貓咪係敏感嘅動物，生活入面少少變化就可能令佢哋感到緊張，例如搬屋、噪音或者屋企有新成員。
貓咪突然哈氣、低吼，甚至走去匿埋？呢啲都係貓咪緊張嘅徵兆！
如果長期緊張，甚至可能影響健康，導致免疫力下降、食慾不振或者亂屙尿。
貓奴必知！ 貓咪嚇親嘅時候嘅３大行為警號
（一）性情或行為轉變
過度舔毛
主人可能心諗貓咪本身都鍾意舔毛，點樣先算過度舔毛呢？咁就要特別留意貓咪舔毛嘅位置喇～
如果貓咪緊張時會特別鍾意舔大髀內側、前腿或者肚仔啲毛，因為貓咪舔毛嘅過程會有安全感。
所以貓咪如果身體有任何部位已經畀佢舔到甩毛甚至甩晒毛，咁就係貓咪過度舔毛喇！
來回踱步、鍾意玩捉迷藏搵唔到！
貓咪緊張、壓力大嘅時候可能會喺固定嘅路線度來回踱步，常見嘅係會兜圈或者係以「８」字形來回走動。
或者平時好鍾意跟住奴才但突然玩起捉迷藏，成日匿埋喺床底、角落或者其他唔容易搵到嘅地方。
當貓咪匿埋唔想接觸人類，甚至連食物都誘惑唔到嘅時候，亦可能係正喺度緊張或者唔開心㗎～
攻擊、破壞或係咁叫
貓咪如果突然破壞家具、攻擊人或者其他動物，半夜唔瞓覺仲係咁喵喵叫嘅時候，通常都係貓咪緊張、壓力大嘅表現。如果加上貓咪哈氣、低吼或者耳仔向後貼晒變飛機耳，就更加可以確定屋企主子正喺度緊張喇！
（二）飲食習慣轉變
冇胃口
正喺度緊張或者壓力大嘅貓咪會唔想飲水或者食嘢。但係有好多病都會有冇胃口嘅情況，如果貓咪唔食飯又冇晒精神，唔好再以為貓咪只係揀飲擇食啦～最好先帶佢去獸醫度檢查身體會穩陣啲呀！
亂食嘢 —— 貓咪異食癖
有啲貓咪緊張或者感到焦慮嘅時候就會亂食嘢。如果喺貓咪嘅排泄物入面見到異物，或者見到貓咪咬嘢，主人就要特別留意喇！常見嘅異物包括繩、紙、毛巾或者膠袋等等。
無論係吸吮、咀嚼定係吞咗落去，如果唔即刻制止，貓咪可能會上癮，甚至會形成異食癖。
壓力大食唔落嘢？轉啱主糧，貓咪都可以慢慢放鬆㗎～
（三）去廁所出現異常問題
忍尿、頻密小便、隨處屙屎屙尿
貓咪明明好愛乾淨，點解會周圍屙屎屙尿呢？其實貓咪隨處去廁所嘅原因好多，其中一個原因就係貓咪好緊張。
貓咪亂屙尿並唔係因為嬲或者報復，反而係想透過屙尿嘅氣味，增加對環境或者主人嘅親密度同安全感。
※ 主人請注意！ 忍尿、頻密小便或者亂屙尿都可能係貓咪身體發出嘅警號。如果確定唔係因為緊張造成嘅，建議即刻去睇醫生檢查吓呀！
亂屙尿唔係特登嘅！揀啱貓砂，等主子安心去廁所。
嘔吐、肚瀉
當貓咪出現嘔吐或者肚瀉等等嘅腸胃問題嘅時候，除咗身體狀況出問題，亦可能係因為緊張導致嘅胃潰瘍或者肚瀉。
無論原因係咪貓咪緊張或者壓力，嘔吐同肚瀉都係嚴重身體唔舒服嘅反應，有時都會出現便秘嘅情況，一定要快啲帶貓咪去醫院檢查吓呀～
小心健康響警號！唔可以忽視貓咪緊張行為
貓咪緊張問題唔會隨住時間淡化而自己好番。長期嘅緊張同壓力會令貓咪免疫系統下降，時間一長，病痛就會搵上門，貓咪嘅行為問題亦會越來越難糾正。
所以，當貓咪出現緊張嘅異常行為時，主人一定要多啲關心同觀察，搵出同排除貓咪嘅壓力來源，避免令貓咪嘅健康狀況響起紅燈！
造成貓咪緊張嘅原因非常多，除咗常見嘅搬屋、噪音或者家庭成員轉變，亦可能係老化、生病引起嘅痛楚或者唔舒服嘅感覺令貓咪緊張，主人們要多啲耐性搵出真正嘅原因呀！
生活習慣、環境轉變
除咗生活環境轉變（例如：搬屋、新裝修、入住新環境）、屋企成員轉變之外，有客人探訪、飲食轉變或者奴才嘅作息轉變等等。
喺日常中對主人嚟講微不足道嘅任何小事，都可能係貓咪緊張嘅原因呀！所以無論係任何變動，為咗貓主子都需要採取循序漸進嘅方式，避免突然嘅大變動令貓咪情緒緊張。
如果貓咪因為訪客而緊張，建議話畀客人知唔好追逐或者摸貓咪，避免增加佢哋嘅心理壓力。
生病、出街睇醫生
貓咪生病時身體唔舒服嘅感覺會令貓咪感到無所適從、焦慮。
如果搵唔到確切令貓咪緊張嘅來源，建議主人直接帶佢去獸醫院做檢查，避免錯過任何疾病嘅黃金治療期。
貓咪出街本身就係一件好大壓力嘅事，如果屋企主子之前已經將身體唔舒服同醫院連結埋一齊，出街睇醫生對貓咪嚟講簡直就係一場噩夢！
建議主人喺貓咪睇醫生前幾日就預先準備好外出籠，仲將貓咪鍾意嘅小毛毯、玩具或者紓壓小物品放喺入面，睇完醫生要畀獎勵同鼓勵，減少貓咪對醫院嘅壞印象呀。
複雜嘅「貓際關係」 —— 多貓家庭
由於每隻貓咪嘅性格截然不同，貓咪之間嘅相處並冇想像中咁容易。貓隻數量多嘅家庭，喺相處時容易產生不安、壓力嘅情緒，繼而導致貓咪亂屙尿，或者係為咗做記號而噴尿留低痕跡。
其實想帶新貓返屋企，要預先做好萬全準備，唔係嘅話，新嚟嘅貓咪會唔適應之外，「原住貓」亦會因為屋企成員轉變而產生壓力、焦慮，繼而出現貓咪打交、互相哈氣或者亂屙尿嘅情況㗎！
點樣舒緩貓咪緊張情緒？３招教你貓咪放鬆方法
屋企有冇容易緊張嘅膽小貓呀？咁你一定要學識緩解貓咪嘅緊張情緒！喺釐清並排除貓主子嘅壓力來源之後，主人可以嘗試喺屋企幫貓咪放鬆。
好多奴才甚至喺幫主子紓壓嘅過程入面，同時療癒咗自己、一齊紓緩壓力㗎～
豐富遊戲、活動空間
貓咪緊張嘅原因非常廣泛，就算日子過得太悶都會感到焦慮。
大多數貓咪鍾意睇微動態嘅畫面，所以建議將貓跳台或者貓抓柱放喺安全嘅玻璃窗邊。高處唔單止滿足到貓咪掌握周圍環境、探險嘅慾望，仲可以增加主子嘅活動量。
奴才嘅陪伴都好重要！每日花半個鐘陪主子玩，或者定期更換新玩具，滿足貓咪嘅狩獵天性。陪伴貓咪玩樂，係彼此最佳嘅紓壓方式嚟㗎～
貓咪減壓植物
※ 注意避免每日使用！ 畀嘅時候將時間控制喺每次 10-15 分鐘，每週唔超過 3 次。貓咪聞耐咗會產生嗅覺疲勞，時間一長，效果就會慢慢減弱㗎啦～
【延伸閱讀】蟲癭果幫唔幫到貓咪減壓？功效唔輸貓草？全面認識貓咪萬能藥！
延伸閱讀：貓草係乜嘢嚟？5大貓草功效！貓草隔幾耐食一次餵食建議必睇
貓咪費洛蒙、輕音樂
外國有音樂家同科學家合力製作出專屬貓咪嘅音樂專輯，透過 聽覺豐富化 嘅概念，幫助貓咪減壓。好多貓奴都話實測有效，主人們不妨畀貓咪聽吓音樂，緩解緊張情緒呀！
此外，市面亦有 貓咪費洛蒙 產品，呢啲產品模擬貓咪頭部腺體散發嘅費洛蒙，可以幫助貓咪穩定情緒，令佢哋感到開心、安心同放鬆。