你知唔知？貓貓嘅氣色好壞，雖然同人類比無咁明顯，但其實都係可以從細節睇得出分別㗎！
例如「肉球、耳仔、牙肉」等等嘅顏色，都可以簡單觀察到佢哋嘅健康狀況！
而貓貓面青口唇白、氣色唔好嘅常見體虛原因，通常係貧血、低血壓或者血液循環差等等，就等我哋一齊嚟睇吓啦！
貓咪貧血嘅常見情況
有貧血嘅活力會明顯下降，可能會成日無晒心機，亦都好容易覺得攰。
肉球可能會摸落凍冰冰，除咗咁，仲可能會出現體重下跌、抖氣辛苦（氣喘）、無胃口等現象㗎！
⚠提醒：如果屋企有呢啲明顯情況，一定要盡快帶佢睇獸醫呀！
延伸閱讀：貓咪抖氣好急、個肚起伏好大？貓呼吸急促應對方法一次睇！
造成貓咪貧血嘅因素
幫貓咪補充營養＋鐵質！改善貧血問題
點樣觀察貓咪嘅氣色？
１、牙肉（牙齦）
血液循環差（即係紅血球運送去到嘅量少咗），就會令到某啲部位顏色變白，而牙肉係最容易睇得到嘅地方。
如果牙肉無咗平時健康嘅粉紅色，變成淡粉色甚至偏白色，咁就要小心喇！
※如果覺得顏色好難分得清，可以試吓用手指撳住佢牙肉再放手，觀察由白變返正常顏色嘅時間有無超過 1 秒。（就好似我哋㩒自己啲皮膚咁）
２、肉球
正常嘅肉球溫度大約會喺 38～39度（摸落去係微暖嘅），而且有彈性。
因為肉球有好多唔同顏色，好似粉紅色、黑色、豆沙色咁，加上屋企環境同生活習慣唔同，都會影響肉球嘅整體狀況！
所以建議各位主人可以從「溫度、顏色、摸落去嘅彈性、陣味」等多種角度去評估佢嘅健康狀態！
３、耳仔內側
耳仔係血管分佈比較密集嘅部位，正常應該係粉紅色嘅。如果貓狗嘅耳仔睇落好蒼白，就可能要留意吓佢哋有無貧血嘅狀況。
如果屋企貓貓狗狗有呢啲明顯情況，一定要盡快帶佢睇獸醫呀！
✨補充鐵質係關鍵✨
鐵質係形成血球、維持身體運作嘅必需營養，當貓狗活力下降、容易攰又易氣喘，身體部位凍冰冰又泛白，都係身體發出緊缺鐵嘅信號！
特別係年紀大、病完之後或者有貧血傾向嘅貓狗，就更加需要加強補充鐵質去維持健康同元氣！
