貓貓身上有黑色點點？一文睇清貓蝨症狀、預防、杜蝨方法及貓蝨藥推介

貓蝨 (Cat Fleas) 係一種常見於貓貓身上嘅體外寄生蟲，體型細小、深啡色、冇翼但跳躍力驚人。佢哋以吸食宿主嘅血液為生，繁殖速度極快，一隻成年雌蚤一日可以產下幾十粒卵。

貓蝨嘅生命週期分為卵、幼蟲、蛹、成蟲四個階段。最麻煩嘅係，只有成蟲會喺貓貓身上活動，而大量嘅卵、幼蟲同蛹其實係匿埋喺你屋企嘅環境入面（例如地氈、梳化罅、貓床），所以要徹底消滅貓蝨，一定要連環境都一齊處理，如果唔係好容易會春風吹又生！

貓蝨好細隻又郁得快，要直接喺貓貓身上捉到佢哋唔容易。但只要留意以下幾個線索，就可以及早發現主子係咪已經「中招」。

• 不停搔抓： 呢個係最明顯嘅症狀。貓貓會因為被貓蝨叮咬而皮膚痕癢，不停用後腳抓頸、耳仔後面等部位。
• 過度舔毛或啃咬： 貓貓會嘗試用舔舐或輕咬嘅方式去紓緩痕癢感，有時甚至會咬到皮膚紅腫或甩毛。
• 突然激動或跑動： 有時貓貓會突然彈起，好似被針拮咁跑開，可能就係被貓蝨咬到。

• 搵黑色點點 (跳蚤糞便)： 撥開主子嘅毛，尤其係頸背、背脊近尾巴嘅位置，仔細睇下皮膚上有冇一啲好似胡椒粉咁嘅黑色砂粒狀物體。呢啲其實係貓蝨嘅糞便。
• 濕紙巾測試： 將呢啲黑色點點放喺濕紙巾上，輕輕一抹，如果化開變成啡紅色，就證明係貓蝨嘅血便，可以100%肯定主子身上有蝨。
• 直接見到成蟲： 喺毛髮根部，你可能會見到細細隻、深啡色嘅蟲仔快速爬過。

檢查貓貓瞓開嘅床、氈或貓抓板，如果發現有上述嘅黑色點點，或者白色嘅蚤卵，都係一個重要警號。

預防勝於治療，想主子唔受貓蝨之苦，日常就要做好以下幾步。

貓蝨嘅卵同幼蟲最鍾意匿喺陰暗潮濕嘅地方。定期用吸塵機徹底清潔全屋，特別係地氈、梳化、窗簾同牆角位。貓貓嘅床單、被鋪等最好每星期用熱水清洗一次，斷絕貓蝨溫床。

每次同主子梳毛嘅時候，順便做一次全身檢查，特別留意頸、背、尾巴根部同肚仔呢啲貓蝨重災區，及早發現，及早處理。

定期使用預防性嘅貓蝨藥係最有效嘅方法。市面上有好多選擇，例如滴頸藥水、防蝨頸帶或噴霧。

貓防蝨產品推薦1. Aristopet – 驅蟲[跳蚤/蜱蟲]噴霧 125ml [貓犬用]

呢款噴霧可以直接用喺寵物身上同佢哋嘅床鋪，有助驅趕同殺死跳蚤，適合日常防護或初期感染時使用。

貓防蝨產品推薦2. Solano Ecolife -天然驅蚤噴霧300ml[貓犬][身體至環境使用]

如果擔心化學成分，呢款天然驅蚤噴霧係一個好選擇。佢可以用喺寵物身體同家居環境，成分相對溫和，適合對化學藥劑敏感嘅寵物同家庭。

帶貓貓出街（如果佢係出街貓嘅話），盡量避免佢同流浪動物或其他唔清楚有冇做足杜蝨措施嘅動物有親密接觸。

如果已經確定主子身上有貓蝨，千祈唔好慌，跟住以下步驟就可以逐步消滅佢哋！

首先要處理貓貓身上嘅成蟲。

除貓蝨產品推薦1. 寵物專用除蚤梳：DoggyMan Honey Smile – 抗菌超密度除蚤針梳

呢種超密齒梳可以物理性咁梳走毛髮上嘅成蚤同蚤卵，特別適合年紀太細或身體太弱，暫時唔用得藥嘅貓貓。

除貓蝨產品推薦2. Frontline Plus – 殺蚤除牛蜱藥水[0.50ml x 3支][8週齡以上貓用]

貓滴蝨藥水係最常用同有效嘅方法。Frontline Plus 係香港非常普遍嘅牌子，佢唔單止可以殺死成蟲，仲可以抑制蚤卵同幼蟲發育，有效打斷貓蝨嘅生命週期。（注意：一定要用貓用配方，狗用嘅對貓有毒！）

喺幫貓貓用藥嘅同時，必須進行全屋大清洗！用吸塵機吸勻全屋，再用稀釋漂白水或寵物安全嘅消毒劑抹地。所有貓貓用過嘅布製品（床、玩具、毛氈）都要用60度以上熱水徹底清洗，咁樣先可以殺死匿埋嘅蟲卵同幼蟲。

成功消滅晒今次嘅貓蝨之後，最重要嘅一步就係開始一個月一次嘅定期杜蝨計劃，以後每個月準時用藥，咁就唔怕再復發。

會。雖然貓蝨比較鍾意貓血，但如果冇貓喺附近或者數量太多，佢哋都會咬人。通常會咬腳眼、小腿等位置，會出現一撻撻好痕嘅紅點。

主要有三個途徑：1）直接接觸已受感染嘅動物；2）匿喺環境（例如草叢、地氈）嘅蚤卵孵化後，跳上經過嘅貓貓身上；3）人類出街後，經鞋底或褲管將貓蝨或蚤卵帶返屋企。

絕對會。貓蝨其實唔揀飲擇食，屋企嘅狗狗或其他毛孩一樣會被傳染。所以如果屋企其中一隻寵物發現有貓蝨，所有寵物都要一齊接受治療同杜蟲，咁先可以杜絕後患。