唔知各位主人平時有無留意過瞓到熟晒嘅狗狗呢？你哋有冇發現佢哋間中會手腳郁吓郁吓，或者發出聲響？
其實，呢啲好大機會就係狗狗發緊夢嘅徵兆嚟㗎！
究竟狗狗瞓覺嗰陣有啲乜嘢有趣小知識呢？快啲同我哋一齊睇吓啦！
狗狗真係會發夢㗎咩？
雖然我哋無辦法入到狗狗個腦諗乜，不過根據推測，狗狗發夢嘅機會率高到爆。
因為哺乳類動物（好似：猩猩、老鼠）都有相似嘅腦部結構同睡眠模式，瞓覺期間會經歷快速動眼期（REM），所以佢哋會發夢都係好合理嘅事。而事實上亦有研究指出，其他哺乳類動物嘅腦電波喺快速動眼期，同清醒時執行特定任務期間係好相似㗎！
狗狗會發夢夢到啲乜？
俗語有話：「日有所思，夜有所夢」，人類會夢到日間發生過嘅事，而狗狗都唔例外㗎～
例如今日食過嘅罐頭、去過嘅公園，同埋主人一齊玩玩具嘅情景，都有機會喺狗狗嘅夢境入面出現㗎！
發緊夢嘅狗狗千祈唔好嗌醒佢？
直接嗌醒佢哋係好危險㗎，因為佢哋可能正喺夢入面追緊獵物。突然間接觸佢哋，會令佢哋分唔清現實同夢境，分分鐘會咬你㗎！你有無仔細留意過你屋企隻毛孩瞓覺嘅樣呢？毛孩好多時都係淺眠㗎，你可以觀察吓當佢哋眼球喺眼皮下面快速轉動嗰陣，就係佢哋發緊夢嘅時候喇！
睇完有無覺得好有趣呢？快啲將呢個有趣知識分享畀身邊有養狗狗嘅朋友啦～
想主子食靚肉，梗係搵怪獸部落啦！
怪獸部落由深入研究貓狗飲食習慣入手，明白到新鮮原肉最能夠令小怪獸吸收到豐富營養，食得滋味又健康。
因此，我哋致力採用 100% 全鮮肉，配搭原型食材，為毛孩調製健康優質嘅肉類食譜。提供超過 30+ 種多元口味畀各位主人揀選，務求幫到主人同小怪獸搵到最啱心水嘅最佳選擇！
怪獸部落都希望透過以上嘅內容，幫助香港嘅寵物家庭加深認識貓狗嘅各方面，並同我哋一齊見證小怪獸嘅健康與快樂！咁各位小怪獸主人，我哋下次再見啦～
參考資料
