「買咗成堆罐罐，但主子淨係食嗰幾款，其他掂都唔掂？」
「點解尋日仲食得好地地，今日就完全唔吼？」
主子揀飲擇食（揀嘴）真係搞到各位貓奴好頭痛，呢種習慣究竟係天生，定係後天縱壞咗？
呢篇文章會話你知 幼貓唔食嘢嘅原因同改善方法，幫你嘅貓BB乖乖食飯！
一、想避免主子變揀嘴貓？由細個就要開始！
貓貓係非常聰明嘅動物，一旦食過啲重口味嘅嘢，好可能就會開啟佢嘅揀嘴之路，甚至會懷疑你係咪收埋咗啲「好西」唔畀佢食。建議由細個開始培養：
清淡飲食： 喺罐罐度加少少水撈勻，等貓貓習慣清淡口味。
口味多元化： 唔同口味嘅主食輪流換，等貓貓習慣接受新食物。
二、揭開幼貓揀飲擇食嘅2大主因
（一）過份縱容，縱到主子覺得「唔食就有更好嘅」
太常餵零食，令貓貓覺得「零食好食過正餐」。
或者一見到貓貓唔食嘢就即刻換第二款，導致佢學識「只要我唔食，奴才就會進貢新嘢」。
（二）慣咗食重口味，唔肯再食清淡嘢
經常餵「重口味罐頭」（例如吞拿魚、鯖魚等），導致貓貓唔肯食其他味道較淡嘅肉類（例如雞肉）。
一開始無畀佢試過多種蛋白質來源，導致貓貓對新食物好抗拒。
延伸閱讀：屋企有隻揀嘴貓點算好？了解 4 大挑食原因、7 招令貓咪乖乖食飯！
三、4招令揀嘴貓乖乖食飯
1. 養成清淡飲食習慣
喺主食罐度加水撈勻，等貓貓習慣較淡嘅口味，避免日後因為太鍾意重口味而拒絕食其他嘢。
2. 增加食物多樣性
輪流更換唔同口味、唔同牌子嘅主食罐，等貓貓習慣唔同嘅蛋白質來源，避免養成「非某隻罐唔食」嘅壞習慣。
3. 減少零食，唔好畀佢食到飽
嚴格限制零食份量，零食只可以作為獎勵。確保貓貓唔會因為「食零食食飽咗」而唔食正餐。
4. 定時放飯，限時食飯
固定時間餵食，例如放低15-20分鐘，時間到就收走，唔好長擺。要令貓貓習慣「呢個時間先有飯開」，而唔係「我想幾時食就幾時食」。
四、改善揀嘴問題關鍵：揀啱真正適合貓貓嘅食物！
寶寶鮮肉主食糧
👉 解決揀嘴問題！幼貓鮮肉糧｜BB貓嘅第一啖好肉 – 怪獸部落
寶寶無膠主食罐
試下鮮嫩慕絲，等揀嘴貓愛上食飯！寶寶無膠主食罐｜腸胃免疫加強配方 – 怪獸部落
📌 照顧揀嘴貓小貼士
- 定時定量餵食，避免隨時放長糧或畀零食，等貓貓對正餐更有期待。
- 嘗試唔同質地（肉泥、肉絲、肉塊）同蛋白質來源，搵出主子最愛嘅口感。
- 確保食物新鮮，可以將罐頭微微加熱，提升香氣，刺激食慾。
💡 揀啱食物，你嘅貓仔都可以唔再揀飲擇食，食得開心又健康！
你可能仲想睇......
【新手貓奴懶人包】
【香港養貓須知全攻略】新手主人必備用品＋飼養注意事項一次睇清
2025香港貓絕育懶人包：公貓母貓絕育價錢、最佳年齡與注意事項
2025幼貓罐頭推介，幼貓濕糧/主食罐邊隻好？5大品牌全面比較