本文用詞遵循寵物食品相關規範審慎調整，盡可能清楚傳達資訊嘅同時，避免使用可能產生誤解嘅詞語，感謝主人嘅體諒與理解！
幼貓可以食零食嗎？邊啲貓貓要注意？
身體健康嘅貓貓都可以食零食，只要適量餵就無問題！
至於幼貓（貓 B），因為口腔同腸胃仲未發育完全，建議等到戒奶期之後，特別挑選有標示「幼貓適合」嘅零食，並由可以舔嘅質地開始少少哋試吓會比較好。
另外如果貓貓有腎臟病、糖尿病或其他慢性疾病等狀況，要餵任何零食之前，一律建議先問過獸醫可唔可以食，同埋詳細攝取量要控制喺幾多之內，避免零食對身體造成負面影響。
幼貓零食點樣揀？2 招教你睇！
了解咗貓咪零食嘅種類之後，好多主人心入面可能已經有啲心水，不過想搵到最適合自己主子嘅高質零食，仲有幾個小貼士一定要知：
（一）根據貓咪需求挑選
1. 成份透明先至安心
市面上零食咁多，但有啲成份來源不明、無標示清楚，甚至無經過檢驗，你敢唔敢畀貓貓食？為咗貓貓嘅健康，建議揀成份標示清楚、有檢驗合格嘅牌子，等貓貓食得開心，爸媽又放心。
2. 無添加物，唔好畀毛孩食到「唔應該食」嘅嘢
有啲零食會加色素、防腐劑等人工添加物，或者用咗貓貓唔食得嘅成份（例如朱古力、洋蔥），長期食落肚可能會影響健康。所以，揀成份天然、簡單、無多餘加工嘅零食，先係最好嘅選擇。
（二）睇清楚成份先好買
1. 留意貓咪嘅健康狀況
如果你隻貓有特殊疾病，或者對某啲食材敏感，揀零食嗰陣千祈唔好掉以輕心。唔肯定就直接問獸醫，或者先確認成份啱唔啱佢食，呢個係最穩陣嘅做法。
2. 牙齒狀況都要考慮
對住出緊牙仔嘅貓 B，揀啲質地比較軟、容易入口嘅零食，可以令佢哋食得舒服啲，亦都安全啲。
3 款貓零食推介！幼老貓都可以放心食
主人想幫貓貓揀零食，唔單止要氹得掂容易偏食嘅主子，更加要顧及健康，呢樣嘢並唔係隨便喺網上、寵物店買咁簡單！
首先我哋必須要先了解貓咪零食種類有邊啲，先可以根據貓貓需求同成份去揀。一旦掌握咗呢啲重點，想搵到合適嘅貓咪零食其實唔難，仲可以令佢哋食得更健康、更開心！
（一）舔舔零食首選：Litö! 輕肉泥
畀貓貓舔嚟食嘅零食多數屬於濕黏質地，例如肉泥就係最主要嘅舔舔零食。香味濃郁適口性極高，無論係餵畀老貓、幼貓或者牙齒唔好嘅貓貓，又或者用嚟引誘唔鍾意飲水、偏食嘅貓貓都非常適合。
市面上嘅肉泥成日會有添加物太多、成份唔清楚嘅隱憂，為咗貓貓嘅身體健康，Litö! 輕肉泥 使用天然食材製作，無添加色素、誘食劑、防腐劑等化學成份，而且喺營養比例上調整咗磷、鈉嘅含量，同時補充維他命，等貓貓食得開心又健康！
Litö! 輕肉泥成份天然單純，屬於中磷零食，好適合幼貓、老貓食用。如果貓貓有特殊健康狀況或者飲食需求，建議先請教獸醫嘅專業意見。
（二）咬咬零食首選：怪獸咔滋凍乾
可以畀貓貓𡁻嘅零食會呈現塊狀，質地由香軟到香脆都有，例如用烘乾製成嘅肉乾同小魚乾、生鮮食材冷凍乾燥做成嘅凍乾，以及特別烤製而成嘅潔牙餅乾等，都可以令鍾意大啖咬嘅貓貓食到停唔到口！
如果想揀貓咪咬咬零食，咁由生肉直接冷凍乾燥製成嘅 怪獸咔滋凍乾，唔單止適合畀成貓食，亦都係一個好唔錯嘅幼老貓零食選擇。
因為凍乾可以睇得到食材嘅原貌，能夠保留最大化嘅營養同香氣，無致敏成份同人工添加物，而且堅持原料全部都要通過 SGS 重金屬檢驗合格先會製作，保證每一啖凍乾都係安心好肉！
https://litomon.com/product/kazzz/
（三）多功能零食首選：Chill 快樂凍乾蟲癭果
所謂「多功能」，就係呢種零食唔單止可以食，仲可以畀貓貓玩同放鬆！
大家比較熟識嘅有貓草、蟲癭果、木天蓼等，其中蟲癭果係一種含有生物鹼嘅天然果實，可以令貓貓覺得放鬆、開心。
怪獸部落將新鮮蟲癭果製作成凍乾，令到果香濃郁、質地香脆又大粒，容易咬唔怕吞錯之餘，仲可以原粒碌嚟碌去當玩具玩，性價比極高！
Chill 快樂凍乾蟲癭果 所有年紀嘅貓貓都可以食，反應會根據貓貓對生物鹼嘅敏感程度而有所唔同，建議等到幼貓 6 個月大之後先試效果最好。不過對貓貓完全無害，開心到反肚都唔怕對身體有負擔！
貓零食一次餵幾多？常見問題一次睇！
（一）貓咪可以日日食零食嗎？一次食幾多？
身體健康嘅貓貓係可以日日食零食嘅，但都唔可以食太多，要好好控制食量！
通常建議每日攝取嘅零食熱量，唔可以超過每日總攝取熱量嘅 10%，亦會根據唔同貓貓嘅年紀、體重、有無絕育等身體狀況而有所不同。主人們可以參考下圖，如果想進一步知道詳細餵食量，都建議同獸醫或者營養師傾吓㗎！
想知【貓咪一日應該食幾多乾糧 or 罐頭？】請睇：貓咪一日應該食幾多？貓咪食量計算速成法！
（二）貓咪零食可以當正餐嗎？
雖然貓貓都鍾意食零食，有時仲鍾意過食主糧，但各位主人一定要記住零食絕對唔可以當正餐㗎！
因為零食嘅營養成份遠遠唔及主糧，如果長期淨係食零食，好大機會會令貓貓營養嚴重失衡，搞到身體日漸虛弱引發疾病。所以零食唔可以取代任何一餐正餐，只可以喺正餐以外嘅時間適量咁餵貓貓。
你可能仲想睇......
幼貓照顧指南，畀你最齊全嘅養貓建議！
養貓前嘅檢查清單，應該準備咩嘢？請睇：新手養貓須知：10 大關鍵事項，養貓前必睇！
要點樣照顧幼貓？幾時要打防疫針、絕育？應該畀佢食啲咩？請睇：幼貓照顧指南，一歲內幼貓點樣養？新手必收藏超詳細飼養攻略！
幼貓飲食指南，點樣揀適合貓 B 嘅罐頭同狗糧？
參考資料
- https://www.hartz.com/how-to-choose-the-best-treats-for-your-cat/
- https://www.whiskas.co.uk/care/1-plus-years/feeding/how-many-treats-should-i-give-my-cat
- https://www.temptationstreats.com/cat-care/kitten-treating-101-everything-know-about-treats-kittens
