貓罐頭食唔晒點算好？要幾耐食晒？
俾貓貓食罐頭成日淨番啲，或者貓貓食咗一啖仔就唔食，呢個時候食唔晒嘅貓罐頭要點樣保存呢？
大部份主人會將貓罐頭雪喺雪櫃，呢個絕對冇問題，但都建議用保鮮紙、罐頭蓋封好，或者擺喺密封容器之後再冷藏，而且最遲隔日要食晒，因為罐頭擺過夜之後，味道對嗅覺、味覺敏感嘅貓貓嚟講難免會有啲變化，時間擺得耐亦會增加變質嘅機會！
但咁樣亦引伸出另一個問題，就係從雪櫃啱啱攞出嚟嘅低溫罐頭，容易令貓貓食慾大減，甚至完全唔肯食，點解凍嘅嘢食唔容易引起興趣呢？咁就跟住怪獸一齊了解吓，解救吓嗰啲食唔晒嘅罐頭啦！
點解貓罐頭雪過，貓貓就唔食㗎喇？
貓貓嘅嗅覺係由物件發散喺空氣入面嘅物質微粒，作用於鼻腔嘅感受細胞而引起嘅，而溫度越高嘅嘢食，分子就越活躍、越容易發散，動物亦會更容易聞到嘢食嘅香味。
另一個原因，係因為原始貓貓習慣捉到獵物嗰陣就即刻食，所以貓貓鍾意有溫度嘅嘢食，好大程度上都受到天性影響。
所以如果你從雪櫃攞出嚟嘅罐頭，貓貓明顯冇乜興趣，建議可以將罐頭回溫嚟吸引番貓貓嘅胃口㗎！
貓罐頭加熱用呢 4 招，恢復貓貓胃口！
（一）室溫回溫
可以喺室內擺 10 – 20 分鐘回溫，要留意唔好喺室溫擺太耐，建議 2 個鐘頭內一定要食晒，以免滋生細菌、令嘢食變味。
（二）拌入溫水
加啲暖水入雪過嘅貓罐頭入面，輕輕攪拌都可以幫手回溫，溫度控制喺 35 – 38℃，貼近貓貓嘅體溫、獵物嘅溫度就最啱。
不過，加水會沖淡嘢食嘅味道，要小心啲挑食貓可能會因為咁樣而唔食㗎！
（三）微波爐 / 隔水加熱
將貓罐頭轉移到可以微波嘅容器入面，擺入微波爐輕輕加熱，微波幾耐冇一定嘅秒數，但都建議用細火慢慢加熱，或者用隔水加熱到 35 – 38℃ 就得。
要特別留意罐頭材質係金屬，唔可以擺入微波爐加熱，需要擺喺其他容器入面先可以加熱，以防危險！
（四）風筒加熱
呢個方法好神秘㗎嘛！如果屋企冇廚房或者微波爐，可以用風筒吹 10 – 20 秒，罐頭就可以回溫喇，方便又快～
最近啱啱天氣凍咗，不如都試吓上面呢啲方法，幫啲雪凍咗嘅罐頭回溫暖吓胃，避免腸胃敏感、增加小怪獸食嘢嘅意慾啦！
怪獸部落堅持使用新鮮原肉製作罐頭，根據 AAFCO/NRC 營養標準設計，並經過 100% 認證嘅自有工廠把關品質，推出 8+ 款低敏無膠主副食罐，一定有一款係主人同小怪獸嘅心頭好～一齊放心大啖食肉肉啦！
想了解【貓罐頭推薦】可以睇吓：2026貓濕糧推薦｜香港貓罐頭點揀好？8款主食罐一篇睇晒！
