本文用詞已按寵物食品相關指引小心調整，務求清晰傳達資訊，同時避免使用可能產生誤解嘅字眼，多謝各位主人體諒同明白！
你隻貓貓係咪成日打乞嗤、流眼水、流鼻水，定係成日瞇埋眼呢？ 千祈唔好輕視呢啲症狀呀，好大機會係「貓咪上呼吸道感染」嚟㗎！
貓咪嘅上呼吸道感染對幼貓嚟講更加常見。如果你隻貓貓胃口唔好、冇晒精神，仲要眼仔同鼻哥有黃綠色分泌物湧出嚟嘅話，就一定要快啲帶佢去獸醫度檢查同治療喇！
貓貓打乞嗤、流鼻水要留意！提防係上呼吸道感染
貓咪上呼吸道感染（feline upper respiratory infection），對免疫力仲未完全發展嘅幼貓嚟講，係一種好常見嘅疾病。
尤其當貓貓置身喺太過擠迫或者過度緊張嘅環境時，就更加容易中招。就算而家打疫苗已經好普遍，但依然有好多感染後嚴重致死嘅個案㗎！
通常貓咪上呼吸道感染都唔會只係由單一病原引起，好多種病原都可能導致上呼吸道感染，甚至乎有機會同時感染兩種或以上嘅病原。
貓貓上呼吸道感染嘅常見症狀包括：
１、 貓貓打乞嗤
２、 貓貓眼結膜充血
３、 貓貓流眼水或者眼、鼻有分泌物
４、 貓貓瞇埋眼
５、 貓貓口腔出現病灶
６、 貓貓冇精神、好攰
７、 貓貓冇胃口
伸延閱讀：貓貓呼吸急促、肚皮起伏大？貓隻呼吸急促嘅應對方法一覽！
貓貓上呼吸道感染，使唔使帶佢睇獸醫？
如果各位主人喺屋企留意到貓貓有以上上呼吸道症狀，不妨先諗諗會唔會有以下原因出現：
１、屋企有冇新成員（無論係貓貓定係人）
２、有冇任何事件可能令貓貓壓力大
３、居住環境會唔會太過擠迫
一般嚟講，貓貓打乞嗤、流眼水等等都屬於比較輕微嘅症狀，主人可以先留意下生活上嘅細微位，試吓搵出同消除貓貓嘅壓力來源，之後再觀察多一陣都得。
但如果症狀持續惡化，好似貓貓眼同鼻孔出現黃綠色分泌物，甚至影響埋精神同食慾，咁就一定要即刻帶佢去睇獸醫喇！
伸延閱讀：貓貓流眼水點算好？由淚痕、單邊流淚到啡色眼水，獸醫拆解原因同照護方法！ – 怪獸部落
>> 貓貓係咁叫、情緒唔穩定？常見貓隻壓力源同減壓方法！
貓貓上呼吸道感染 常見病原體種類
最常見嘅病原體例如貓第一型皰疹病毒（FHV-1）、貓卡里西病毒（FCV）等等。
貓第一型皰疹病毒（FHV-1）：
貓貓一世人難免都會接觸到貓第一型皰疹病毒（FHV-1），而且一旦受感染，就算康復咗之後，都會有潛伏感染（latent infection）嘅情況，日後只要壓力過大、免疫力下降，都有機會翻發。
貓卡里西病毒（FCV）：
貓卡里西病毒都係一種好常見嘅病原體，感染後嘅臨床症狀可以好唔同，但如果貓貓有口腔潰瘍或病灶時，就可以更加懷疑係卡里西病毒引起嘅感染。卡里西病毒喺環境中比較難清除，而且可以存活長達一個月，主要係透過環境物質污染而傳播。
貓貓上呼吸道感染點樣餵食？點樣護理？兩大要點話你知！
貓貓病咗需要攝取足夠水份同營養，先可以有效增強免疫力，幫助佢哋盡快恢復健康！
１、均衡營養：
建議主人揀選營養均衡、可作主食嘅乾糧或者濕糧罐頭都得，最緊要都係睇貓貓鍾意食邊款啦～
※ 如果主人想自己煮鮮食畀貓貓，關於食物配搭同營養補充，請務必諮詢專業人士意見。透過定期磅重同身體狀況評估，先可以確保貓貓食得健康、身體壯壯！
>> 貓貓唔食得嘅禁忌食物！小心食錯會中毒！？
２、水份充足
貓貓每日所需水份量約為體重（kg） X 50 ml，主人記得日日都要畀佢哋補充足夠水份呀～
如果貓貓因為生病搞到冇晒精神、食慾唔好，主人可以試吓將食物略為加溫、或者灑啲貓貓鍾意食嘅零食、肉鬆去引誘佢。但如果貓主子都係唔肯食嘢，咁就要盡快搵獸醫開啲刺激食慾嘅藥物啦！
>> 貓貓飲水唔夠多，要小心腎臟病搵上門！
點樣預防貓貓上呼吸道感染？居家環境改善小貼士！
１、減低壓迫感
２、增加活動空間
佈置匿藏空間、垂直空間，並減少環境變動。
３、環境消毒
４、隔離患病貓咪
５、疫苗接種
當貓貓夠八週大，就可以同獸醫商量，打番啱貓貓嘅疫苗喇。
【新手貓主人有咩要注意？】即睇：新手養貓必讀：10 大關鍵貼士，養貓前必睇！