貓貓母雞蹲嘅 4 種意思？
1. 放鬆與信任
當貓貓選擇「母雞蹲」（摺埋手腳）時，通常表示佢哋對周圍嘅環境感到安心～這係一種放鬆同信任嘅表現。
貓貓收埋四肢，表示佢唔擔心受到威脅。
如果貓貓成日喺你身邊母雞蹲，代表佢對你充滿信任呀！
2. 貓貓需要保暖
喺天氣凍嘅時候，母雞蹲係一種保持溫暖嘅姿勢。透過將四肢同尾巴收埋，貓貓可以有效減少體溫流失，特別係喺磚地或冰冷嘅地板上時更為常見。
3. 貓貓病咗
若貓貓長時間保持母雞蹲，而且伴隨其他異常行為（如食慾下降、活動減少），可能係身體唔舒服嘅徵兆。
例如，胃痛或關節痛可能會令貓貓選擇這種姿勢嚟舒緩壓力。建議密切觀察，必要時諮詢獸醫。
4. 貓貓想要獨處
母雞蹲作為一種獨處訊號，有以下幾個原因：
貓貓想將肉球上嘅氣味收埋，唔想同其他人交流。
將手腳收埋，幫助保暖、減少體溫流失，為接下來嘅睡眠時間做準備！
所以當見到貓貓母雞蹲嘅時候，建議大家識做啲（？），畀貓貓好好休息啦～～
貓貓嘅「母雞蹲」係放鬆定生病？7 大重點觀察
貓貓「母雞蹲」通常係佢哋放鬆、感到安全嘅表現。
但如果貓貓長時間維持呢個姿勢，而且睇落好唔妥，就可能係身體不適嘅警號。
除咗食慾同活動力下降，我可以從以下幾個方面進行更細緻嘅觀察：
1. 係「放鬆蹲」定係「痛痛蹲」？
放鬆時，貓貓身體柔軟，前腳舒適咁收喺身體下面，眼睛可能係半瞇或緩慢眨眼。
如果係痛嘅話，貓貓嘅背脊可能會拱起，頭部耷低，前腳可能無完全收好，肌肉繃緊。睇落好似係「想趴低但又唔舒服」咁。
2. 貓貓想唔想同你互動？
你叫佢或用玩具引佢時，貓貓係咪毫無反應或顯得煩躁？有無一直匿喺牆角、床底等隱蔽處唔出嚟？
3. 去廁所嘅狀況係咪異常？
這係最重要嘅觀察點之一！
貓貓係咪頻繁進出貓砂盤卻無便便？
尿尿或便便時有發出叫聲嗎？
或者佢會直接屙喺貓砂盤出面？
4. 摸下貓貓個肚
可以嘗試摸下貓貓個肚或者關節位，睇下佢會唔會避開、哈氣甚至攻擊？
「母雞蹲」本身並不可怕，但若伴隨以上任何一項或多項警號，尤其係去廁所出問題，代表貓貓正忍受著巨大嘅痛苦，唔好猶豫，立即帶佢去睇獸醫。
貓貓母雞蹲，要點樣回應佢？
當貓貓母雞蹲時，畀啲安靜嘅時間佢，唔好騷擾佢。
提供溫暖舒適嘅環境，等貓貓可以安心休息。
母雞蹲係一個既可愛又重要嘅行為表現，懂得尊重貓貓嘅獨處需求，能令你哋之間嘅關係更加融洽！
下次見到貓貓母雞蹲，記得識做啲，等佢好好享受佢嘅休息時光啦～
延伸閱讀：其他貓貓休息嘅姿勢
貓貓母雞蹲呢個動作，唔單止可能代表貓貓想要獨處嘅訊號，仲可以判斷貓貓對你嘅信任程度㗎！
貓貓嘅睡覺姿勢大致分成四種，警戒程度由高到低依序為：縮埋一舊、 母雞蹲 、側身瞓、反肚。
- 側身瞓：代表貓貓完全放鬆，對環境充滿信任。
- 反肚：係最高程度嘅信任表現，但唔一定代表佢想被摸！
- 縮埋一舊：常見於天氣凍，幫助保暖。
每種姿勢都能透露貓貓嘅心情與需求，了解呢啲行為能令你同貓貓嘅相處更加融洽。
當然，氣溫亦有可能影響貓貓嘅睡覺姿勢，天氣越熱、氣溫越高，貓貓個肚嘅裸露程度就越高！（點解聽落好似好變態咁 XDD）
