幼貓唔食嘢？貓BB揀飲擇食點算好？4招解決餵食煩惱
「買咗成堆罐罐，但主子淨係食嗰幾款，其他掂都唔掂？」 「點解尋日仲食得好地地，今日就完全唔吼？」 主子揀飲擇食（揀嘴）真係搞到各位貓奴好頭痛，呢種習慣究竟係天生，定係後天縱壞咗？ 呢篇文章會話你知 幼貓唔食嘢嘅原因同改善方法，幫你嘅貓BB乖乖食飯！ 貓貓係非常聰明嘅動物，一旦食過啲重口味嘅嘢，好可能就會開啟佢嘅揀嘴之路，甚至會懷疑你係咪收埋咗啲「好西」唔畀佢食。建議由細個開始培養： 清淡飲食： 喺罐罐度加少少水撈勻，等貓貓習慣清淡口味。 口味多元化： 唔同口味嘅主食輪流換，等貓貓習慣接受新食物。 太常餵零食，令貓貓覺得「零食好食過正餐」。 或者一見到貓貓唔食嘢就即刻換第二款，導致佢學識「只要我唔食，奴才就會進貢新嘢」。 經常餵「重口味罐頭」（例如吞拿魚、鯖魚等），導致貓貓唔肯食其他味道較淡嘅肉類（例如雞肉）。 一開始無畀佢試過多種蛋白質來源，導致貓貓對新食物好抗拒。 延伸閱讀：屋企有隻揀嘴貓點算好？了解 . .
