身為貓奴，一定有試過不經意望到貓貓眼神呆呆哋望住你，露出一小截條脷嘅經驗掛？嗰個可愛嘅樣簡直萌死人！ 不過貓貓吐脷嘅時候，唔通係喺度裝可愛？其實唔一定㗎！貓貓有可能因為好多唔同原因，而唔記得將條脷縮返入去～快啲一齊嚟睇下貓貓吐脷嘅秘密啦！
貓貓吐脷 嘅四個真相
原因一：心情超放鬆
貓貓吐脷最常見嘅原因就係佢感到極度放鬆。
當貓貓理毛理到一半突然分心，或者被環境中嘅其他事物吸引注意，條脷可能唔記得縮返入去，這代表佢此刻感覺非常舒適，導致嘴巴、條脷嘅肌肉都鬆弛落嚟。
唔需要擔心，這只係貓貓喺度「發呆」嘅呆萌狀態，這時你只需要快啲拎起電話影一堆萌照就可以啦 XD
延伸閱讀：貓咪呼嚕聲代表咩？5 種可能原因，係開心、壓力定係自我療癒？
原因二：天生下巴短小
有些品種嘅貓族天生下巴就比較短，例如：異國短毛貓、波斯貓，加上犬齒比較細，唔容易壓住條脷，稍微用力條脷就會唔小心跑出嚟！
如果貓貓吐脷無伴隨其他異常行為，這完全屬於正常生理現象。好好欣賞佢嘅「呆萌顏值」就好啦！
原因三：玩得太激
貓貓同狗狗一樣，身體表面嘅汗腺唔發達，只有腳掌嘅汗腺可以排汗。
當貓貓劇烈運動後，身體溫度過高，胸腔係最熱嘅部位，張大口呼出胸腔嘅熱氣，可以更快達到降溫目的。
但喺天氣炎熱時，如果貓貓吐脷喘氣嘅情況過耐過頻繁，就要注意貓貓可能有中暑嘅情況。
盡量避免貓貓喺高溫下劇烈活動，並提供充足嘅飲水與降溫措施。如果吐脷伴隨喘氣情況，要立刻協助貓貓降溫，並觀察係咪需送醫。
延伸閱讀：【貓貓冷知識】貓咪嘅肉球聽講唔止可以散熱？仲同個性有關！？
原因四：生病嘅徵兆
如果你屋企嘅貓貓，之前好少吐脷，突然吐脷嘅頻率增加好多，或者長時間吐脷，就要注意好有可能係心肺、支氣管、口腔問題等疾病😢
另外，有些口腔疾病產生時，貓族為了避免條脷刮到傷口，會張開口將條脷放喺外面，通常亦會伴隨食慾下降！
一旦發現異常，特別係同時出現其他症狀，請盡快帶貓貓就醫，讓獸醫進行詳細檢查。
延伸閱讀：【犬貓健康】犬貓好識忍痛？疼痛評估表！
延伸閱讀：貓咪呼吸急促、肚仔起伏大？貓呼吸急促應對方法一次睇！
貓貓吐脷常見問題？
點解貓貓瞓覺時會吐脷？
如果你發現貓貓喺瞓覺時微微吐出條脷，唔使擔心，這通常係佢完全放鬆嘅表現。
當貓貓進入深層睡眠，肌肉放鬆，條脷可能就會自然滑出嚟。這種情況特別常見於熟睡時，尤其係喺一個安全、舒適嘅環境中。
此外，貓貓嘅牙齒或下顎結構亦可能影響條脷嘅位置，導致瞓覺時條脷不自覺地露出一點。
睇住熟睡嘅貓貓，有時會讓人羨慕——無煩惱、無失眠，簡單而純粹地享受每一次睡眠。
點樣分辨吐脷係健康定係異常？
- 頻率：偶爾吐脷（如放鬆時）屬正常，但突然變得頻繁或持續吐脷則需注意。
- 伴隨症狀：如果貓貓同時表現出食慾不振、精神萎靡或呼吸急促，可能涉及健康問題。
- 環境因素：劇烈運動後嘅吐脷大多與散熱有關，但若天氣炎熱且吐脷時間過長，可能需要觀察係咪有中暑跡象。
貓貓吐脷大多係無害嘅呆萌行為，但也可能暗藏健康問題嘅警號。家長們日常需多留意貓貓嘅行為與健康狀態，確保佢哋能喺舒適、安全嘅環境中快樂生活！
你可能仲想睇......
延伸閱讀：【貓咪冷知識】貓咪翹 pat pat、將屁股抬高係咩意思？
延伸閱讀：【貓貓冷知識】貓咪嘅肉球有咩功能？聽講同個性有關！？
參考資料
Why Does My Cat Stick His Tongue Out?