洋三文魚、雞肝、雞心、雞肉、白鮭、雞蛋、三文魚油、維他命 E、有機礦物質（鋅、鐵、銅、錳）
（三）汪喵星球｜小方粒凍乾主食餐
- 口味：安心雞肉、低敏鴨肉
- 價格：約 HK60(80g)/HK320 (500g)
- 產地：台灣
（安心雞肉）：雞髀、雞心肝、雞蛋黃、天然魚油、洋車前子膳食纖維、牛磺酸、綜合礦物質、鼠尾草籽、薑黃、巴西利、海藻、專利破壁小球藻、天然維他命E、維他命B群
（四）汪喵星球｜凍乾主食餐
- 口味：安心雞肉、三文魚雞肉、草飼牛肉、櫻桃鴨肉、山野鵪鶉
- 價格：約 HK60(80g)/HK320 (500g)
- 產地：台灣
（安心雞肉）：雞髀、雞心肝、雞蛋黃、天然魚油、洋車前子膳食纖維、牛磺酸、綜合礦物質、鼠尾草籽、薑黃、巴西利、海藻、專利破壁小球藻、天然維他命E、維他命B群
（五）K9 Natural 冷凍乾燥鮮肉生食餐
- 口味：雞肉、牛肉、羊肉、雞肉羊肉、牛肉鱈魚、羊肉三文魚、鮮草牛肚、鮮草羊肚
- 價格：約 HK$288 – $415 (320g)
- 產地：紐西蘭
（雞肉）：雞肉、雞蛋、亞麻籽殼、鱈魚油、棕色海藻、紐西蘭綠唇貽貝、南瓜、西蘭花、椰菜花、甘藍菜、硫酸鉀、乾海藻、蘋果、梨、鹽、維他命E、鋅蛋白、鐵蛋白、葵花籽油、氧化鎂、硒酵母、銅蛋白、錳蛋白、β-胡蘿蔔素、維他命B1、維他命D3
（六）Hyperr 超躍 冷凍乾燥貓用生食餐
- 口味：田園雞肉拼原野牛肉、田園雞肉拼草飼羊肉、田園雞肉拼放牧鹿肉
- 價格：約 HK$45 – 50(60g)/HK313 – $358 (500g)
- 產地：紐西蘭
（田園雞肉拼原野牛肉）：新鮮全雞、牛肉、牛肝、雞肝、雞心、牛心、牛骨、牛肚、三文魚油、綠唇貽貝、麥蘆卡蜂蜜、膽鹼、維他命B1、維他命B2、維他命B5、維他命B6、維他命B12、維他命D3、維他命E、菸酸、D-生物素、葉酸、硫酸銅、硫酸亞鐵、氧化鎂、硫酸錳、氯化鉀、檸檬酸鉀、檸檬酸鈉、硫酸鋅、牛磺酸、硒、碘化鉀
（七）超越巔峰 凍乾主食
- 口味：雞肉、火雞肉、牛肉、吞拿魚、三文魚吞拿魚
- 價格：約 HK$8 – 20(8g)/HK157 – $203 (360g)
- 產地：台灣
（雞肉）：雞肉、雞髀、雞心、雞肝、蘋果、藍莓、紅莓、羽衣甘藍、南瓜、歐芹、胡蘿蔔、西蘭花、椰子油、魚油、多種益生菌、綜合胺基酸、洋車前子殼粉、植物纖維、維他命A、維他命B、維他命C、維他命E、葉黃素、牛磺酸、鈣、硒、鎂、鋅、鉀、鐵、銅、錳等綜合礦物質
（八）NZ Natural 鮮開凍 meow 貓咪冷凍乾燥生食餐
- 口味：雞肉帝王三文魚、牛肉鱈魚、羊肉帝王三文魚、羊肉鱈魚、鴨肉、鹿肉、狐袋鼬
- 價格：約 HK$75 – 90(50g)/HK313 – $370 (280g)
- 產地：紐西蘭
（雞肉帝王三文魚）：雞肉、雞心、羊綠草胃、帝王三文魚、雞肝、海帶、綠唇貽貝、麥蘆卡蜂蜜、迷迭香、初榨椰子油、鱈魚油、牛磺酸、氯化膽鹼、鋅胺基酸複合物、鐵胺基酸複合物、銅胺基酸複合物、維他命B1、錳胺基酸複合物、鹽
（九）NRG+ 原肉凍乾生食餐
- 口味：田園雞、草飼牛、放牧羊、海陸雙拼
- 價格：約 HK$72 – 80(50g)/HK223 – $345 (425g)
- 產地：紐西蘭
（田園雞）：雞肉、雞心、羊肚、雞肝、雞蛋、維他命、礦物質、葵花籽油、啤酒酵母、亞麻籽油、天然抗氧化劑
四、凍乾糧係「主食」定「零食」？點樣正確揀選？
揀凍乾時，最關鍵嘅問題就係：呢款凍乾可唔可以當主食？定係只可以當零食？
貓貓嘅營養需求同人類唔同，單靠凍乾零食，係無法提供完整營養。但如果係「主食級」凍乾，就可以成為貓貓嘅日常正餐。
咁應該點樣分呢？
| 凍乾類型 | 主食級凍乾 | 零食級凍乾 |
|---|---|---|
| 營養完整度 | 有添加內臟（肝、心、腎等），提供完整維他命同符合鈣磷比 | 可能只係純肉或單一部位，缺少牛磺酸、維他命等必需營養素 |
| 營養結構 | 低碳水、高蛋白、高脂肪，接近貓貓嘅天然飲食模式 | 只可以當額外補充，長期當主食會導致營養唔均衡 |
| 餵食方式 | 可以單獨餵食，但要確保貓貓飲夠水 | 只可以當點心或獎勵，唔可以取代主食 |
| 適合貓貓 | 揀嘴貓、需要高蛋白飲食、唔鍾意一般乾糧或罐頭嘅貓 | 作為零食獎勵、引誘食慾 |
五、貓貓揀飲擇食點算好？3種餵法令主子大啖食飯！
（一）完全唔食主食罐頭嘅貓貓
「點換罐罐都唔食？寧願餓死都唔食？」
解決方案：改餵凍乾當主食，滿足貓貓嘅肉食本能！
試下咁做：先加溫水將凍乾浸軟，等貓貓適應濕潤口感，之後再慢慢改為乾餵，循序漸進，增加貓貓接受程度！
（二）勉強食罐罐，但成日食剩嘅貓貓
「次次開罐淨係食幾啖，之後就擰轉頭走，搞到日日都要倒罐頭…」
解決方案：用凍乾做「開胃菜」，令食物更香更吸引！
試下咁做：將凍乾捏碎灑喺主食罐上面，輕輕撈勻，等香味滲入去，話唔定主子會即刻開餐！仲有機會救返屋企嗰啲主子唔吼嘅罐頭！
（三）唔鍾意食乾糧嘅貓貓
「乾糧是但咬幾啖就走，完全冇興趣，甚至食到成地都係…」
解決方案：將凍乾溝入乾糧，提升風味，令乾糧變得更吸引！
試下咁做：先將少量凍乾整碎溝入乾糧，令成兜糧都香啲，之後慢慢增加比例，等貓貓逐步適應新口味，避免突然唔食！
唔同嘅揀嘴類型，對應唔同嘅餵食策略，揀啱方法，你嘅貓貓都可以唔再揀飲擇食！
快啲試下邊種方法最啱你主子啦！
六、凍乾貓糧常見 Q&A
1. 凍乾可以取代乾糧嗎？可以日日食嗎？
可以！但前提係要揀「主食級」凍乾，而唔係「零食級」。
點樣分？
主食級凍乾：有另外添加維他命、礦物質等全面營養。
零食級凍乾：主要係純肉成分，缺乏完整營養。
💡 重點： 如果你想用凍乾當主食，一定要揀「主食級」嘅，先可以幫貓貓維持營養均衡！
2. 貓貓一日可以食幾多凍乾？
計法（要根據體重同活動量調整）
主食級凍乾：貓貓體重 (kg) × 15g – 20g
零食級凍乾：唔建議超過每日總熱量嘅 10%
💡 舉例： 4 公斤嘅貓，每日大約需要 60g – 80g 嘅凍乾主食
3. 食凍乾會唔會令貓貓啲便便好臭？
有可能會！因為凍乾高蛋白、低碳水，便便嘅味道可能會比食乾糧時濃烈一啲。
但如果便便異常臭、或者爛pat pat，就可能係消化不良，需要調整餵食份量或方式。
4. 凍乾要點樣保存？
- 放喺乾爽陰涼嘅地方，避免潮濕變質
- 開封後一定要密封保存（用密實袋、真空罐最好）
- 一般可以存放 6 個月 – 1 年，但一受潮就好易變壞
錯誤保存方法：
- 放入雪櫃（容易受潮）
- 暴露喺空氣中（容易變壞、影響口感）
5. 點知我屋企隻貓適唔適合食凍乾？
| 貓貓類型 | 原因 |
|---|---|
| 揀嘴貓 | 天然肉香吸引力高，適合極度揀飲擇食嘅貓貓 |
| 腸胃敏感貓 | 通常無穀物、低致敏，有助維持消化道機能 |
| 活動量大嘅貓 | 高蛋白、低碳水，能夠提供充足能量 |
需要注意嘅貓貓
| 貓貓類型 | 注意事項 |
|---|---|
| 腎貓、老貓 | 高蛋白飲食要小心，建議加水餵食，並先諮詢獸醫 |
| 容易便秘嘅貓 | 凍乾含水量低，一定要確保貓貓有額外補充水份 |
6. 凍乾全部都係生肉？有冇細菌或寄生蟲？
凍乾保留咗生肉嘅營養，但經過低溫冷凍 + 真空脫水，已經大大減少細菌同寄生蟲嘅數量。可以揀有信譽、會將產品送檢嘅品牌，確保食品安全！
7. 貓貓食凍乾使唔使加水？
凍乾可以直接餵，但加水還原後餵食，有助增加貓貓水份攝取，對整體健康有好大幫助。對於需要額外水份、消化能力較弱，或者年紀大嘅貓貓，呢個方法特別好。
如果貓貓有腎臟問題，請務必諮詢獸醫建議。
加水餵食嘅好處：
- 增加水份攝取，減低脫水風險
- 幫助腎臟維持健康，對老貓同腎貓更友善
- 幫助維持消化道機能，有助改善便便形態
加水方法：
- 使用 30-40°C 嘅溫水，將凍乾浸泡 5-10 分鐘，等佢變軟
- 用叉或湯匙整碎再撈勻，令佢變成肉泥狀
注意事項： 加咗水嘅凍乾應該要盡快食完，避免細菌滋生或食物變壞。
8. 貓貓唔肯食凍乾，點算好？
如果貓貓對凍乾冇興趣，可以試下以下方法幫佢適應：
- 少量添加：先將凍乾捏碎，當作「肉鬆」灑喺佢食開嘅乾糧或罐頭上，引佢試味。
- 加水調整口感：有啲貓可能唔鍾意太乾嘅口感，試下加溫水還原成肉泥狀。
- 同其他食物溝埋：將少量凍乾溝入佢最愛嘅肉泥零食度，呃佢食咗先。
避免一開始就成兜換晒做凍乾，要循序漸進，畀啲耐性等貓貓慢慢適應～
9. 紐西蘭產 vs. 台灣製：有咩分別？
紐西蘭同台灣產嘅凍乾，最大分別在於氣味，呢點唔止貓貓會揀，有時連主人都會有感覺。
- 紐西蘭產地：因為內臟比例通常較高，氣味比較重，腥味會明顯啲，有啲貓貓可能會唔鍾意，甚至連主人都覺得陣味太濃烈。
- 台灣製造：內臟比例相對較低，味道比較清爽，冇咁腥，亦更符合大部分貓貓嘅口味，主人喺屋企餵食時都冇咁大陣味。
如果貓貓對味道好揀擇，或者你唔想屋企殘留太重嘅腥味，台灣製造嘅凍乾可能會更適合。
搵到最啱你主子嘅凍乾！
仲為緊貓貓揀飲擇食而煩惱？ 其實只要搵啱方法，氹主子乖乖食飯冇咁難！
凍乾唔只營養高、適口性好，揀啱產品仲可以解決偏食問題。
主食級凍乾 = 日日食都冇問題！
揀嘴貓？溝糧、加水、灑上罐頭都可以提升食慾！
快啲睇下邊款最啱你主子嘅胃口啦！
