❤️部落小提示❤️
貼心小提示：每隻狗狗嘅性格可能因為先天基因加後天成長背景而有唔同，以下品種同性格純粹參考吓啦！
狗狗品種 X 性格
🔸柴犬-狗界貓咪
聽講柴犬好鍾意做運動，而且行動嗰陣好優雅敏捷㗎！不過就有個小~小嘅缺點，就係好固執囉😆
🔸哥基-最佳騎士精神💂
哥基長期受到貴族氣息影響，好聽話、勇敢、有自信，鍾意保護身邊嘅同伴！記得要多啲陪佢哋玩耍，因為佢哋精力無限㗎~
延伸閱讀：哥基飼養全攻略：性格、運動需要、健康管理一次過睇晒！
🔸芝娃娃-狗仔細細志氣高😎
芝娃娃嘅性格比較纖細敏感，而且好勝心強，好勇於挑戰體型大過自己嘅狗狗㗎~
聽講……柴犬特別傲嬌、貴婦狗好叻學才藝、金毛尋回犬非常溫柔㗎喎?!
部落收集咗主人同網上嘅資料，幫大家整理狗狗品種X性格嘅文章，一齊嚟睇吓你屋企隻狗狗嘅性格有冇準先啦XD
延伸閱讀：養芝娃娃前你準備好未呀？缺點同飼養挑戰一次過分析！
🔸貴婦狗-親善大使
貴婦狗好聰明、鍾意同人親近，好容易訓練才藝㗎🤣不過比較容易興奮，所以要多啲照顧吓狗狗嘅狀態呀~
延伸閱讀：貴婦狗智商超高？標準貴婦 vs 迷你貴婦有咩分別？性格、疾病一次過睇晒！ – 怪獸部落
🔸臘腸狗-天唔怕地唔怕
臘腸狗擁有獵犬基因，乜都唔怕，尤其對獵物好執著！臘腸狗都有溫和嘅一面，屋企有小朋友嘅話好適合養㗎！
延伸閱讀：臘腸狗飼養全攻略：優缺點、健康問題、訓練方法一次過睇晒！
🔸哈士奇-二哈唔使解釋
憨厚老實嘅另一面就係傻吓傻吓🤪成日鍾意周圍搗蛋，但係超級好嘅性格又令你唔捨得鬧XDD
延伸閱讀：哈士奇照顧指南！型仔、二哈、拆屋狂，原來佢哋係咁嘅狗狗？ – 怪獸部落
🔸金毛尋回犬-主人嘅小太陽☀️
金毛尋回犬特別希望討好主人，所以好溫和、鍾意撒嬌，都好容易訓練㗎~
延伸閱讀：金毛尋回犬、拉布拉多點樣分？金毛尋回犬性格係狗界大暖男！
🔸米克斯-愛家小天使
米克斯好似驚喜包咁，聽講每一隻都超聰明，仲特別愛家添！你一定要試吓養佢哋㗎，佢哋好乖㗎😍
你覺得呢啲性格，同屋企嘅狗狗有冇準先啦~?
🔶松鼠狗－交際小毛球🔶
身型較細嘅松鼠狗，好勇敢、有自信，
唔驚體型大過自己嘅狗狗。
除咗生到好似一粒毛毛球咁，性格活潑外向，好惹人疼愛㗎❤️
🔶馬爾濟斯－天生貴族🔶
馬爾濟斯因為優雅嘅外表，以前好受歐洲貴族喜愛！
喺乖巧嘅外表下，偶爾都會展現撒嬌、精力旺盛嘅一面㗎🤣
🔶八哥犬－行走的生蠔🦪🔶
每食一隻生蠔，就有一隻八哥犬會消失（冇吖～
佢哋擁有傻氣嘅性格，人同狗都可以好好相處！
🔶法國鬥牛犬－懶散小吃貨🔶
可能係以前「鬥牛」太攰，法國鬥牛犬退休之後，
就將懶散兩個字發揮到淋漓盡致，
鍾意食嘢、文靜、溫順，好適合陪伴小朋友成長～
🔶拉布拉多－憨厚老實人🔶
拉布拉多集合咗所有討喜嘅性格，
溫和、服從性高、聰明，
所以係美國最受歡迎嘅飼養犬，冇得輸🏆
🔶比熊犬－蓬鬆棉花糖☁️🔶
比熊犬就好似棉花糖咁，雖然活潑好動，
但係好乖巧，唔太會拆屋，好適合養喺屋企～
好鍾意撒嬌，記得要多花啲時間陪伴㗎😍
🔶薩摩耶－微笑天使👼🔶
薩摩耶日日睇落都喺度微笑，所以有微笑天使嘅美稱🥳
雖然平時都好溫和友善，不過偶爾都會有少少調皮㗎XD
🔶雪納瑞－靈活小老頭🔶
奇編覺得雪納瑞睇落好似一位學富五車嘅小老頭😂
不過其實佢哋好靈活，學習能力好強嘅狗狗嚟㗎，
乜嘢把戲都難佢唔到💪🏻
唔知你屋企隻狗狗嘅性格有冇準先啦~?定係已經睇到啱心水嘅性格，準備入手喇呢？XD
你可能仲想睇：
延伸閱讀👉【犬貓知識】點樣幫貓貓狗狗影到靚相？新手貓狗奴都可以影到靚相嘅四個小技巧
延伸閱讀👉【狗狗冷知識】狗狗嘅肉掌，竟然會變色？