你隻狗狗真係鍾意俾人摸㗎？ 快啲嚟試吓！當你伸手摸佢個頭嗰陣，佢係開心享受，定係下意識咁退後？ 如果你摸吓佢下巴，佢會合埋眼舒服咁哼哼聲，定係閃開唔畀你掂？ 狗狗天生就唔鍾意俾人摸，重點係摸啱地方、揀啱時機！ 今日就帶你深入了解狗狗嘅身體語言，學識點樣正確摸狗，等你隻狗狗真正享受你嘅撫摸！ 首先要知道，唔係所有狗狗都鍾意俾人摸，有啲狗會因為錯誤嘅觸摸方式而覺得有壓力。，可以從呢張表做初步嘅判斷㗎！ 行為表現 享受 O / 唔鍾意 X 解讀與建議 眼睛微微合埋，嘴角放鬆 O 佢好放鬆，喺度享受你嘅撫摸 低鳴聲（好似哼哼聲咁開心） O 呢個係狗狗舒服時成日發出嘅聲音之一 伸長條頸迎合你嘅撫摸 O 表示佢鍾意呢種互動，樂意親近 耳仔向後貼、身體僵硬 X 可能覺得緊張或唔自在，建議停手唔好摸 擰轉頭閃開、唔畀你掂 X 係「唔想要」嘅訊號，請尊重佢嘅底線 低吼、舐嘴唇（焦慮反應） X 表示唔舒服、壓力大，應該即刻停手同離開 如果你隻狗成日閃開、身體僵硬或者舐嘴唇，代表佢唔享受你嘅撫摸！呢個時候，強行觸摸只會令隻狗更抗拒，甚至產生壓力。 部位 狗狗嘅感受 🤲 建議點樣摸 下巴 & 喉嚨 ⭐⭐⭐⭐（最愛） 先等狗主動埋嚟，再輕柔撫摸 耳仔後面 ⭐⭐⭐ 以細範圍、輕柔打圈方式撫摸 心口 & 肚側 ⭐⭐⭐ 等狗狗主動埋嚟之後輕撫 背脊 ⭐⭐⭐（可以，但要睇情況） 唔好突然觸摸，先從心口開始 頭頂 ⭐（好多狗都唔鍾意） 唔好直接由上面壓落去摸，改為從側邊面開始 . .

有啲貓會主動挨埋嚟求R，但有啲貓就對人手避之則吉，甚至一開始好享受，下一秒就突然發脾氣咬人。 其實，「摸貓」係一門學問嚟㗎，了解貓咪嘅個性、摸貓技巧同埋地雷區，可以令你同貓咪嘅關係更加親密！ 貓咪嘅安全區 貓咪嘅反應同解釋 頭頂同額頭 貓咪用頭挨你，就係邀請你摸佢喇！ 耳仔後面 輕輕咁捽吓耳仔後面，好多貓咪都會覺得好放鬆。 下巴同喉嚨 呢個係好多貓咪嘅舒服區，R吓下巴會令佢哋瞇埋眼享受。 面珠同鬚鬚周圍 貓咪面珠有氣味腺，摸呢度可以幫佢「標記」你，增進親密感。 背脊同條尾根部 有啲貓鍾意你沿住背脊摸，甚至對條尾根部特別敏感（但呢點就視乎隻貓而定）。 貓咪嘅禁區 點解唔摸得？ 肚仔 貓咪天生警覺性強，肚仔係佢哋最脆弱嘅地方，除非佢主動反肚，否則千祈唔好亂掂！ 手腳同爪 爪係貓咪嘅生存工具，畀人掂到可能會令佢哋覺得受威脅。 條尾 條尾神經敏感，好多貓都唔鍾意畀人捉或者扯。 背脊近屁股 有啲貓咪覺得呢度太刺激，會有「過度興奮」嘅反應。 鬚鬚 雖然摸面珠得，但扯鬚鬚會令貓咪好唔舒服！ 如果你屋企隻貓唔係咁鍾意畀人摸，可能只係佢仲未建立夠信任感，又或者需要更溫和嘅撫摸方式！ 影響貓咪接受觸摸嘅因素 影響解釋 個性影響 有啲貓天生鍾意嗲人，有啲就比較獨立，唔鍾意畀人摸。 社會化經驗 細個嗰陣有無經常同人互動，會影響對觸摸嘅接受程度。 過去經歷 曾經畀人夾硬摸、抱起或者受傷嘅貓，會對人類接觸產生戒心。 健康狀況 身體有痛或者有病嘅貓，可能會特別抗拒畀人掂。 環境因素 當貓咪身處陌生環境或者壓力大嘅時候，會更容易抗拒接觸。 正確嘅摸法 解釋 觀察貓咪嘅身體語言 如果耳仔向後貼、fing尾、身體僵硬，就應該停手喇！ 用手指輕輕掂，而唔係成隻手掌壓住 減少壓迫感，令貓咪更自在。 順住毛摸，唔好逆毛摸 逆毛摸會令貓咪覺得唔舒服。 時間短而且唔強迫 摸一陣就停低，睇吓貓咪嘅反應。 尊重貓咪嘅界線 如果貓咪閃開，就唔好夾硬逼佢接受撫摸。 用獎勵加強正面聯繫 摸完之後畀少少零食，等貓咪將撫摸同好事聯繫埋一齊！ 方法 解釋 . .

狗狗可唔可以食木瓜呀？，答案係：可以，對狗狗嚟講係個又有營養又好味嘅零食！ 木瓜對狗狗嚟講，唔單止係美味嘅熱帶水果，仲係一種對消化系統非常之有益嘅「機能型」零食！ 木瓜富含獨特嘅木瓜蛋白酶係一種天然嘅酵素，有助於分解蛋白質，可以幫狗狗嘅腸胃消化，減輕負擔。 佢係維他命A、C、E、K嘅絕佳來源，有助於維持免疫系統、皮膚同視力嘅健康。 木瓜嘅纖維質含量高，有助於促進腸道蠕動，對於預防或者紓緩輕微便秘好有幫助。 含有狗狗所需嘅鉀同鈣等重要礦物質。 木瓜嘅風險，主要嚟自「黑色嘅核」同埋「餵得太多」。 呢個係最重要嘅禁忌！ 黑色嘅木瓜核雖然好細粒，但含有微量嘅氰化物。 雖然狗狗要食非常大量嘅核先會中毒，但氰化物始終係毒素，完全冇需要畀狗狗冒呢個風險。 此外，大量嘅核亦都可能喺小型犬嘅腸道中造成阻塞。 木瓜嘅外皮對狗狗嚟講唔好消化，而且可能有農藥殘留，應該避免餵飼。 木瓜好甜，即係佢嘅天然糖分含量唔低。一次過畀太多，唔單止可能導致軟便或者肚瀉，長遠嚟講亦都會導致肥胖，對糖尿病嘅狗狗嚟講更係一個大負擔。 想安全地同狗狗分享木瓜，請務必跟住以下四個步驟做： 先將木瓜嘅外皮喺流動水下徹底洗乾淨。 呢個係最重要嘅步驟，冇得打折扣。 將木瓜切開之後，用匙羹將所有黑色嘅核同中間嘅瓜瓤都挖得一乾二淨。然後將外皮削走。我哋只會畀狗狗食最安全、最香甜嘅橙紅色果肉。 根據你屋企狗狗嘅體型，將果肉切成適合佢一口食落去、唔會噎親嘅大細。 請將木瓜當做零食，而唔係正餐。小型犬一日2-3嚿（大約骰仔大細）就非常足夠㗎喇； 中大型犬可以畀一小碗嘅份量，但唔應該太多。 第一次嘗試嘅時候，一樣先畀一細嚿，觀察佢嘅排便狀況，確認冇任何腸胃唔舒服之後，先至可以將木瓜納入佢嘅安全水果名單。 A： 建議小心啲。雖然少量煮熟嘅木瓜茸對幼犬冇毒，但佢哋嘅腸胃系統仲好敏感。最好等佢哋大個咗做成犬之後，再少量嘗試會比較穩陣。 A： 如果只係一兩粒核，你通常唔使太過緊張，中毒嘅風險極低，啲核好大機會會跟住啲糞便痾出嚟。但如果你屋企係小型犬，或者佢食咗大量嘅核，又或者你發現佢有任何異常（例如嘔吐、肚痛），咁就最好即刻聯絡你嘅獸醫尋求建議。 A： 絕對唔得！ 人飲嘅木瓜牛奶含有大量嘅糖，而且好多狗狗有乳糖不耐症，飲咗好容易會引發嚴重肚瀉。 呢對狗狗嚟講係高糖、高熱量而且可能引起腸胃唔舒服嘅飲品，百害而無一利。 延伸閱讀：狗狗可唔可以飲牛奶呀？飲牛奶嘅好處、風險同挑選指南 總括嚟講，木瓜嘅果肉對狗狗嚟講係個好正嘅機能型零食，尤其有益於消化。 只要你記實「去皮、去核、切細粒、畀少量」四大原則，就可安心咁同你屋企嘅小狗分享呢份香甜嘅美味，為佢嘅健康加分。

貼心小提示：每隻狗狗嘅性格可能因為先天基因加後天成長背景而有唔同，以下品種同性格純粹參考吓啦！ 🔸柴犬-狗界貓咪 聽講柴犬好鍾意做運動，而且行動嗰陣好優雅敏捷㗎！不過就有個小~小嘅缺點，就係好固執囉😆 延伸閱讀：柴犬新手必讀！由性格到健康護理，完整飼養指南 🔸哥基-最佳騎士精神💂 哥基長期受到貴族氣息影響，好聽話、勇敢、有自信，鍾意保護身邊嘅同伴！記得要多啲陪佢哋玩耍，因為佢哋精力無限㗎~ 延伸閱讀：哥基飼養全攻略：性格、運動需要、健康管理一次過睇晒！ 🔸芝娃娃-狗仔細細志氣高😎 芝娃娃嘅性格比較纖細敏感，而且好勝心強，好勇於挑戰體型大過自己嘅狗狗㗎~ 聽講……柴犬特別傲嬌、貴婦狗好叻學才藝、金毛尋回犬非常溫柔㗎喎?! 部落收集咗主人同網上嘅資料，幫大家整理狗狗品種X性格嘅文章，一齊嚟睇吓你屋企隻狗狗嘅性格有冇準先啦XD 延伸閱讀：養芝娃娃前你準備好未呀？缺點同飼養挑戰一次過分析！ 🔸貴婦狗-親善大使 貴婦狗好聰明、鍾意同人親近，好容易訓練才藝㗎🤣不過比較容易興奮，所以要多啲照顧吓狗狗嘅狀態呀~ 延伸閱讀：貴婦狗智商超高？標準貴婦 vs 迷你貴婦有咩分別？性格、疾病一次過睇晒！ – 怪獸部落 🔸臘腸狗-天唔怕地唔怕 臘腸狗擁有獵犬基因，乜都唔怕，尤其對獵物好執著！臘腸狗都有溫和嘅一面，屋企有小朋友嘅話好適合養㗎！ 延伸閱讀：臘腸狗飼養全攻略：優缺點、健康問題、訓練方法一次過睇晒！ 🔸哈士奇-二哈唔使解釋 憨厚老實嘅另一面就係傻吓傻吓🤪成日鍾意周圍搗蛋，但係超級好嘅性格又令你唔捨得鬧XDD 延伸閱讀：哈士奇照顧指南！型仔、二哈、拆屋狂，原來佢哋係咁嘅狗狗？ – 怪獸部落 🔸金毛尋回犬-主人嘅小太陽☀️ 金毛尋回犬特別希望討好主人，所以好溫和、鍾意撒嬌，都好容易訓練㗎~ 延伸閱讀：金毛尋回犬、拉布拉多點樣分？金毛尋回犬性格係狗界大暖男！ 🔸米克斯-愛家小天使 米克斯好似驚喜包咁，聽講每一隻都超聰明，仲特別愛家添！你一定要試吓養佢哋㗎，佢哋好乖㗎😍 你覺得呢啲性格，同屋企嘅狗狗有冇準先啦~? 🔶松鼠狗－交際小毛球🔶 身型較細嘅松鼠狗，好勇敢、有自信， 唔驚體型大過自己嘅狗狗。 除咗生到好似一粒毛毛球咁，性格活潑外向，好惹人疼愛㗎❤️ 🔶馬爾濟斯－天生貴族🔶 馬爾濟斯因為優雅嘅外表，以前好受歐洲貴族喜愛！ 喺乖巧嘅外表下，偶爾都會展現撒嬌、精力旺盛嘅一面㗎🤣 🔶八哥犬－行走的生蠔🦪🔶 每食一隻生蠔，就有一隻八哥犬會消失（冇吖～ 佢哋擁有傻氣嘅性格，人同狗都可以好好相處！ 🔶法國鬥牛犬－懶散小吃貨🔶 可能係以前「鬥牛」太攰，法國鬥牛犬退休之後， 就將懶散兩個字發揮到淋漓盡致， 鍾意食嘢、文靜、溫順，好適合陪伴小朋友成長～ 🔶拉布拉多－憨厚老實人🔶 拉布拉多集合咗所有討喜嘅性格， 溫和、服從性高、聰明， 所以係美國最受歡迎嘅飼養犬，冇得輸🏆 🔶比熊犬－蓬鬆棉花糖☁️🔶 比熊犬就好似棉花糖咁，雖然活潑好動， 但係好乖巧，唔太會拆屋，好適合養喺屋企～ 好鍾意撒嬌，記得要多花啲時間陪伴㗎😍 . .

想幫貓貓減壓放鬆嘅主人 容易緊張、煩躁嘅貓貓 只要你隻主子肯接受，輕柔嘅按摩其實都可以變成一種日常親密嘅儀式㗎！ 幫貓貓按摩嗰陣，請務必留意以下兩點： 1. 如果貓貓有抗拒嘅反應，請即刻停手 （如果佢擺晒副「唔好掂我」嘅樣，就唔好夾硬嚟，避免造成反效果） 2. 力度要輕手啲，等貓貓適應咗之後，先慢慢加重力度同時間 （記得循序漸進，唔使一開始就好似幫人做肩頸放鬆咁） 用食指或者拇指，輕輕由貓貓嘅眉心推按到頭頂，呢個按摩動作可以有效幫助貓貓放鬆，達到安神減壓嘅效果，等佢感受到你嘅關愛。 喺貓貓嘅肚仔中間搵到個中心點，用手掌輕輕按住再順時針打圈，呢個動作可以幫助貓貓促進腸道蠕動，輕鬆排便，避免便秘問題㗎！ 用拇指輕輕揉壓貓貓後腳嘅肉墊，唔單止可以促進血液循環，仲可以增強佢嘅肌肉同關節靈活度，對貓貓嘅健康好有益處㗎！ 學識咗未呀？呢啲簡單嘅按摩技巧唔單止可以令貓貓放鬆，仲可以等佢感受到滿滿嘅關愛！快啲試吓啦~ 唔好唔記得，將呢啲實用嘅小貼士分享畀其他貓奴朋友，一齊等我哋嘅毛孩過得更開心、更健康！

為貓貓打造理想嘅生活空間，係維持佢身心健康嘅關鍵。呢樣包括咗充足嘅食物同水、正確嘅貓砂盤擺放、提供減壓設施（例如貓跳台或者對外窗），以及可以匿埋嘅安全地點。 缺乏合適嘅環境，貓貓可能會因為壓力而打交、隨處大小便或者行為問題，唔單止令主人心痛，亦會影響全家人嘅生活質素。 延伸閱讀：【貓貓知識】貓砂選擇全攻略！ 貓奴必修嘅貓廁管理學 就算只係將傢俬擺位調整，都有機會令貓貓覺得唔舒服，搬屋、有新成員就更加唔使講啦！ 以上嘅情況，除咗避免搬屋、增加新貓口等等，亦都可以借助其他嘢嚟幫貓貓減壓，其中一個好方法就係用貓貓費洛蒙！ 延伸閱讀：貓貓費洛蒙係咩嚟？行為師分析作用、副作用同使用方法！ 當發現貓貓有壓力大嘅症狀時，建議第一時間要先搞清楚壓力來源（係咪住嘅環境有變、有新成員等等）同埋先嘗試改善、消除，有需要嗰陣，都請諮詢行為學家嘅協助啦！ 木天蓼、蟲癭果、貓薄荷等天然植物，本身含有令貓貓產生飄飄然感覺嘅成分。 當中嘅木天蓼內酯同荊芥內酯會刺激貓貓嘅感官，做出碌地、流口水、磨擦等感到幸福嘅行為 https://cdn-v2.litomon.com/prod/2021/03/11/135652/normal-video.mp4 外國音樂家、科學家合力製作專屬於貓貓嘅音樂專輯，經網友實測，有機會舒緩到貓貓嘅情緒，同我哋人類聽到鍾意嘅音樂一樣咁開心 🎵按此收聽貓貓音樂 貓貓塊面、肉墊、胸部、肛門附近都有腺體分佈，亦分別代表唔同嘅情緒。當中面部嘅費洛蒙係帶有愉悅嘅氣味，所以費洛蒙產品大都係模仿面頰嘅費洛蒙，令貓貓感到放鬆🥰 想知更多【貓貓費洛蒙知識】可以睇：貓貓費洛蒙係咩嚟？訓練師教你認識費洛蒙作用同貓貓壓力來源！ Q：費洛蒙會唔會產生依賴性？ 費洛蒙係貓貓天然嘅氣味，唔使擔心會產生依賴㗎！ Q：用咗之後會有咩行為改變？ 每隻貓對費洛蒙嘅反應都唔太一樣㗎！目前實測嘅個案有：唔再忍尿、情緒比較穩定、變得更嗲等等嘅例子。 打獵係貓貓嘅天性，善用逗貓棒等羽毛類玩具，可以令家貓體驗到野外嘅娛樂刺激，除咗可以消耗體力、轉移注意力，仲可以達到陪伴嘅目的，一舉多得❤️ 🥰當貓貓感到焦慮嗰陣，不妨試下以上9種減壓方法，等小怪獸們日日都有好心情🥰 貓貓喺壓力下可能會拒絕進食。壓力來源包括環境變化（例如搬屋、新寵物加入家庭）、噪音、陌生人探訪等等。呢啲因素可能會令貓貓感到焦慮，從而影響食慾。 將飯碗放喺安靜、隱蔽嘅角落，遠離人來人往嘅地方，等貓貓可以安心享用。 可以試下加熱濕糧，等香味更明顯，或者揀啲味道濃啲嘅主食罐、零食，吸引佢嘅注意。 如果貓貓連續幾日都唔食飯，或者睇落精神唔多對路，就唔係單純壓力咁簡單，請即刻帶佢去睇醫生，確保身體冇問題。 會㗎！壓力會影響貓貓嘅腸胃蠕動，有時佢哋一緊張，就會肚瀉，甚至引發腸胃炎。 不過除咗壓力，飲食唔恰當或腸道菌叢失衡都可能係肚瀉嘅原因。如果貓貓持續肚瀉、精神唔好，就要特別留意，可能需要獸醫介入㗎！ 延伸閱讀：貓貓腸胃炎護理指南：食咩、唔食咩一次過整理 – 怪獸部落 畀佢匿埋：提供紙箱、貓窩，唔好夾硬抱佢出嚟。 用輕柔語氣陪伴：有啲貓貓會鍾意畀人輕輕摸塊面或者耳仔。 移開刺激源：好似陌生人、新傢俬或者嘈雜聲。 自己先冷靜：貓貓會感受到主人嘅情緒，保持穩定最重要。 如果貓貓長時間壓力大、唔食嘢或者有異常行為，建議帶佢去睇獸醫，對症下藥！