貓咪眼睛顏色點樣定？揭秘藍眼、異色瞳背後基因！

你有冇發現，每隻主子嘅眼睛顏色都唔太一樣？有啲貓咪擁有深邃嘅琥珀色眼，有啲就係夢幻嘅冰藍色，甚至仲有主子係一藍一黃嘅異色瞳！

眼睛顏色其實唔係隨機決定㗎，而係由基因、黑色素沉積，以及品種遺傳共同影響而成。

你屋企嗰隻係咩色眼呢？今日就帶你揭開貓咪眼睛顏色嘅科學秘密，仲有背後可能收埋嘅健康訊號！

貓咪嘅眼睛顏色係由黑色素決定！

黑色素越少，眼色就越淺；黑色素越多，眼色就越深：

 
• 黑色素含量少 → 藍色眼睛

 

• 黑色素適中 → 綠色眼睛

 

• 黑色素多 → 黃色、琥珀色、金銅色眼睛

基因唔止決定貓咪嘅毛色，亦會影響眼色。例如，白貓基因（W基因）經常同藍眼或者異色瞳有關。

而某啲品種亦有特定嘅眼色標誌，好似俄羅斯藍貓幾乎全部都係綠眼，暹羅貓就擁有標誌性嘅藍色眼睛。

係有機率，但唔係絕對（主子聽唔聽到同佢有冇反應係兩回事嚟嘅 🤣）。

藍眼白貓體內通常缺乏黑色素細胞，而呢種細胞係構成聽覺嘅重要細胞之一。根據國外動保組織報告，藍眼白貓大約有 60% 機率有聽力障礙，並唔係 100% 㗎！

啱啱出世嘅細貓幾乎全部都係藍色眼睛，係因為佢哋嘅眼睛仲未開始製造黑色素。

隨住主子長大，黑色素開始沉澱，眼色先會慢慢變到最終嘅樣。

呢個過程通常喺 2 到 3 個月大開始變，到 6 個月大左右就會固定。

顏色	黑色素含量	特點	代表品種
🔵 藍色（Blue）	最少	通常喺純白貓或者暹羅貓呢類特定基因嘅主子身上見到	暹羅貓、波斯貓、緬因貓
🟢 綠色（Green）	適中	最常見眼色之一，帶住一種神秘感	孟加拉貓、俄羅斯藍貓、埃及貓
🟡 黃色／琥珀色（Amber）	較多	金黃色眼睛，帶住貓咪獨特嘅銳利感	英國短毛貓、美短、橘貓
🟠 金銅色（Copper）	最高	深色眼通常顯得特別霸氣，好襯大型貓種	英短、緬因貓、波斯貓

異色瞳（Odd-eyed）

呢類主子嘅特點係一隻眼係藍色，另一隻係黃色/綠色/銅色。

代表品種有土耳其梵貓、波斯貓、東方短毛貓、白貓（唐貓亦常見）

異色瞳同白貓嘅關聯？異色瞳通常發生喺白貓身上，同白毛基因有關。

異色瞳貓咪會耳聾嗎？ 有啲白貓確實可能因為基因影響導致單耳或者雙耳聽力缺陷，但並唔係所有異色瞳主子都會聾㗎！

其實唔會！ 先天嘅異瞳係唔會影響視力嘅。不過由於缺乏黑色素，可能會對光線比較敏感，建議平時唔好畀太強烈嘅陽光直接曬住對眼，費事主子唔舒服！

如果你屋企隻成年貓貓眼睛顏色突然變咗，可能要留意下健康狀況，以下係幾個常見原因：

原因	眼睛變化	可能原因 / 疾病
年齡影響	眼色變深或混濁	年紀大咗嘅自然老化現象
虹膜炎（Iritis）	眼色變深、變混濁	感染或者自體免疫疾病
葡萄膜炎（Uveitis）	泛紅、顏色異常、影響視力	感染或者其他潛在疾病
青光眼（Glaucoma）	灰白、混濁，透明度下降	眼壓升高，要盡快睇醫生
肝病或血液疾病	眼白變黃（黃疸）	可能係肝功能異常
眼部創傷或感染	顏色改變（暫時或永久）	外傷、細菌或者病毒感染

如果發現主子對眼顏色有明顯變化，最好盡快帶去畀獸醫檢查，確保冇隱藏嘅健康問題！

觀察眼睛變化：定期檢查主子對眼，如果顏色變到混濁、變黃，或者出現不明異常，請立即就醫。

定期健康檢查：貓咪年紀越大，越容易有眼部問題，搵獸醫檢查係最好嘅預防方法。

適當營養：牛磺酸對於貓咪視力健康非常重要，確保主子平時食得夠牛磺酸。

保持環境清潔：避免灰塵、細菌影響眼部健康，要定期清潔屋企環境。

主子對眼夜晚會發光嘅秘密：脈絡膜層 (Tapetum Lucidum)

呢個係大多數脊椎動物都有嘅眼睛結構，可以充分利用進入眼睛嘅光，強化夜視能力，就算喺黑暗中都睇得好清楚。

貓咪眼睛顏色決定反光顏色

根據天生虹膜顏色唔同，反射出嚟嘅顏色都會有所不同㗎！