貓屎好臭點算？原因同5招改善方法幫貓貓回復健康

你最近係咪發現貓貓去完廁所之後，屋企陣味久久不散，甚至濃過平時好幾倍？

貓貓啲便便本身有味都好正常，但如果陣味突然濃烈咗好多，可能就同佢嘅腸胃健康、飲食習慣或者環境因素有關係喇。

今篇文章會同你分析4個導致貓貓便便變臭嘅原因，再教你 5 個有效嘅改善方法，等你屋企唔會再有臭味困擾！

其實食物係影響貓貓便便氣味嘅最大因素之一！

• 貓貓食咩，痾出嚟就會係咩味。

• 如果 貓貓食咗太多劣質貓糧，入面有好多不必要嘅穀物、豆類，或者係唔適合佢哋嘅蛋白質（例如有啲貓會對某種肉類敏感），咁就可能會導致消化不良，搞到啲便便臭到開巷。

• 點樣改善？ 轉用 高蛋白、低碳水化合物、易消化 嘅貓糧啦！

貓貓嘅腸胃就好似一個微型生態系統，入面有益菌亦有壞菌。如果壞菌多過益菌，食物消化得唔好，便便就會變得好刺鼻同濃烈。

點樣改善？ 幫貓貓補充 益生菌，令腸胃回復平衡！

>> 即睇網民熱門益生菌評測

當貓貓壓力太大，佢哋嘅腸胃蠕動就會變得唔正常，可能會肚瀉、便秘，甚至令便便陣味變得奇奇怪怪。

有時搬屋、有新貓入屋、或者環境太嘈，貓貓都有機會因為咁而搞到腸胃失調。

營造穩定環境，減少突然嘅變化，畀主子一個安全感十足嘅地方！咁樣就可以幫手改善呢個問題喇！

如果陣臭味已經 勁到不得了，而且貓貓仲有 嘔吐、冇胃口、冇晒精神 嘅情況，咁好可能係健康亮起紅燈喇！

可能原因包括以下幾點：

• 肛門腺閉塞或發炎：會導致排便唔正常，便便會特別臭。
• 腸道寄生蟲（例如蛔蟲、鉤蟲、絛蟲）：會影響腸胃吸收，令到啲💩 變得臭到唔尋常，仲可能搞到貓貓瘦晒、痾爛便，甚至冇晒胃口。
• 腸胃病（好似胰臟炎、IBD、貓瘟等）：會嚴重影響消化功能，搞到啲便便超級刺鼻，有腐爛味甚至帶腥臭。

咁點算好？
如果貓貓除咗便便變臭，仲有 精神不振、食慾變差、排便唔正常（例如肚瀉、便秘、有血便），就應該 即刻帶佢去睇獸醫檢查喇！

點樣預防？

• 定期杜蟲（每個月至三個月一次），以防寄生蟲影響腸胃健康。
• 留意便便有冇變化，如果持續有唔尋常嘅臭味，就要盡快帶佢去檢查。
• 均衡飲食、保持腸胃健康，減輕消化系統負擔。

唔好畀臭臭便便影響到貓貓健康，早啲發現、及早處理，咁主子嘅腸胃先至舒服，排便先會順暢！

每日鏟貓砂嗰陣，不妨用呢5招嚟快速檢查吓！

每日鏟貓砂嗰陣，不妨用呢5招嚟快速檢查吓！

正常情況：屙完有陣味，但剷走之後好快散晒

異常情況：

• 勁濃烈、乸鼻，過咗 10 分鐘都仲好臭 → 可能腸胃炎或者對某種食物唔適應
• 有腥味、金屬味 → 可能係血便，腸胃有損傷
• 化學味、腐爛味 → 可能係細菌感染

正常情況：陣味淨係喺貓砂盆附近，剷走之後就散晒

異常情況：

• 成間房都係 💩 味 → 可能係腸胃有問題
• 貓貓屁股、腳板底都好臭 → 可能係肚屙，或者便便太稀黐到毛

便便情況	氣味	可能原因
深啡色、成形	正常	健康
軟便但成形	比平時更臭	飲食影響、消化不良
黏糊糊、有腥味	乸鼻臭味	腸胃炎、對食物唔耐受
水狀肚屙	勁酸臭	細菌感染或寄生蟲
黑色（似瀝青狀）	腥臭	內出血
帶血或黏液	鐵鏽味	腸胃道發炎、寄生蟲感染

異常行為：

• 屙完屎狂踢貓砂、R地 → 可能覺得便便陣味太奇怪
• 屙完即刻走、勁舐屁股 → 可能腸胃唔舒服
• 不斷出入貓砂盆但冇屙屎 → 可能便秘或者腸胃唔舒服

• 高蛋白貓糧（天然高消化率）→ 便便會比較濃稠但唔算異常
• 劣質貓糧（碳水化合物偏高）→ 會產生異常嘅臭味
• 新轉糧後一星期內臭味變強，可能需要適應期或者要轉返食舊糧

方法	說明
1. 轉用優質貓糧	低碳水、高蛋白、冇人造添加劑，幫貓貓更容易消化！
2. 補充益生菌	令腸胃菌群更穩定，減少便便嘅臭味！
3. 定期杜蟲	每 1~3 個月杜蟲一次，避免腸道寄生蟲影響消化。
4. 減少壓力	俾貓貓一個安全、穩定嘅環境，避免突如其來嘅轉變影響腸胃。
5. 留意便便狀況	如果長期異常臭，或者出現肚屙、血便，一定要帶佢去睇獸醫！

Q1. 貓貓便便有金屬味係咪正常？

可能係腸胃發炎或內出血嘅跡象，建議密切觀察，有需要就盡快睇獸醫！

Q2. 點樣可以令貓貓便便冇咁臭？

轉好啲貓糧 + 補充益生菌 + 定期杜蟲，腸胃健康咗，便便自然都會正常番！