養到唔埋人堆嘅貓？先了解貓咪天性！
Hi 小怪獸主人們，你成日都遇到貓咪唔肯埋身、唔俾人摸，甚至會出現哈氣、走甩等警戒行為嗎？其實，呢個唔係你做錯啲乜，而係貓咪天性嘅影響！
貓貓同狗狗唔同，係高度獨立同埋有強烈地域性嘅動物，佢哋對陌生嘢會本能咁保持警惕，呢種行為源自野外求生嘅本能。尤其係以前流浪過嘅貓，或者以前有創傷經驗嘅貓，又或者性格比較膽小內向，可能會更難信任人類。
但無論你隻貓係邊種類型，佢哋其實都好渴望安全感同埋被尊重嘅對待。跟住以下步驟試吓，唔單止可以令你哋嘅關係更親密，亦都有助於貓咪嘅心理健康同穩定！
如何令貓放低戒心？4個步驟建立信任感
第一步：為貓咪建立安全嘅環境
貓貓要先覺得個環境安全，先至有可能打開心扉。你可以咁做：
- 準備一個寧靜、冇人打擾嘅獨立空間
- 擺好食物、水、貓砂盆，並保持距離分散
- 提供匿埋嘅地方，例如紙箱、衣櫃、貓窩
- 維持規律生活作息（餵食、玩耍）
- 使用費洛蒙產品或者播柔和音樂嚟安撫情緒👉費洛蒙快樂貓砂 令貓貓日常放鬆，寵物行為學家推薦使用！
第二步：學識尊重貓貓界線
貓貓嘅身體語言係溝通嘅關鍵。如果你忽略佢哋唔舒服嘅訊號，會令佢哋更加防範。常見嘅警戒行為包括：
- 條尾劇烈咁Fing
- 耳仔貼後或者向下壓
- 身體僵硬、瞳孔放大
- 發出哈氣或者低吼聲
💡 提提你：當貓貓出現以上任何一種行為請即刻停止互動，千祈唔好強抱、摸肚仔或者騷擾佢哋。令貓貓感受到你嘅尊重，先至係信任嘅基礎。
第三步：令貓貓覺得「你冇威脅」
想令貓貓主動埋身你，記住以下幾個小貼士，可以令貓貓感受到冇威脅，從而降低佢哋嘅戒心：
- 保持低姿態同安靜：坐喺地下，動作要慢
- 慢慢眨眼：好似貓貓咁用慢慢眨眼嘅方式表達友善
- 伸手俾佢聞：唔好直接掂，握拳輕輕伸出
- 俾貓貓時間同空間：佢哋主動埋身先至係關鍵
- 扮唔理法：唔好特登騷擾佢，做個默默餵飯嘅「工具人」
第四步：慢慢嘗試正向親人訓練
如果你想進一步拉近距離，可以試吓呢啲方法：
- 減敏訓練：將互動拆解成小步驟，例如由遠處埋身、輕輕掂下巴開始
- 搭配獎勵：每次正向互動後俾零食，強化貓貓嘅好印象
- 注意反應：一旦出現壓耳、哈氣等行為，即刻退返上一步
貓咪親人訓練注意事項
- 幼貓訓練時間：3 個月前係親人黃金期，建議由細細個開始訓練
- 千祈唔好強迫互動：用手套強行摸、閂籠強制只會令情況更差，訓練過程要保持耐性，同埋要做好長期訓練嘅心理準備
當貓貓信任你之後，增進感情用呢5招！
當貓貓開始信任你，你會發現佢哋更常出現喺你身邊，甚至主動邀請互動。呢個時候可以透過以下方式增進感情：
- 固定餵食時間、用鍾意嘅零食拉近距離👉Litö! 輕肉泥 成分簡單適口性超高，添加機能好食又營養！
- 每日安排 10 – 15 分鐘玩耍時間，用逗貓棒模擬狩獵行為
- 輕柔咁梳毛，幫佢放鬆
- 同貓貓講嘢，保持平穩、溫柔嘅語氣
- 坐喺度陪佢小憩，令佢感受你嘅陪伴同溫度
想令貓貓埋身你，必須先尊重佢哋！
貓貓受到天性影響，本身就唔係咁容易埋陌生人同嘢。
而且每隻貓都係獨立嘅個體，有自己嘅步調同底線，所以與其心急令佢改變，不如慢啲落嚟，有耐性咁觀察同尊重佢嘅節奏。
只要方法正確、態度溫柔同保持耐性，相信主人們都一定可以令貓貓放低戒心，甚至令佢願意主動埋身你，建立一段深厚而且美好嘅陪伴關係呀！
你可能仲想睇嘅【貓貓行為學】
想食好肉，就搵怪獸部落！
怪獸部落由深入研究貓狗飲食習慣出發，了解到新鮮原肉最可以令小怪獸吸收到豐富營養、食得美味。
所以，我哋致力於用 100% 全鮮肉搭配原型食材，製作出健康優質嘅肉類食譜，超過 30+ 種多元口味任君選擇，協助主人同小怪獸搵到心中嘅最佳選擇！
怪獸部落亦都希望透過以上內容，幫到寵物家庭更認識貓狗嘅方方面面，同埋同我哋一齊見證小怪獸嘅健康同快樂！咁各位小怪獸主人們，我哋下次見啦～
參考資料
- https://www.tuftscatnip.com/behavior/have-you-gotten-too-familiar-with-your-cat/
- https://www.petmd.com/cat/behavior/how-to-bond-with-your-cat
- https://www.cats.org.uk/cats-blog/how-to-make-friends-with-nervous-cat