狗牙結石點算？3招擊退狗口臭

本文嘅用詞已根據寵物食品相關指引小心調整，務求清晰傳達資訊之餘，避免用可能會引起誤會嘅字眼，多謝各位主人嘅體諒同諒解！

狗狗口臭係好多主人經常遇到嘅問題，但你又知唔知？

如果狗狗嘅口腔衛生做得唔好，問題就唔止係口氣難聞咁簡單，更可能會惡化成牙石、牙周病，甚至影響埋狗狗嘅全身健康！

今日就等我哋一齊傾吓狗狗嘅牙石問題，同埋點樣預防啦！

口臭 ➡️ 牙菌膜 ➡️ 牙石 ➡️ 牙周病 ➡️ 牙齒脫落（嚴重）

狗狗食完嘢之後，如果冇好好咁清潔。

狗狗嘅口腔入面就會滋生細菌，呢啲細菌同食物殘渣結合之後，就會形成牙菌膜。

如果牙菌膜冇及時清除，就會慢慢鈣化，變成硬邦邦嘅牙石，一旦牙石形成，就冇辦法靠刷牙清走，一定要靠獸醫做全身麻醉洗牙先可以徹底清走。

牙石嘅危害唔止係口腔問題咁簡單，佢會令細菌不斷侵蝕牙肉，導致牙周病、牙肉發炎，甚至令牙齒鬆脫、剝落。

更嚴重嘅情況下，細菌仲可能會進入血液，引發心臟病、腎病等全身性問題！

深入了解：狗狗洗牙收費幾多？洗牙流程、使費、麻醉同術後護理全面睇！

講真，狗狗嘅口臭同牙石問題，其實完全可以透過日常護理嚟避免㗎！

口臭其實係毛孩常見嘅口腔問題，狗狗同人一樣，都係需要每日刷牙清走牙菌膜㗎。

好多主人都覺得狗狗唔鍾意刷牙，但其實只要透過循序漸進嘅訓練，令狗狗習慣刷牙，就可以大大減低牙菌膜同牙石嘅風險！

訓練過程一定要配合獎勵，令狗狗對刷牙產生正面聯想！

STEP 1：叫名，狗狗有反應就獎勵佢

STEP 2：輕摸狗狗頭部，等佢適應被摸，再獎勵

STEP 3：輕碰嘴巴，令狗狗習慣被觸碰，就獎勵

STEP 4：輕觸牙齒，慢慢適應刷牙嘅感覺，可以用指套幫佢適應，再獎勵

STEP 5：畀狗狗舔牙刷上面嘅零食（例如肉醬），建立對牙刷嘅好印象

每個步驟建議用 2-3 日，等狗狗慢慢適應，先再進行下一步！