貓眼睛瞳孔一秒變圓？解開貓咪眼睛變形之謎！情緒、健康一睇就知

貓貓嘅眼睛，一時細細粒，一時又水汪汪，超級得意！究竟貓貓嘅瞳孔，背後其實收埋咗好多科學同情緒嘅秘密！以下係影響貓貓瞳孔大小嘅主要原因：

貓貓嘅瞳孔會自動調節光線反射程度！貓貓嘅瞳孔括約肌呈長條狀，能根據光線變化快速調節瞳孔大小。這種設計係佢哋喺捕獵與夜間活動中嘅重要生存工具！

• 強光時，瞳孔收縮成細縫，減少光線進入。
• 弱光或黑暗中，瞳孔會迅速放大，讓更多光線進入，提升視野清晰度。

其實人類同狗狗嘅瞳孔都會依照光線產生變化，不過係以「圓形」嘅縮放方式。這種構造唔單止收放速度比圓形瞳孔還要快，亦更能靈活咁控制進入眼睛光線嘅數量喔！

參考資料：CATSTER

瞳孔擴大：

當貓貓感到緊張、害怕或興奮好奇時，瞳孔會放大到幾乎圓形，表示佢喺高度警戒或專注狀態。

瞳孔變細：

當貓貓感到放鬆或無所謂時，瞳孔則會細長，反映佢嘅平靜與安全感。

除咗觀察貓貓眼睛嘅瞳孔，其實仲有好多肢體語言可以判斷貓貓嘅心情~

【延伸閱讀：【貓貓行為】貓貓耳仔會講嘢？！了解貓貓心情就睇呢度！！】

【延伸閱讀：【貓貓知識】貓尾巴好識撩？神秘嘅身體語言！】

貓貓瞳孔放大唔一定係因為生病，好多時候係正常嘅生理同情緒反應。但佢亦可能係某些嚴重疾病嘅警號。

關鍵係「喺咩情況下」以及「持續幾耐」？

如果瞳孔放大係因為情緒或光線而放大瞳孔，通常喺狀況解除後（例如開燈、遊戲結束、壓力源消失），瞳孔就會恢復正常大小。

如果貓貓喺光猛嘅環境下，瞳孔依然持續放大，而且無縮細嘅跡象，這就係一個需要嚴肅看待嘅「危險信號」。這可能代表以下健康問題：

這係最容易被忽略嘅原因之一。貓貓非常識得忍痛，但身體嘅疼痛（例如關節炎、牙痛、內臟不適）會令佢哋處於持續嘅壓力狀態，導致瞳孔放大。

• 視網膜問題或失明：當視力下降，眼睛會試圖讓瞳孔放得更大，嚟捕捉任何可能嘅光線。
• 青光眼：眼壓過高可能導致瞳孔放大。
• 眼睛創傷：撞擊或受傷亦可能影響瞳孔功能。

中老年嘅貓貓常見高血壓問題（通常與腎臟病或甲狀腺亢進有關），高血壓可能導致視網膜剝離，造成突發性失明同瞳孔持續放大。

誤食某些對貓有毒嘅植物、化學物質或藥物，亦可能引起瞳孔異常放大。

如果貓貓眼睛變成一條線，唔係因為上面講到嘅光線同情緒嘅影響。

咁主人就好需要特別注意！睇下係咪伴隨以下症狀，可能係貓貓眼睛生病了：

• 眼睛發紅、腫脹
• 不斷流眼水或有異常分泌物
• 頻繁瞇眼、畏光
• 用爪抓眼睛

這可能係角膜受損、結膜炎或異物入侵嘅信號，請務必盡快帶佢就醫檢查。

總結嚟講，判斷貓貓瞳孔嘅意義，需要結合「環境光線」、「肢體語言」和「眼睛狀況」三者一齊睇，先可以正確讀懂貓主子嘅心思同健康狀態喔！

隨著光暗度改變，貓貓眼睛嘅瞳孔形狀亦會隨著改變，因此古時候有人會利用貓貓嘅瞳孔嚟判斷時間喔！

早於北宋時期，蘇東坡就曾經喺《物類相感志》中寫過一首《貓兒眼知時歌》：「子午線卯酉圓，寅申已亥銀杏樣，辰戌丑未側如錢。」
⠀⠀⠀⠀⠀⠀⠀⠀⠀⠀⠀⠀
而日本亦有文獻紀錄，指忍者會利用貓貓嘅眼睛嚟睇時間，喺當地傳說中，作為優秀嘅忍者，應懂得閱讀貓眼嚟判斷時間！

貓貓眼睛後方有一層特殊嘅光線反射層——脈絡膜層，佢好似一面鏡，能反射進入眼睛嘅光線，增強喺黑暗中嘅視覺能力。

這一原理被運用於相機、顯微鏡等光學儀器中～

貓貓嘅瞳孔變化唔單止係佢哋適應光線與情緒表達嘅方式，更記錄咗大自然嘅精妙設計。觀察貓貓眼睛，能讓我們更了解佢哋嘅情緒同需求，增進與毛孩嘅互動關係！

延伸閱讀：【貓貓冷知識】貓貓自備生命探測儀？超實用嘅貓貓鬍鬚！

延伸閱讀：【貓貓知識】貓貓都有智力測驗？即刻嚟睇下你屋企貓貓嘅智商喺咩分段！

• Cat Eyes Meaning: Pupil Shapes & What They Signal
• The Meaning of Cat Eyes, Explained: How To Read A Cat’s Eyes
• Cat Eye Meaning: Reading your Cat’s Eyes | Comfort Zone