狗狗挖窿動作代表啲咩？點解狗狗鍾意抓地、抓床？狗狗不停咁抓地係咩意思？
相信主人們都見過狗狗想挖嘢嘅樣，但千祈唔好睇小呢個動作，呢個背後其實收埋好多秘密㗎～今日就帶你睇吓狗狗點解鍾意挖地，原來同安全感有關㗎？
狗狗鍾意抓地？拆解 5 大挖地原因！
狗狗挖地原因 1：熟悉環境
狗狗嘅爪入面有腺體，透過抓吓抓吓嘅動作，可以留低費洛蒙，確保自己嘅勢力範圍。
呢個動作亦都可以令狗狗覺得安心，所以當你見到狗狗不停咁抓地或者抓床，就代表佢哋正嘗試舖床，想整理出一個安心瞓覺嘅地方！
狗狗挖地原因 2：發現入侵者
當地下、梳化或者床呢啲休息嘅地方出現陌生嘅氣味嗰陣，狗狗會想搵返啲氣味，就會開始喪挖窿！
狗狗挖地原因 3：尋求庇護或者避暑
野外嘅狗狗會喺泥地上面挖窿整睡窩，除咗可以避開敵人嘅威脅，當中涼爽嘅溫度亦都可以喺夏天消暑。
狗狗挖地原因 4：收埋嘢
呢個係祖先流傳落嚟嘅習慣，狗狗會將佢哋鍾意嘅嘢收埋！好似食物、玩具咁，任何對佢哋嚟講有價值嘅嘢，都有可能被收埋㗎～
狗狗挖地原因 5：純粹貪玩
當狗狗悶嘅時候，可能會有透過抓嘅行為嚟玩吓、減吓壓。
⚠️如果狗狗有異常、高頻率嘅抓抓行為，要留意係咪情緒焦慮引起，建議多啲觀察生活中嘅變數，有冇為狗狗帶嚟過多壓力！
想食靚肉，就搵怪獸部落啦！
怪獸部落由深入研究貓狗飲食習慣出發，了解到新鮮原肉最可以令小怪獸吸收到豐富營養、食得滋味。
所以，我哋致力於使用 100% 全鮮肉配搭原型食材，製作出健康優質嘅肉類食譜，超過 30+ 種多元口味任君選擇，協助主人同小怪獸搵到心目中嘅最佳選擇！
怪獸部落亦都希望透過以上內容，幫助寵物家庭更認識貓狗嘅方方面面，並同我哋一齊見證小怪獸嘅健康與快樂！咁各位小怪獸主人們，我哋下次見啦～
