係咪成日見到狗狗有騎乘行為㗎？其實騎乘行為同「發情」唔係絕對有關係，但被騎嘅一方心入面一定有壓力，所以唔係一件可以隨便由得佢嘅事嚟㗎！
狗狗騎乘行為嘅兩大原因
幼犬大到四個禮拜左右，就會開始佢哋嘅社交期，「騎乘」就係其中一個重要表達方式，用嚟展現領導氣質，宣示自己嘅主權。無論係對住主人隻腳，定係屋企嘅公仔，生殖器官都係狗狗身上味道最濃嘅部分。佢哋會透過騎乘，將自己嘅氣味留喺呢啲物件上面，從而宣示主權㗎！
❸ 當然，都可能係發情！
騎乘當然都係典型嘅發情徵兆，但通常會伴隨住生理狀況嘅轉變，例如：性格煩躁、性器官有變化等。
常見問題：係咪淨係公狗先會騎乘？
❌ 錯啦！其實母狗都會㗎！騎乘係狗狗嘅社交行為之一嚟㗎。
常見問題：狗狗係咁騎我隻腳點算好？
當狗狗騎主人隻腳嗰陣，千祈唔好畀任何反應（例如：大叫、鬧佢等），因為咁樣會令狗狗誤以為你係關注佢。你可以直接面無表情咁行開，耐咗之後，狗狗就會知道騎腳係唔會得到任何回應㗎喇。
＊每個家庭可能都有自己習慣嘅訓練方法，例如：有固定獎勵、有固定指令，呢個方法只供參考，如果真係有需要，記得諮詢專業行為訓練師或者獸醫協助啊！
