喂喂喂你知唔知呀？狗狗「飛機耳」唔一定係嬲，仲可能係撒嬌、示好，甚至……耳仔有問題？！吓？飛機耳唔係驚咩？！其實耳仔嘅位置係狗狗最老實嘅語言，快啲嚟學識睇得明狗狗嘅「耳語密碼」啦！

【耳仔豎起 + 表情平靜】

如果見到狗狗面無表情，好似喺度留心聽緊啲乜嘢聲，

可能係發現到危險，提高警覺

【耳仔豎起 + 擘開少少口伸脷】

都係豎起耳仔，如果狗狗有擘開口伸脷，

就有可能係覺得好興奮、好有趣😊

【耳仔向後貼 + 壓低前半身猛咁搖尾】

狗狗耳仔向後貼，同時亦會將身體壓低、猛咁搖尾，

快啲準備好狗狗嘅玩具、你嘅體力，

佢而家已經準備好，要同你大玩特玩喇！！！

【耳仔向後貼 + 縮埋身、夾尾巴】

狗狗耳仔向後貼，亦會將身體縮埋、夾尾巴嘅時候，

通常都係覺得驚、危險

建議可以輕輕安撫吓狗狗，等佢知道你喺度，

同佢講：「你唔使驚！」

【耳仔向後貼 + 齜牙咧嘴低吼】

狗狗耳仔向後貼嘅時候，如果仲露埋牙，

如果再唔小心啲，小心好似嗰棵椰菜咁，搞到體無完膚㗎XD

耳仔狀態	可能情緒	你可以咁做
豎直	警覺、興奮、專注	觀察環境，幫狗狗覺得安全
稍微向後貼	放鬆、信任	可以輕聲講嘢、摸吓佢，加強安全感
完全貼平（飛機耳）	驚、順從、壓力大	唔好夾硬埋去，保持距離、安撫情緒
一邊高一邊低	猶豫、困惑	畀啲鼓勵同指令，引導佢做選擇
快速郁動或甩頭	驚訝、唔舒服	檢查耳仔係咪有感染或異物

延伸閱讀👉狗狗點解咁鍾意掘地？你估都估唔到嘅冷知識！

可能原因	表現特徵	點樣應對
情緒表達	緊張、興奮或驚嘅時候耳仔向外或偏低	留意吓仲有冇其他壓力訊號，畀啲安撫同空間
服從與示好	埋近人或者狗嘅時候耳仔自然放低	畀啲鼓勵同安全感，加強良好互動
健康問題	甩頭、R耳仔、耳仔有異味或紅腫	檢查耳內係咪有感染、耳蟎或有異物，有需要時就醫
品種特徵	幼犬或部分品種（例如哥基）耳仔自然軟塌	只要冇紅腫或痕癢等異常，就唔使特別理會

狗狗嘅飛機耳通常都係一種情緒訊號，可能代表：

焦慮或驚：如果狗狗喺 陌生環境、畀人鬧、或者面對比自己惡嘅狗 嗰陣出現飛機耳，呢個可能表示 壓力、順從、或者不安。

緊張、提高警覺：當狗狗聽到奇怪嘅聲或者覺得周圍環境唔安全嘅時候，會將耳仔向兩邊放低，準備應對。

興奮或好奇：有時，當狗狗發現新嘢、專心留意緊某個目標嘅時候，耳仔可能會自然咁打開。

👉 點樣判斷？
觀察吓其他身體語言，例如尾巴姿勢、瞳孔放大、個嘴合實或者打喊路，嚟判斷狗狗係咪喺壓力或興奮嘅狀態。

狗狗會透過飛機耳嚟向人或者其他狗表達「我好友善㗎！」

如果狗狗遇到新嘅狗或者陌生人，飛機耳再加埋低姿態、舐脷、搖尾，代表示好、想避免衝突。

同主人互動嘅時候，狗狗如果表現出飛機耳 + 低頭 + 眨眼，可能係想尋求安撫。

👉 點樣應對？

如果狗狗好緊張，可以畀啲鼓勵或者溫柔安撫吓佢（但唔好過度關注，否則可能會加強呢種行為）。

如果係喺社交場合，確保對方狗狗嘅行為友善，避免夾硬接觸。

飛機耳可能同健康問題有關，包括：

耳炎（中耳炎/外耳炎）：如果狗狗一隻或者兩隻耳仔係飛機耳，同時仲頻繁甩頭、R耳仔、有異味或紅腫，可能係耳仔發炎。

耳仔受傷或敏感：蚊蟲咬、敏感反應或外傷 可能會導致狗狗耳仔痛，進而影響耳仔姿勢。

耳道異物或耳寄生蟲（例如耳疥蟲）：如果狗狗頻繁R耳仔、甩頭同耳內有黑色分泌物，可能係耳疥蟲感染。

👉 點樣應對？

檢查耳仔入面，如果聞到異味、有紅腫或異物，應該去睇醫生處理。

保持耳仔清潔，尤其係長耳狗狗，例如金毛尋回犬、曲架犬等，更容易積聚耳垢同細菌。

延伸閱讀：金毛尋回犬照顧攻略：6大重點必睇！個性、優缺點同護理指南 – 怪獸部落

有可能係撒嬌，但亦可能係壓力嘅表現。

耳仔向後貼並唔一定＝唔開心，有啲狗狗喺開心、想人摸摸嘅時候都會將耳仔貼平嚟示好，特別係加埋低姿態、眨眼、搖尾嘅話，多數都係「信任+撒嬌」嘅表現。

但如果同時出現身體縮埋、夾尾巴、匿埋等行為，咁就比較似係驚、緊張或壓力大。👉 觀察埋佢嘅「全身語言」先至係關鍵！

如果係因為情緒引起嘅短暫飛機耳，通常會自己好返。

例如狗狗驚陌生人、啱啱畀人鬧、第一次搭車……呢種情緒反應只要個情況過去咗，耳仔就會回復正常。

但如果狗狗長時間都係飛機耳，或者只係單邊飛機耳持續出現，咁就要留意喇，可能係：

• 耳仔發炎、耳內感染

• 耳仔受傷、痛

• 耳仔有異物或寄生蟲

👉 建議觀察1～2日，如果情況冇改善，咁就應該帶去畀獸醫檢查。

要睇情況而定！

如果飛機耳係短暫性嘅，而且狗狗活動正常、冇R耳仔、冇甩頭、唔臭唔紅，咁就先觀察吓好喇。

但如果你發現狗狗同時出現呢啲狀況👇

• 頻繁甩頭或R耳仔

• 耳內有異味、分泌物或紅腫

• 只係單邊耳仔飛機耳、仲持續咗幾日

• 咁就建議即刻去睇醫生檢查耳仔健康，可能係中耳炎、外耳炎、耳疥蟲感染等問題。

耳仔上面嘅小裂縫唔係缺陷嚟㗎！

有人話係幫助收音，亦有人話係退化咗嘅器官，

仲有一個好得意嘅別稱：亨利嘅袋仔(HENRY’S POCKET)🥰