一直以來，我哋收到好多毛孩主人嘅查詢，都係關於罐頭點樣保存？開咗罐之後可以擺幾耐？
明白各位主人嘅擔心，我哋依家就嚟為大家解答！
未開封罐頭－放喺陰涼地方
未開封嘅罐頭，應該擺喺避免陽光直射嘅陰涼地方。因為罐頭製作過程經過高溫、高壓殺菌同埋真空處理，即使冇添加防腐劑，只要唔開封，都可以保存三年咁耐，唔使特登放入雪櫃保存㗎！
開封後－放入雪櫃
如果毛孩食唔晒罐頭，可以參考以下方法：
1⃣ 用保鮮紙或者罐頭蓋密封好，最遲第二日要食晒。
2⃣ 將罐頭倒入密封盒入面，最遲第二日要食晒。
＊罐頭擺過夜之後，味道對於貓狗嚟講難免會有變化，為咗確保新鮮同口感，建議主人盡量喺第二日就餵晒佢哋！
開咗罐之後可以擺幾耐？
開咗罐嘅罐頭，如果擺喺室溫下，建議主人喺２小時內就要食晒，費事滋生細菌同蚊蟲。
如果開咗罐之後，即刻放入雪櫃保存，最遲第二日都要食晒佢。
收到呢類罐頭，千祈唔好餵！
罐頭嘅保存都係日常好重要嘅注意事項嚟。一旦冇保存好、開始變味，你嘅毛孩好可能會對佢失去興趣，甚至食到肚痛，所以建議各位主人一定要多加留意啦～