你知唔知貓貓食嘅罐頭入面，可能加咗啲唔需要嘅「膠」呀？
好多罐頭睇落好滑溜，啲湯同肉凝結埋一齊靚到爆，但係你知唔知呀？
嗰一層靚嘅膠凍，可能唔係真材實料，而係添加劑整出嚟嘅效果。
有啲罐頭為咗慳成本、搞靚個賣相，會加所謂嘅「膠質成分」嚟令內容變得更濃稠，但係咁樣真係有必要嘅咩？
對貓貓好唔好㗎？今日我哋就嚟拆解吓：有膠 vs 無膠罐頭，食落去究竟有咩分別！
點解貓罐頭要加膠？
好多貓罐頭會加「膠質」，好似卡拉膠、瓜爾膠、黃原膠咁。
主要係為咗等肉同湯唔會分開，成個睇落會比較滑溜濃稠、易𢳝易舀，個賣相都靚仔啲。
呢啲膠會將啲湯變成啫喱狀、黐住喺啲肉上面，開罐嗰陣就唔會見到水同肉分開嘅情況——但係咁亦都代表住：
- 廠商可以用少啲肉，令到內容睇落好多。
- 膠本身冇營養，食得多對腸胃敏感嘅貓貓都可能會有負擔。
簡單嚟講，加膠係為咗穩定質地＋慳成本＋賣相好，但係對貓貓嚟講其實唔係必需嘅營養來源。