貓貓天生好奇心重，骨骼又柔軟，好容易就會由窗罅、窗花捐出去，每年都有唔少貓貓墮樓嘅意外發生。
你屋企裝咗防貓網未？其實 DIY 好簡單～一齊嚟郁手準備，守護主子嘅居家安全啦❤️
點解一定要裝貓網？
💬原因１：貓貓嘅狩獵天性同好奇心，會驅使佢哋跳上窗邊觀察窗外嘅雀仔或飛蟲。
💬原因２：貓貓鎖骨構造好特別，只要個頭過到，身體就好大機會捐到出去。
下面就嚟一步步教大家點樣 DIY 貓網！
第一步：決定貓網安裝位置
- 趟窗/普通窗戶： 如果直接裝喺窗框上，可能會開唔到窗。建議裝喺窗戶路軌嘅最外層，咁就唔會影響開關。如果屋企有「窗花」，亦可以將貓網直接固定喺窗花上面。
- 窗台式： 如果係想圍封成個窗台，就要沿住窗台邊緣或欄杆嚟安裝。
第二步：準確量度尺寸
用拉尺準確量度你需要安裝防貓網範圍嘅長度同闊度，記低尺寸再去買材料，咁就萬無一失！
第三步：揀選貓網物料
- 電鍍鐵網片 (格仔網)： 最常用嘅DIY材料，堅固耐用，價錢適中。喺一般五金舖、家品店（例如JHC日本城）都好易買到。
- 塑膠園藝網： 多數用喺窗台欄杆，質地較軟。要注意長時間日曬雨淋可能會脆化，要定期檢查。價錢最平。
- 不鏽鋼網： 最堅固耐用又唔會生鏽，仲可以防蚊蟲，但價錢最高，亦比較難自己剪裁。
第四步：準備固定工具
- 索帶 (束帶)： 用嚟組合幾塊網片同固定喺窗花/欄杆上。如果擔心塑膠脆化，可以揀不鏽鋼索帶。
- 長尾夾/強力夾： 用嚟將網片固定喺窗框邊緣，文具舖有售。
- 麻繩： 多數用嚟固定園藝網，唔建議用喺較重嘅鐵網片。
- 窗鎖： 用嚟鎖實窗戶，避免貓貓自己推開。就算有窗鎖，都要配搭防貓網先夠安全。
第五步：組合網片
如果一個網片唔夠大，可以將幾塊網片疊埋調整大細，直到完全覆蓋要防護嘅範圍，然後用索帶喺重疊嘅地方綁實。記得要將多餘嘅索帶頭剪走，避免主子當玩具玩發生危險！
第六步：上窗固定
最後，將組合好嘅網片擺上窗框或窗花，再用索帶或長尾夾沿住四邊固定好就大功告成！記得要拉實確保冇虛位！
你學識點樣 DIY 貓網未？防貓墮樓，刻不容緩，未裝防貓網嘅主人，快啲跟住我哋一齊郁手做啦！
要食好肉，就搵怪獸部落！
怪獸部落由深入研究貓狗飲食習慣開始，知道新鮮原肉最能夠令主子吸收到豐富營養、食得滋味。
因此，我哋致力於使用 100% 全鮮肉配搭原型食材，製作出健康優質嘅肉類食譜，有超過 30幾款唔同口味任你揀，協助主人同主子搵到心目中嘅最佳選擇！
怪獸部落亦希望透過以上內容，幫助寵物家庭更認識貓狗嘅大小事，同我哋一齊見證佢哋嘅健康同快樂！咁各位貓奴，我哋下次再見啦～
Sale!
Sale!
Sale!
Sale!
