貓脷好鞋㗎！？貓脷嘅6大功能！

身為貓奴，你一定知道貓咪超鍾意幫自己舔毛！成日都會有種錯覺，好似隻貓唔係瞓緊覺、食緊飯，就係舔緊毛咁XDD 不過你又有冇認真觀察過貓嘅脷㗎？

其實貓嘅脷唔止得舔毛一個功能，經過科學家透過精密儀器嘅研究，發現貓嘅脷竟然有超多種用途～

到底有啲乜嘢呢？一齊嚟睇吓啦！

貓脷佈滿倒鈎？

呢啲倒鈎嘅小刺前端中空叫做「乳突」，其實係味蕾角質化，大部份貓科動物都有呢種構造。

科學家利用電腦斷層掃描 6 種貓科動物嘅脷，發現大部份貓科動物脷上面嘅倒鈎唔係錐狀，而係向喉嚨方向微微彎曲。

呢個亦都係點解貓貓舔你嘅時候，唔係刺痛，而係粗糙嘅感覺。

圖片來源：Science Magazine (由左至右分別係：家貓、美國大山貓、美洲獅、雪豹、老虎同獅子)

貓脷用途一：梳毛清潔

透過高速攝影機嘅拍攝，科學家發現貓脷上面嘅倒鈎其實好有彈性，喺遇到打晒結嘅毛髮嗰陣，可以靈活咁轉動，從而將啲毛梳順！

▎延伸閱讀：貓貓愛乾淨舔毛，竟然引發「毛球症」！？」

貓脷用途二：方便進食

無論係食罐頭，定係剔除骨上面嘅肉碎時，貓脷上面嘅倒鈎係最好嘅刀叉，可以食得更乾淨！下次貓貓食晒啲嘢嗰陣，可以細心聽吓，可能會有 ㄙㄨㄚ─ ㄙㄨㄚ─ 嘅聲㗎～

▎延伸閱讀：貓貓伸脷代表乜嘢？係放鬆嘅行為，定係健康警號？