Author Archives: simon_lu

貓最驚咩聲同頻率？點解會驚呢啲聲？

想知點解貓貓會被聲嚇親？我哋要由佢哋嘅獵人天性同生理結構講起。 人類聽覺範圍： 大約 20 Hz – 20 kHz（隨住年紀增長，高頻聽力會變差）。 貓貓聽覺範圍： 大約 48 Hz – 85 kHz。 . .

陀 B 養貓係咪一定要送走？踢爆弓形蟲引致嘅恐怖謬誤！

「我大肚喇，屋企隻貓係咪要送走？」呢個問題，相信係好多養貓嘅準媽媽，都俾身邊嘅親朋好友問過或者關心過。 呢個擔憂背後嘅「真兇」，就係一種聽落都幾嚇人嘅弓形蟲，又叫弓漿蟲。 長期以嚟，貓咪同弓漿蟲呢個組合俾人污名化咗，搞到好多家庭喺迎接新成員之前，將貓咪變成犧牲品。但事實係咪真係咁呢？ 弓形蟲，又叫做弓漿蟲，係一種單細胞原蟲寄生蟲。 佢可以感染差唔多所有溫血動物（包括人類），但喺佢嘅生命週期入面，貓科動物係唯一可以令蟲體完成有性生殖，並排出帶傳染力卵囊嘅「最終宿主」。 呢個亦都係點解「貓弓形蟲」嘅議題，總係會俾人特別提出嚟討論。 喺貓咪身上：大部分免疫力正常嘅成年貓感染後，幾乎唔會有任何病徵。只有免疫力比較差嘅貓咪（例如幼貓、貓愛滋病貓）先至可能出現發燒、冇晒精神、呼吸困難等等非特異性病徵。 喺人類身上：超過八成健康嘅成年人感染後，病徵輕微甚至冇晒病徵。少部分人可能會出現類似感冒嘅輕微發燒、攰、肌肉痠痛。真正嘅危險，係免疫力較差嘅人士同埋懷孕中嘅婦女。 好多人因為擔心「孕婦弓漿蟲」嘅風險，搞到陷入應唔應該棄養嘅兩難局面。其實，人類要直接喺貓咪身上感染弓漿蟲，必須要符合晒以下所有極之嚴苛嘅條件： 你養嗰隻貓必須係有生以嚟第一次感染弓形蟲。 貓咪咁啱就喺呢個關鍵嘅1-2星期排泄期。 你冇日日清理貓砂，仲要俾貓糞喺貓砂盆入面留超過24個鐘，等卵囊有足夠時間熟成。 喺清完呢啲帶傳染力嘅糞便之後，你冇洗手，又直接掂到自己個嘴。 只要你日日清貓砂，同埋清理完之後用番梘徹底洗手，想直接由屋企隻貓度感染弓漿蟲嘅機會係微乎其微。 其實，根據全球各地醫學研究嘅統計，人類感染弓漿蟲最主要嘅途徑係： . .

貓貓叫雀仔聲，係咪見到獵物興奮？

點解貓貓對住窗外會咯咯聲？其實…貓貓係度進行緊一場「空氣狩獵」嚟㗎！ 呢種行為其實就係「真空行為 Vacuum activity」，普遍嚟講，係指動物受到外界環境刺激嗰陣，會作出相應嘅行為。舉個簡單例子：當你聽緊音樂嗰陣，受到感官刺激不自覺咁興奮，開始搖擺、刷空氣結他；又或者貓貓對住你份晚餐黑面，做出撥沙嘅動作等等，呢啲全部都係真空行為嚟㗎！ 貓貓其實係模擬緊咬斷獵物條頸嘅動作，只不過個口冇獵物，所以上下兩排牙齒互咁震、發出咯咯聲。通常見到呢種情況，多數係因為屋企隻貓滿足唔到佢哋捕獵嘅慾望，而產生出嚟嘅一個假想行為嚟㗎！ 當貓貓對住你份食物做出撥沙動作，其實唔係嫌份食物好似便便咁臭咋！只不過係因為佢哋嘅祖先喺野外生存嗰陣，習慣咗將糞便同食物埋藏，隱藏自己嘅蹤跡。雖然佢哋已經係家貓，冇晒天敵威脅，但係聞到啲味比較濃嘅嘢，都仲會做出撥走嘅動作。 狗狗祖先喺野外瞓覺嗰陣，會喺地下R個位，貪泥土下面暖笠笠又舒服。雖然你隻狗狗變咗家犬後有暖竇，但佢哋仍然保留住R地嘅天性。 貓貓對住張棉被踩踏踏，或者啜塊布料，多數都同佢哋細個甩奶嘅經歷有關。有人話，軟綿綿、暖笠笠嘅質地，可以令貓貓諗起喺媽咪身邊嗰陣嘅感覺，所以做出呢種「真空行為」，會覺得幸福又減壓。 延伸閱讀：貓貓踩踏踏係咩意思？貓貓行為分析同情感大揭秘！ – 怪獸部落 延伸閱讀：細貓仔係咁叫，使唔使理佢？4個步驟教你點樣成功安撫隻細貓仔！ 「真空行為」要唔要糾正？ 首先可以留意吓，發生嘅頻率同強度高唔高？有冇整傷自己（例如：貓貓啜肉墊啜到流血）？如果頻率正常，咪當佢可愛囉，影多啲相留念啦！但如果發生得太密，甚至整傷咗，就要帶佢去睇醫生檢查，因為可能就唔係咁簡單嘅「真空行為」喇！ . .

狗隻騎身行為，其實唔係淨係因為發情？

係咪成日見到狗狗有騎乘行為㗎？其實騎乘行為同「發情」唔係絕對有關係，但被騎嘅一方心入面一定有壓力，所以唔係一件可以隨便由得佢嘅事嚟㗎！ ❶ 宣示自己嘅優越感 幼犬大到四個禮拜左右，就會開始佢哋嘅社交期，「騎乘」就係其中一個重要表達方式，用嚟展現領導氣質，宣示自己嘅主權。無論係對住主人隻腳，定係屋企嘅公仔，生殖器官都係狗狗身上味道最濃嘅部分。佢哋會透過騎乘，將自己嘅氣味留喺呢啲物件上面，從而宣示主權㗎！ ❷認定親密夥伴 騎乘行為亦可以係狗狗嘅調情動作，就好似佢哋溝通嗰陣，會豎起耳仔、互相舔吓咁。呢種騎乘同佔有慾唔同，只係單純表達鍾意，所以通常時間都唔會長，幾秒之後就會落嚟，仲經常會交換騎乘嘅一方。 ❸ 當然，都可能係發情！ 騎乘當然都係典型嘅發情徵兆，但通常會伴隨住生理狀況嘅轉變，例如：性格煩躁、性器官有變化等。 ❌ 錯啦！其實母狗都會㗎！騎乘係狗狗嘅社交行為之一嚟㗎。 當狗狗騎主人隻腳嗰陣，千祈唔好畀任何反應（例如：大叫、鬧佢等），因為咁樣會令狗狗誤以為你係關注佢。你可以直接面無表情咁行開，耐咗之後，狗狗就會知道騎腳係唔會得到任何回應㗎喇。 ＊每個家庭可能都有自己習慣嘅訓練方法，例如：有固定獎勵、有固定指令，呢個方法只供參考，如果真係有需要，記得諮詢專業行為訓練師或者獸醫協助啊！ . .

狗牙結石點算？3招擊退狗口臭

本文嘅用詞已根據寵物食品相關指引小心調整，務求清晰傳達資訊之餘，避免用可能會引起誤會嘅字眼，多謝各位主人嘅體諒同諒解！ 狗狗口臭係好多主人經常遇到嘅問題，但你又知唔知？ 如果狗狗嘅口腔衛生做得唔好，問題就唔止係口氣難聞咁簡單，更可能會惡化成牙石、牙周病，甚至影響埋狗狗嘅全身健康！ 今日就等我哋一齊傾吓狗狗嘅牙石問題，同埋點樣預防啦！ 口臭 ➡️ 牙菌膜 ➡️ 牙石 ➡️ 牙周病 ➡️ 牙齒脫落（嚴重） 狗狗食完嘢之後，如果冇好好咁清潔。 狗狗嘅口腔入面就會滋生細菌，呢啲細菌同食物殘渣結合之後，就會形成牙菌膜。 . .

貓貓食唔食得西瓜？食到西瓜核點算？

喺熱辣辣嘅夏天，清爽嘅西瓜唔單止係人類嘅消暑佳品，對貓貓嚟講，都係一種好正嘅「補水小食」。只要主人識得點處理同畀啱份量，就會有以下幾點好處： 西瓜嘅含水率高達92%，對啲天生唔鍾意飲水嘅貓貓嚟講，絕對係補充水分、預防中暑同脫水嘅最佳拍檔。 西瓜含有維他命A、C同埋茄紅素，呢啲抗氧化劑有助於增強貓貓嘅免疫系統，對維持心血管同眼睛健康都好有益。 西瓜嘅熱量相對比較低，對需要控制磅數嘅貓貓嚟講，係一個比好多現成加工小食更健康嘅選擇嚟㗎。 雪凍咗嘅西瓜可以幫貓貓喺酷熱天氣入面降溫，等佢哋感受一陣清涼，特別喺香港夏天咁熱，涼浸浸真係最好。 西瓜嘅紅肉係非常安全，但「西瓜皮」同「西瓜核」係主人必須花心機清走嘅危險部分。 雖然唔小心食咗少少都無乜大問題，但西瓜核好難消化，食得多嘅話，就好大機會引致腸道閉塞。尤其係啲黑色、熟透嘅核，質地硬淨啲，主人應該盡量清走晒佢哋就最好啦。 綠色嘅西瓜外皮質地好硬，貓貓係完全消化唔到。如果貓貓咬西瓜皮，除咗腸胃會唔舒服，仲有機會哽親，甚至導致腸道閉塞嘅危險㗎！ 雖然西瓜含水率高，但始終含有天然糖分。對於有糖尿病嘅貓貓，就千祈唔好畀佢哋食；即使係健康嘅貓貓，都應該適量咁餵，避免攝取過多糖分而導致肥胖問題。 記住，呢條係最重要嘅安全守則！淨係用中間紅色嘅果肉部分，同埋要有耐性咁將睇到嘅黑色同白色瓜核全部清走晒佢。 將處理好嘅果肉切成貓貓指甲蓋咁大嘅粒粒，方便貓貓舔食同咀嚼。 將切好嘅西瓜仔直接畀貓貓食，或者稍微雪凍少少再餵，會更加好味。主人都可以將去核嘅果肉打成果蓉，雪成細細粒嘅冰磚，整成貓貓夏天專屬嘅冰凍小食。 西瓜應該當係「季節性嘅消暑小食」，而唔係每日都食嘅零食嚟㗎。 一日大約1-2塊切好嘅細方塊，或者一湯匙嘅份量就夠啦。喺熱辣辣嘅夏天，可以每個禮拜餵一到兩次。 重要提示：第一次餵嘅時候，請淨係畀一細塊貓貓試下，留意佢哋嘅腸胃反應，確保佢哋唔會因為水分同纖維突然增加而肚痾。 . .

貓肚下墜係咪肥？咩係原始袋？功能、分辨方法同常見謬誤

你隻貓個肚仔，係咪都有塊行路時會左右搖擺嘅「小肚腩仔」呢？ 好多主人一見到呢個鬆泡泡又下垂嘅貓肚，即刻會諗：「嘩，我隻貓係咪太肥喇！」 不過千祈唔好咁快捉佢去磅重！因為呢塊令貓咪個肚下垂嘅部位，好可能唔係肥胖造成，而係貓科動物與生俱來、充滿野性魅力嘅獨有特徵：「原始袋」。 「原始袋」，亦都成日俾人叫做「原始口袋」，係喺貓咪下腹部、由多餘嘅皮膚、脂肪同埋組織組成嘅一層鬆軟結構。 呢個唔係一種缺陷或者病，而係自貓科動物嘅遠古祖先就已經存在嘅天生構造，係佢哋為咗喺野外生存而進化出嚟嘅重要優勢特徵。 所以，唔單止你屋企隻貓，就連動物園入面嘅老虎、獅子等等大型貓科動物，都有機會見到呢個隨風搖曳嘅「原始袋」肚仔㗎！ 呢個睇落好似係「贅肉」嘅構造，其實對貓咪嘅生存同埋日常行動，都有三大關鍵作用： 原始袋呢層有彈性嘅肚皮，可以令貓咪喺奔跑衝刺嗰陣，後腿可以更完全咁向前伸展，做到步幅更大、速度更快；而喺空中跳躍嗰陣，仲可以令身體有更好嘅伸展性，確保動作更流暢靈活！ 原始袋有彈性空間，等貓貓捕獵到大型獵物之後，可以一次過撐大個肚，儲存更多食物同脂肪，就好似一個隨身攜帶嘅「流動糧倉」咁。 貓貓嘅肚仔係佢哋最脆弱嘅部位之一。 呢層厚實嘅原始袋，就好似一個天生嘅安全氣袋咁，喺打鬥時可以提供額外緩衝，保護腹腔入面嘅器官，避免受重傷。 雖然原始袋係貓貓天生就有嘅，但有啲貓貓嘅肚腩仔，真係肥㗎嘛！想分辨你屋企隻貓仔個肚腩究竟係天生嘅原始袋，定係需要減肥嘅脂肪，最簡單嘅方法就係——伸隻手摸下佢啦！ 手感： 原始袋摸落去鬆泡泡，好似層皮咁，可以輕易同腹肌分開，就好似個冇裝滿水嘅袋；肥肚腩摸落去好實淨、脹卜卜，好難搣起一層皮，手感好實。 外形： . .

貓食牛肉得唔得？營養優缺點、餵食安全指引

牛肉係純肉食動物最理想嘅蛋白質來源之一。如果好好處理同埋份量啱啱好，就有以下好處： 牛肉可以提供貓貓所有必需胺基酸，幫貓貓練壯肌肉、維持身體機能健康。 牛肉係天然嘅「補血聖品」，鐵質豐富，幫手預防貧血。而鋅同維他命B雜，對維持免疫系統、皮膚健康同正常嘅能量代謝都好緊要。 牛肉裡面嘅脂肪，可以畀貓貓能量，仲係維持毛髮靚仔、關節健康嘅重要來源。 牛肉嗰陣濃郁嘅肉香，對大部份貓貓嚟講都好有吸引力，好啱用嚟做獎勵，或者幫啲冇乜胃口嘅貓貓開胃。 雖然牛肉係優質肉類，但如果份量同煮法唔啱，就會帶嚟風險。 有啲部位嘅牛肉（好似牛五花）脂肪含量好高，食得太多容易搞到貓貓肥胖、腸胃唔舒服，甚至可能引起劇痛又致命嘅急性胰臟炎。 建議揀啲脂肪含量少啲嘅部位，好似牛肩胛、牛板腱或者牛里肌咁。 同所有單一肉類一樣，齋餵牛肉係絕對唔可以取代營養均衡嘅主食。如果長期齋餵，會搞到貓貓缺乏必需嘅鈣質、牛磺酸同埋多種維他命，引致嚴重嘅健康問題。 牛扒： 煮嘅時候成日會落洋蔥、蒜頭、黑椒同太多鹽，對貓貓有害。 牛肉乾/滷水牛肉： 鹽份、香料同防腐劑含量超標。 未處理過嘅生牛肉，可能帶有沙門氏菌、大腸桿菌呢啲病菌。如果想餵生牛肉，就一定要揀信得過嘅生肉來源，同埋喺獸醫指導下先好餵。 建議揀脂肪含量少啲嘅部位，好似牛肩胛、牛板腱或者牛里肌，避免用啲油花太多嘅部位。 . .

貓罐頭食唔晒點樣保存？

一直以來，我哋收到好多毛孩主人嘅查詢，都係關於罐頭點樣保存？開咗罐之後可以擺幾耐？ 明白各位主人嘅擔心，我哋依家就嚟為大家解答！ 未開封嘅罐頭，應該擺喺避免陽光直射嘅陰涼地方。因為罐頭製作過程經過高溫、高壓殺菌同埋真空處理，即使冇添加防腐劑，只要唔開封，都可以保存三年咁耐，唔使特登放入雪櫃保存㗎！ 如果毛孩食唔晒罐頭，可以參考以下方法： 1⃣ 用保鮮紙或者罐頭蓋密封好，最遲第二日要食晒。 2⃣ 將罐頭倒入密封盒入面，最遲第二日要食晒。 ＊罐頭擺過夜之後，味道對於貓狗嚟講難免會有變化，為咗確保新鮮同口感，建議主人盡量喺第二日就餵晒佢哋！ 開咗罐嘅罐頭，如果擺喺室溫下，建議主人喺２小時內就要食晒，費事滋生細菌同蚊蟲。 如果開咗罐之後，即刻放入雪櫃保存，最遲第二日都要食晒佢。 收到罐頭嗰陣，主人要先留意： ▶ 外觀：有冇膨脹、生鏽、凹陷或者捲邊變形嘅現象 ▶ . .

貓貓關節護理，6 大秘訣遠離關節痛

貓貓每次跑動、跳高跳低，其實都會對關節造成勞損。你知唔知？關節嘅損耗係無得逆轉㗎，所以及早做好家居護理同埋飲食保養好重要。即刻嚟睇下點樣好好保護你嘅貓貓關節啦！ 由高位跳落、用後腳企、喺跣手跣腳嘅地板上面跑動、長時間跳嚟跳去、身型過重，呢啲睇落好普通嘅情況，其實都會增加貓貓關節嘅負荷，導致「軟骨」勞損。 軟骨可以想像成係骨頭之間嘅「避震墊」，幫手吸收同緩衝骨頭承受嘅壓力。不過，軟骨同滑囊液會隨住時間流逝，造成無可逆轉嘅損耗同磨蝕，最終令骨頭互相摩擦而引起痛楚。所以如果冇及早開始做足保養，關節就好可能會提早衰老㗎！ https://cdn-v2.litomon.com/prod/2021/06/02/167598/P.2.mp4 貓貓唔識講嘢，而且好捱得痛，所以各位主人要密切留意佢哋嘅行為有冇異常，先可以及早發現問題。以下係常見嘅痛楚跡象，如果你隻貓貓出現呢啲行為，並已經維持咗一段時間，建議帶佢哋去獸醫度檢查： ​​ 🔹​​ 活力下降：唔多郁動、成日瞓 ​​🔹 行為轉變：出入貓砂盆有困難、撐拐腳/跛下跛下、長時間攤喺度坐 (俗稱「阿叔坐」)、突然唔鍾意俾人摸 🔹​​ 脾性改變：唔鍾意同人玩、脾氣變得暴躁 🔹 先天基因因素： . .

貓貓剷毛有咩要注意？剃毛必要性、風險及安全修剪指南

一到炎炎夏日，唔少主人見到自家毛茸茸嘅主子，都會忍唔住諗：「佢哋著住件毛大褸，肯定好熱啦？到底使唔使幫貓貓剃毛呢？」 喺大多數情況下，我哋強烈唔建議幫貓貓全身剃光。呢個其實係一個好常見嘅迷思嚟㗎。 貓咪嘅毛髮本身有「恆溫」作用，可以隔絕外界溫度，仲可以防止皮膚俾太陽曬傷。 佢哋主要靠留喺涼爽嘅地方、舔毛（利用口水蒸發）同埋透過耳仔同腳掌散熱。剃毛絕對唔係最好嘅消暑方法。 剃毛會令貓貓脆弱嘅皮膚完全暴露喺外面，直接面對紫外線、致敏原、灰塵同蚊叮蟲咬，咁反而更容易引起皮膚敏感或者曬傷。 同時，毛髮有助於分散皮脂，剃光晒之後可能會導致毛囊炎或者皮膚出油。更嚴重嘅係，如果剃得太貼肉或者電剷過熱，可能會永久性損害毛囊，令毛髮生長異常或者局部甩毛。 貓咪對自己嘅外觀非常敏感。剃毛之後，外形突然大變，會令佢哋冇晒安全感。好多貓貓剃毛後都會匿埋幾日、情緒低落，呢啲都係壓力過大嘅表現。 雖然唔建議全身剃光，但喺某啲特定情況下，「局部剃毛」或者「醫療性剃毛」都係必須同有益嘅： 呢個係最常見亦都最必要嘅原因。尤其係長毛貓，一旦毛髮嚴重打結到變晒「毛氈」，就只可以將打結嗰度嘅毛剃走，等皮膚可以重新透下氣。 當貓貓有真菌、濕疹等皮膚病嘅時候，局部剃毛可以令藥物更直接咁作用喺患處。而手術前嘅剃毛準備，更係醫療嘅標準程序。 年紀大、關節僵硬或者過度肥胖嘅貓貓，可能清潔唔到自己嘅肛門或者私隱部位。適度修剪呢啲部位嘅毛髮，可以防止排泄物黐住。 如果貓咪真係極度怕熱，可以考慮「剪短」而唔係「剃光」。保留 1-2 厘米嘅長度，咁既可以減少毛髮厚度，又可以保持基本嘅皮膚保護力。 對於波斯貓、緬因貓等長毛貓，比起全身剃光，我哋更建議「重點式修剪」： . .

貓食唔食得狗糧狗罐頭？誤食風險、營養分別分析

. .