Category Archives: 怪獸怪知識

比高犬飼養攻略？性格、缺點、照顧懶人包

米格魯，憑住佢對矇豬眼、長長嘅垂耳同埋佢獨有嘅響亮吠聲，成為咗全世界最受歡迎嘅狗種之一。 佢哋就係經典卡通人物史諾比（Snoopy）嘅原型，活潑好動又黐人嘅性格，令佢哋成為好多香港家庭嘅歡樂泉源。 米格魯係一種歷史悠久嘅古老獵犬品種，源自英國。 佢哋最初繁殖出嚟嘅任務，就係要憑住佢哋無與倫比嘅嗅覺，一班狗仔咁樣去追蹤同埋打獵兔仔、野兔等細型獵物。 佢哋個名「Beagle」，相傳係源自古法語中解作「大嘴巴」嘅字眼，最貼切咁形容到佢哋追蹤獵物嗰陣，嗰種響亮又獨特嘅吠叫聲。 米格魯最吸引人嘅地方，就係佢哋嗰種永遠充滿好奇心、帶點懵懂無知嘅經典樣貌。 佢哋有對軟冧冧、長長嘅垂耳，可以幫佢哋將地面嘅氣味「撥」向鼻哥，更易捕捉到目標。 佢哋對眼大大哋、啡色，望落去好溫和。身形結實、肌肉發達，天生就係跑得又襟捱嘅運動員。 最經典、最常見嘅色係三色（黑、啡、白），但其實佢哋嘅毛色組合非常多樣，仲包括檸檬色同白色、紅白雙色等等。 佢哋嘅尾巴尾端通常都有一撮標誌性嘅白毛，據講咁樣係為咗等獵人喺草叢中都容易睇到佢哋嘅位置。 米格魯嘅性格，完全係圍繞住佢哋『群獵犬』嘅基因特質。 佢哋係為「團隊合作」而生嘅，所以天生樂觀、隨和，同屋企人、小朋友甚至其他寵物都相處得好好。 佢哋嘅鼻哥就係佢哋認識世界嘅雷達，對周圍一切都充滿咗探索嘅慾望，成日周圍聞。 佢哋天生就係運動員，擁有用唔完嘅精力，好鍾意戶外活動，最啱帶佢哋去放電。 呢個絕對係養米格魯最大嘅挑戰！佢哋嘅叫聲響亮又好穿透力，無論係興奮、悶、定係警戒，佢哋都鍾意用吠聲嚟表達，隨時可能會影響到鄰居，甚至引嚟投訴。 . .

重點色貓有邊啲？盤點 7 大熱門品種性格、飼養貼士！

. .

貓屎好臭點算？原因同5招改善方法幫貓貓回復健康

你最近係咪發現貓貓去完廁所之後，屋企陣味久久不散，甚至濃過平時好幾倍？ 貓貓啲便便本身有味都好正常，但如果陣味突然濃烈咗好多，可能就同佢嘅腸胃健康、飲食習慣或者環境因素有關係喇。 今篇文章會同你分析4個導致貓貓便便變臭嘅原因，再教你 5 個有效嘅改善方法，等你屋企唔會再有臭味困擾！ 其實食物係影響貓貓便便氣味嘅最大因素之一！ 貓貓食咩，痾出嚟就會係咩味。 如果 貓貓食咗太多劣質貓糧，入面有好多不必要嘅穀物、豆類，或者係唔適合佢哋嘅蛋白質（例如有啲貓會對某種肉類敏感），咁就可能會導致消化不良，搞到啲便便臭到開巷。 點樣改善？ 轉用 高蛋白、低碳水化合物、易消化 嘅貓糧啦！ 貓貓嘅腸胃就好似一個微型生態系統，入面有益菌亦有壞菌。如果壞菌多過益菌，食物消化得唔好，便便就會變得好刺鼻同濃烈。 點樣改善？ . .

寵物凍乾、自製肉乾點保存？使唔使雪？放幾耐？一次過解答！

開開心心咁為主子買咗貴價凍乾同肉乾，最怕就係因為保存唔啱，搞到啲零食變質、走味，甚至害到佢哋食壞肚！ 到底呢啲零食開咗封之後使唔使雪？可以擺幾耐？ 凍乾：利用真空冷凍技術，將食材入面嘅水份直接「昇華」成氣體。因為佢差唔多冇晒水份，所以室溫下就已經可以擺好耐。 肉乾：利用熱力或者風力將水份蒸發。製成品可能仲有少量水份，因此保存條件會更嚴謹。 凍乾零食最大嘅好處就係可以喺室溫下保存，但前提係要避開佢嘅三大敵人： 濕氣：呢個係凍乾嘅頭號殺手！一濕水，就好快變壞、滋生細菌。 高溫與陽光：會令肉乾入面嘅天然油脂變質，產生油膉味。 空氣：長時間接觸空氣會導致氧化，影響味道同新鮮度。 ▶︎ 正確做法：將零食好好咁保存喺原裝嘅密封袋入面，盡量擠走啲空氣封實，再放喺陰涼、乾爽嘅櫃桶或櫥櫃。 答案係：唔使！ 將凍乾零食放入雪櫃，每次拎出嚟嗰陣，溫差會令包裝內產生「水氣凝結」，反而令凍乾更容易受潮變壞。 除非你屋企真係超級潮濕，否則密封好放喺陰涼地方，就係最好嘅保存方法。 對於水份含量比較高嘅傳統肉乾、潔齒骨，或者冇加防腐劑嘅自家製肉乾，保存方法就要更加小心。 開封後請雪藏：呢類零食開封後，建議立即放入密封袋或者保鮮盒入面，並存放喺雪櫃雪藏，先可以有效抑制細菌滋生。 . .

怪獸部落保健品「牛離 Q」：三大核心功效大解構

自從我哋嘅「牛離Ｑ」綜合保健品推出以嚟，好多用心嘅毛孩主人都想為屋企嘅小毛孩開始做保健！相信大家可能都會遇到一啲常見問題，我哋呢篇文就幫大家整理咗出嚟，希望可以解答到各位嘅疑問啦～ 「牛離Q」嘅研發理念，就係將三種對貓狗極之重要嘅營養素集結晒一齊，為毛孩主人提供一個方便、準確又高效嘅日常保健方案。佢嘅主要功效，都係嚟自以下三大成分嘅作用： 牛磺酸係一種必需胺基酸，對貓貓嚟講尤其重要，因為佢哋身體唔可以自己合成足夠份量，一定要從飲食度攝取㗎。 保護心臟功能：牛磺酸係維持心肌正常運作嘅主要關鍵，可以幫助強化心臟收縮能力，係守護心血管健康嘅第一道防線。 保護視力健康：足夠嘅牛磺酸能夠保護貓貓嘅視網膜，預防因為缺乏而導致視網膜退化，甚至失明嘅情況。 維持身體機能：佢同時亦都支持住神經系統嘅健康、膽汁嘅正常合成，以及繁殖能力嘅健全。 離胺酸係貓狗體內合成蛋白質嘅重要基礎，而喺貓貓嘅保健範疇，佢最廣為人知嘅功效就係對抗「貓皰疹病毒（FHV-1）」。 舒緩上呼吸道問題：貓皰疹病毒係引起貓貓打乞嗤、流眼水、流鼻水（俗稱貓感冒）嘅主要原因。 維持免疫機能：作為必需胺基酸，可以幫助身體製造抗體同酵素，係維持整體免疫系統健康嘅基礎。 延伸閱讀：貓貓流眼水點算好？由淚痕、單邊流眼水到咖啡色眼淚，獸醫講解原因同護理方法！ – 怪獸部落 Q10係一種強效嘅抗氧化物，存在喺身體嘅每一個細胞入面，尤其喺心臟、肝臟呢啲對能量需求高嘅器官入面，含量就最豐富喇。 強化心臟能量：Q10係細胞產生能量（ATP）過程入面嘅重要輔酶，能夠為心肌細胞提供源源不絕嘅動力，幫助維持心臟健康同活力。 對抗自由基、延緩衰老：作為強大嘅抗氧化劑，Q10能夠保護細胞唔俾自由基傷害到，對於延緩衰老、維持細胞健康都非常有幫助。 . .

貓嗅覺有幾靈敏？貓嘅嗅覺係人嘅幾多倍？

我哋人類靠視覺去感受世界，但貓貓嘅世界，卻係靠個「鼻」聞出嚟㗎！ 嗅覺對貓貓嚟講，就好似超能力咁，影響佢哋嘅生活、飲食，甚至同其他貓貓嘅社交互動。 究竟有幾靈敏呢？研究指出，貓貓嘅嗅覺靈敏度係人類嘅 14 倍！ 我哋嘅鼻腔大約有 500 萬個嗅覺受體，而貓貓就擁有4500 萬到 8000 萬個，甚至有啲品種可以去到 2 億個！呢個令貓貓成為名副其實嘅「嗅覺達人」，擁有超強嘅氣味偵測能力。 咁犀利，令貓貓可以做到： 好容易分辨到各種氣味，對環境變化極之敏感 . .

新加坡貓係咪全世界最細隻貓？外形特徵、性格同埋飼養貼士一文睇晒

. .

貓最驚咩聲同頻率？點解會驚呢啲聲？

想知點解貓貓會被聲嚇親？我哋要由佢哋嘅獵人天性同生理結構講起。 人類聽覺範圍： 大約 20 Hz – 20 kHz（隨住年紀增長，高頻聽力會變差）。 貓貓聽覺範圍： 大約 48 Hz – 85 kHz。 . .

貓貓叫雀仔聲，係咪見到獵物興奮？

點解貓貓對住窗外會咯咯聲？其實…貓貓係度進行緊一場「空氣狩獵」嚟㗎！ 呢種行為其實就係「真空行為 Vacuum activity」，普遍嚟講，係指動物受到外界環境刺激嗰陣，會作出相應嘅行為。舉個簡單例子：當你聽緊音樂嗰陣，受到感官刺激不自覺咁興奮，開始搖擺、刷空氣結他；又或者貓貓對住你份晚餐黑面，做出撥沙嘅動作等等，呢啲全部都係真空行為嚟㗎！ 貓貓其實係模擬緊咬斷獵物條頸嘅動作，只不過個口冇獵物，所以上下兩排牙齒互咁震、發出咯咯聲。通常見到呢種情況，多數係因為屋企隻貓滿足唔到佢哋捕獵嘅慾望，而產生出嚟嘅一個假想行為嚟㗎！ 當貓貓對住你份食物做出撥沙動作，其實唔係嫌份食物好似便便咁臭咋！只不過係因為佢哋嘅祖先喺野外生存嗰陣，習慣咗將糞便同食物埋藏，隱藏自己嘅蹤跡。雖然佢哋已經係家貓，冇晒天敵威脅，但係聞到啲味比較濃嘅嘢，都仲會做出撥走嘅動作。 狗狗祖先喺野外瞓覺嗰陣，會喺地下R個位，貪泥土下面暖笠笠又舒服。雖然你隻狗狗變咗家犬後有暖竇，但佢哋仍然保留住R地嘅天性。 貓貓對住張棉被踩踏踏，或者啜塊布料，多數都同佢哋細個甩奶嘅經歷有關。有人話，軟綿綿、暖笠笠嘅質地，可以令貓貓諗起喺媽咪身邊嗰陣嘅感覺，所以做出呢種「真空行為」，會覺得幸福又減壓。 延伸閱讀：貓貓踩踏踏係咩意思？貓貓行為分析同情感大揭秘！ – 怪獸部落 延伸閱讀：細貓仔係咁叫，使唔使理佢？4個步驟教你點樣成功安撫隻細貓仔！ 「真空行為」要唔要糾正？ 首先可以留意吓，發生嘅頻率同強度高唔高？有冇整傷自己（例如：貓貓啜肉墊啜到流血）？如果頻率正常，咪當佢可愛囉，影多啲相留念啦！但如果發生得太密，甚至整傷咗，就要帶佢去睇醫生檢查，因為可能就唔係咁簡單嘅「真空行為」喇！ . .

狗隻騎身行為，其實唔係淨係因為發情？

係咪成日見到狗狗有騎乘行為㗎？其實騎乘行為同「發情」唔係絕對有關係，但被騎嘅一方心入面一定有壓力，所以唔係一件可以隨便由得佢嘅事嚟㗎！ ❶ 宣示自己嘅優越感 幼犬大到四個禮拜左右，就會開始佢哋嘅社交期，「騎乘」就係其中一個重要表達方式，用嚟展現領導氣質，宣示自己嘅主權。無論係對住主人隻腳，定係屋企嘅公仔，生殖器官都係狗狗身上味道最濃嘅部分。佢哋會透過騎乘，將自己嘅氣味留喺呢啲物件上面，從而宣示主權㗎！ ❷認定親密夥伴 騎乘行為亦可以係狗狗嘅調情動作，就好似佢哋溝通嗰陣，會豎起耳仔、互相舔吓咁。呢種騎乘同佔有慾唔同，只係單純表達鍾意，所以通常時間都唔會長，幾秒之後就會落嚟，仲經常會交換騎乘嘅一方。 ❸ 當然，都可能係發情！ 騎乘當然都係典型嘅發情徵兆，但通常會伴隨住生理狀況嘅轉變，例如：性格煩躁、性器官有變化等。 ❌ 錯啦！其實母狗都會㗎！騎乘係狗狗嘅社交行為之一嚟㗎。 當狗狗騎主人隻腳嗰陣，千祈唔好畀任何反應（例如：大叫、鬧佢等），因為咁樣會令狗狗誤以為你係關注佢。你可以直接面無表情咁行開，耐咗之後，狗狗就會知道騎腳係唔會得到任何回應㗎喇。 ＊每個家庭可能都有自己習慣嘅訓練方法，例如：有固定獎勵、有固定指令，呢個方法只供參考，如果真係有需要，記得諮詢專業行為訓練師或者獸醫協助啊！ . .

貓貓食唔食得西瓜？食到西瓜核點算？

喺熱辣辣嘅夏天，清爽嘅西瓜唔單止係人類嘅消暑佳品，對貓貓嚟講，都係一種好正嘅「補水小食」。只要主人識得點處理同畀啱份量，就會有以下幾點好處： 西瓜嘅含水率高達92%，對啲天生唔鍾意飲水嘅貓貓嚟講，絕對係補充水分、預防中暑同脫水嘅最佳拍檔。 西瓜含有維他命A、C同埋茄紅素，呢啲抗氧化劑有助於增強貓貓嘅免疫系統，對維持心血管同眼睛健康都好有益。 西瓜嘅熱量相對比較低，對需要控制磅數嘅貓貓嚟講，係一個比好多現成加工小食更健康嘅選擇嚟㗎。 雪凍咗嘅西瓜可以幫貓貓喺酷熱天氣入面降溫，等佢哋感受一陣清涼，特別喺香港夏天咁熱，涼浸浸真係最好。 西瓜嘅紅肉係非常安全，但「西瓜皮」同「西瓜核」係主人必須花心機清走嘅危險部分。 雖然唔小心食咗少少都無乜大問題，但西瓜核好難消化，食得多嘅話，就好大機會引致腸道閉塞。尤其係啲黑色、熟透嘅核，質地硬淨啲，主人應該盡量清走晒佢哋就最好啦。 綠色嘅西瓜外皮質地好硬，貓貓係完全消化唔到。如果貓貓咬西瓜皮，除咗腸胃會唔舒服，仲有機會哽親，甚至導致腸道閉塞嘅危險㗎！ 雖然西瓜含水率高，但始終含有天然糖分。對於有糖尿病嘅貓貓，就千祈唔好畀佢哋食；即使係健康嘅貓貓，都應該適量咁餵，避免攝取過多糖分而導致肥胖問題。 記住，呢條係最重要嘅安全守則！淨係用中間紅色嘅果肉部分，同埋要有耐性咁將睇到嘅黑色同白色瓜核全部清走晒佢。 將處理好嘅果肉切成貓貓指甲蓋咁大嘅粒粒，方便貓貓舔食同咀嚼。 將切好嘅西瓜仔直接畀貓貓食，或者稍微雪凍少少再餵，會更加好味。主人都可以將去核嘅果肉打成果蓉，雪成細細粒嘅冰磚，整成貓貓夏天專屬嘅冰凍小食。 西瓜應該當係「季節性嘅消暑小食」，而唔係每日都食嘅零食嚟㗎。 一日大約1-2塊切好嘅細方塊，或者一湯匙嘅份量就夠啦。喺熱辣辣嘅夏天，可以每個禮拜餵一到兩次。 重要提示：第一次餵嘅時候，請淨係畀一細塊貓貓試下，留意佢哋嘅腸胃反應，確保佢哋唔會因為水分同纖維突然增加而肚痾。 . .

貓肚下墜係咪肥？咩係原始袋？功能、分辨方法同常見謬誤

你隻貓個肚仔，係咪都有塊行路時會左右搖擺嘅「小肚腩仔」呢？ 好多主人一見到呢個鬆泡泡又下垂嘅貓肚，即刻會諗：「嘩，我隻貓係咪太肥喇！」 不過千祈唔好咁快捉佢去磅重！因為呢塊令貓咪個肚下垂嘅部位，好可能唔係肥胖造成，而係貓科動物與生俱來、充滿野性魅力嘅獨有特徵：「原始袋」。 「原始袋」，亦都成日俾人叫做「原始口袋」，係喺貓咪下腹部、由多餘嘅皮膚、脂肪同埋組織組成嘅一層鬆軟結構。 呢個唔係一種缺陷或者病，而係自貓科動物嘅遠古祖先就已經存在嘅天生構造，係佢哋為咗喺野外生存而進化出嚟嘅重要優勢特徵。 所以，唔單止你屋企隻貓，就連動物園入面嘅老虎、獅子等等大型貓科動物，都有機會見到呢個隨風搖曳嘅「原始袋」肚仔㗎！ 呢個睇落好似係「贅肉」嘅構造，其實對貓咪嘅生存同埋日常行動，都有三大關鍵作用： 原始袋呢層有彈性嘅肚皮，可以令貓咪喺奔跑衝刺嗰陣，後腿可以更完全咁向前伸展，做到步幅更大、速度更快；而喺空中跳躍嗰陣，仲可以令身體有更好嘅伸展性，確保動作更流暢靈活！ 原始袋有彈性空間，等貓貓捕獵到大型獵物之後，可以一次過撐大個肚，儲存更多食物同脂肪，就好似一個隨身攜帶嘅「流動糧倉」咁。 貓貓嘅肚仔係佢哋最脆弱嘅部位之一。 呢層厚實嘅原始袋，就好似一個天生嘅安全氣袋咁，喺打鬥時可以提供額外緩衝，保護腹腔入面嘅器官，避免受重傷。 雖然原始袋係貓貓天生就有嘅，但有啲貓貓嘅肚腩仔，真係肥㗎嘛！想分辨你屋企隻貓仔個肚腩究竟係天生嘅原始袋，定係需要減肥嘅脂肪，最簡單嘅方法就係——伸隻手摸下佢啦！ 手感： 原始袋摸落去鬆泡泡，好似層皮咁，可以輕易同腹肌分開，就好似個冇裝滿水嘅袋；肥肚腩摸落去好實淨、脹卜卜，好難搣起一層皮，手感好實。 外形： . .