上半身放鬆要有靠山（例如人類嘅膊頭、手臂位） 手一定要托住佢下半身（唔好等佢對腳吊吊揈） 呢種方式可以好穩咁固定住主子，加上你掌握住佢嘅下半身，貓貓就無咁容易用後腳踢到你。 因為貓貓個身好軟熟，只要你力道啱啱好，唔使驚呢個姿勢會整親佢㗎～ 有啲主子係「上膊控」！遇到鍾意上膊嘅貓，為咗廢事佢突然跳上嚟抓傷你，你可以將膊頭放低到合適高度，等佢扶穩之後你再托住佢屎忽。 為咗防止佢突然「跳樓」或者驚親，另一隻手記得要輕輕撳實佢個身呀！ 想放返佢落地？只要扶住佢個身，成個人向前傾，等佢接近倒地嗰陣，佢就會自己轉返正行開㗎喇～ 呢種抱法唔單止令貓貓極度無安全感，仲好大機會對關節造成傷害！ 畀主子有一種「腳踏實地」嘅支撐感好緊要。要避免令佢覺得自己喺空中「掛住咗」。一旦佢覺得唔穩陣，對後腳就會開始周圍搵著陸點、亂喐亂踢，好容易就會抓傷奴才㗎喇！ 先畀個安心嘅答案你：主子唔畀你抱，絕大多數情況下都唔係因為唔愛你。 更多係因為佢哋嘅天性、性格同埋我哋嘅互動方式出咗問題。一齊嚟聽吓主子嘅心聲： 喺演化過程入面，貓貓既係獵人，亦係獵物。 當佢哋四腳離地、被抱到高一高嗰陣，會瞬間覺得失去咗身體控制權同埋走位路線。呢樣會觸發佢哋深層嘅防衛本能，令佢哋覺得好脆弱、好無安全感。 對佢哋嚟講，呢個係一個危險信號，所以本能反應就係想掙脫，返去可以自由活動嘅地面。 同人一樣，每隻貓嘅性格都好唔同： 有啲係「抱抱控」：天生鍾意被擁抱嘅親密感（例如布偶貓）。 有啲係「純陪伴」：佢好愛你，鍾意跟住你、用頭頂你、同你瞓，但佢就係唔鍾意被束縛住個身。 佢唔畀抱，可能純粹係因為性格係咁，佢鍾意用其他方式去表達對你嘅愛呀。 延伸閱讀：布偶貓會變色？拆解毛色變化成因、性格特徵同常見缺點！ – 怪獸部落 如果主子以前有過唔好嘅被抱經驗，例如： 曾經被粗魯咁抱起，或者唔小心跌過落嚟。 每次被抱起就係要睇醫生、剪指甲或者餵藥。 細個嗰陣無被溫柔咁抱慣（缺乏社會化）。 呢啲負面連結會令佢哋覺得「被抱 = 衰嘢嚟」，自然會搏命抗拒。 如果抱嘅手勢令主子覺得就快跌，或者勒得太緊，佢都會因為唔舒服而想逃走。 如果主子平時肯畀你抱，但突然變得好抗拒甚至發脾氣，咁就要警惕係咪身體出咗事。 例如關節炎、肚痛或者身上有你見唔到嘅傷口。當你掂到佢或者用特定姿勢抱佢嗰陣，佢會覺得好痛，所以先會拒絕你嘅抱抱。 當你抱住貓貓，而佢不停咁叫，代表佢正喺度直接同你溝通，而呢個訊號通常都係負面嘅。 簡單嚟講，個叫聲可以翻譯成：「放我落嚟呀！我而家好唔舒服／好唔開心，快啲畀返自由我！」 呢個已經唔係暗示，而係明確嘅口頭抗議喇。 主子抱住叫，係佢用最後嘅力氣同你講佢嘅底線。奴才請務必「聽明」並「尊重」呢個訊號。當你唔再勉強佢，佢反而會因為信得過你，而更願意主動親近你㗎。 你屋企嗰隻最鍾意邊款「愛嘅抱抱」呢？快啲試吓上面幾種正確抱法啦！
當我哋諗起柯基，腦入面第一個畫面，一定係佢哋嗰個圓咕碌、喐吓喐吓充滿魔性嘅「吐司屎忽」。 佢哋憑住呢個獨一無二嘅背影、燦爛嘅笑容同埋開朗嘅性格，成為咗風靡全球嘅犬界巨星。 柯基全名係威爾斯柯基犬（Welsh Corgi），係源自英國威爾斯地區嘅古老牧牛犬品種。 佢哋咁矮，其實係為咗喺牛群入面穿梭，閃避牛蹄踢過嚟。 佢哋會透過輕輕咬牛腳跟嚟趕牛，係既醒目又勇敢嘅小小工作犬。 而家最常見、人氣最高嘅柯基！ 已故嘅英女皇伊莉莎白二世養嘅就係呢種。 最大特徵：天生短尾或者人工斷尾（而家好多國家已經禁止），所以屁股睇落特別圓、特別翹，好似嚿治癒嘅吐司麵包咁。 樣貌：臉型睇落似狐狸，耳仔比較尖而且排得比較埋，身形線條比較直。 性格：通常比較外向、活潑、鍾意玩。 呢種係更古老嘅品種，歷史耐過潘布魯克好多。 最大特徵：有一條長長、好似狐狸咁嘅尾巴。 樣貌：骨架比潘布魯克大啲、壯啲，耳仔都比較大同圓，前腳會有少少向外彎。 性格：通常比較沉穩、內斂少少，但一樣咁忠心同醒目。 我哋印象中嘅柯基都係圓屁股、無尾巴。 但你可能唔知，柯基並唔係天生就無尾巴。嗰個標誌性嘅短尾，其實多數係人為斷尾嘅結果。 雖然有一部分潘布魯克柯基帶有天生短尾基因，出世嗰陣尾巴就好短甚至無。 但記住，卡提根柯基係天生有條狐狸長尾巴㗎！ 柯基屬於中小型犬，但肌肉好實淨。最明顯嘅特徵就係「身長腳短」，簡直係犬界嘅加長版低底盤跑車。 身高： 肩高大約 25 到 30 厘米。 體重： 成犬標準大約 10 到 14 公斤。 佢哋有厚實嘅雙層毛。外層係防水嘅粗毛，內層就係軟綿綿嘅保暖絨毛。 最常見嘅色係黃白色、三色（黑黃白），而卡提根就有更多色，例如好特別嘅虎斑色。 柯基嘅智商排名喺狗狗界前 20 名，學嘢好快，但就係因為太醒，佢哋好有「主見」。 當佢覺得件事唔合理或者佢唔想做，佢就會發揮驚人嘅「硬頸」本性，扮聽唔到指令，或者用佢嘅方式同你「講道理」。 佢哋骨子裏有牧牛基因，所以天生就好有自信，有時仲有啲「管家婆」性格。 佢哋可能會試圖「管理」屋企嘅細路或者其他寵物，奴才一定要建立清晰嘅家規先至鎮得住佢哋。 佢哋對屋企有好深嘅歸屬感，係標準嘅「跟屁蟲」。無論你去廚房、客廳定廁所，佢哋都想留喺你視線範圍內，昅實你每一舉一動。 柯基係天生嘅社交高手，對世界充滿好奇，對人亦都好友善。 佢哋塊臉好似永遠掛住燦爛笑容咁，係屋企嘅開心果。 柯基警覺性極高，聽覺好靈敏。 門鐘聲、車聲、鄰居行路聲，都可能觸發佢哋嘅「警報系統」，用超大聲、穿透力強嘅吠聲話你知「有狀況！」 . .
各位奴才知唔知，主子啲肉球除咗可愛到犯規之外，仲有好多超得意嘅小秘密？ 由嗰陣獨特嘅味、實用嘅功能到複雜嘅構造，每一個細節都絕對值得我哋去「考古」了解吓。 你有無試過趁主子瞓覺嗰陣，偷偷哋聞吓佢啲肉球呢？ 其實每隻貓嘅肉球味都唔同，主要係受下面呢幾個因素影響： 汗腺：貓貓全身得肉球有汗腺，分泌出嚟嘅汗液會帶住一種獨特嘅氣味。 環境：主子喺屋企行嚟行去，肉球會吸收咗地面同埋周圍環境嘅味。 口水：貓貓好鍾意洗面洗手，成日舔爪會令肉球留低咗啲唾液味。 自然體味：每隻貓都有自己專屬嘅麝香味，肉球當然都唔例外！ 通常大家都會覺得陣味似「發酵咗嘅麵包」或者「爆谷味」，呢個其實係微生物喺肉球上面「開 Party」發酵出嚟嘅結果，聽落係咪好神奇呢？ 貓掌主要有以下 5 大超能力： 避震與保護：肉球就好似波鞋嘅氣墊咁，可以吸收衝擊力，保護主子嘅骨頭同關節，特別係跳高跳低嗰陣。 防滑與行走：肉球提供咗好好嘅摩擦力，等佢哋喺滑溜溜嘅地板上面行得穩，唔會變做「溜冰貓」。 靜音狩獵：肉球可以令腳步聲收得好細，幫佢哋喺捕獵嗰陣做到「無聲無息」。 最強感應器：入面有無數嘅神經末梢，可以感應溫度、壓力同埋物件嘅質地，幫佢哋探索呢個世界。 散熱排汗：雖然貓貓主要靠條脷散熱，但肉球上面嘅汗腺喺天氣熱嗰陣都會幫手排汗，調節體溫。 💡 由於肉球係重要嘅散熱位，夏天如果要幫主子降溫，記得要先幫佢哋剪腳底毛呀！ 延伸閱讀：貓咪吐條脷代表乜？係放鬆定係身體出咗事？ 肉球嘅設計非常精準，先可以令主子手掌咁靈活。主要由以下幾個部分組成： 掌墊：喺手掌中間最厚嗰塊，係主力避震位。 指墊：即係嗰幾粒好似腳趾仔咁嘅細肉球。 腕墊：呢粒肉球喺掌墊上面少少，幫手增加抓地力，特別係跳躍嗰陣。 爪子：每個腳趾都有個可以伸縮嘅利爪，用嚟爬樹、防禦或者「整死」獵物。 神經末梢：分佈喺全個肉球，係佢哋嘅觸覺來源。 肉球顏色係由「黑色素」多寡嚟決定。有個講法係主子個鼻頭咩色，肉球多數都會係類似嘅顏色分佈。大家快啲檢查吓係咪一樣？😍 💡 留意返：黑色素會隨住身體狀況或者環境變化，所以肉球嘅色其實係有機會變㗎！ 我哋可以觀察到一個好得意嘅規律： 黑貓：幾乎 100% 會配返對黑色嘅「黑皮鞋」肉球。 灰貓／藍貓：肉球通常係好高級嘅深灰色。 橘貓：多數係粉紅色，或者帶點橘粉色。 白貓：多數係最少女心嘅粉紅色。 . .
簡單嚟講就係貓貓嘅「腸胃道發炎」，搞到腸胃極度唔舒服。 ⠀⠀⠀ 發病初期： 有肚痛表現 ▶ 腸胃郁得好激烈 ▶ 嘔 ▶ 用力排泄 ▶ 啲屎黏答答又腥又臭 ⠀⠀⠀ 發病後期： 狂嘔 ▶ 持續屙腥臭屎（甚至帶血） ▶ 脫水、體溫升高（可能發燒） 突然轉牌子，或者突然由乾糧轉做濕糧等，因為轉得太急，搞到主子條腸一時適應唔到。 放飯時間唔固定，或者食咗唔新鮮、太油太鹹、難消化或者太刺激嘅嘢。 感染咗病毒好似冠狀病毒咁；或者有寄生蟲（好似蛔蟲、絛蟲、球蟲、鉤蟲等），通通都會引致腸胃炎。 想知【貓咪驅蟲藥點樣揀？】即睇：【貓咪驅蟲藥懶人包】驅蟲藥點揀？費用同功能比較大整理 腹膜炎、胰臟炎、腎病或者肝病，都會影響腸胃功能，搞到主子病發。 延伸閱讀：貓胰臟炎詳細解析：病徵、治療費用、幾耐先會好返？ 延伸閱讀：貓腎病病徵有邊啲？點照顧？腎貓飲食三大需求！ 長時間驚青、精神緊張，都會令腸胃功能失常，最後變腸胃炎。 如果你發現主子無端端嘔又肚痾，第一時間一定要帶去睇醫生做診斷。 腸胃炎成因好多，絕對唔可以自己隨便買藥畀佢食呀！如果確診，通常有呢幾種應對方法： 醫生可能會建議停食一段時間（通常 12-24 小時），等主子個腸胃休息吓。但一定要確保有足夠嘅乾淨水，費事佢脫水。 停食完之後，要慢慢再開始餵食，建議「少量多餐」，唔好畀佢一次食太飽，減低對腸胃嘅刺激。 發病初期，胃脹、嘔同肚痾會好嚴重，醫生會開藥嚟紓緩呢啲病徵。 如果係寄生蟲引起，就要用埋驅蟲藥。 痾得太勁、嘔得太犀利會流失好多營養同水分。醫生會幫主子補充葡萄糖、鹽水或者維他命。 呢份 List 係畀奴才們參考用嘅，特別啱腸胃炎、肚痾緊或者術後恢復期嘅貓。不過老話一句：每隻貓嘅體質都唔同，有疑問一定要問獸醫呀！ 可以優先揀一啲低敏、無膠、用純肉整成嘅主食罐。 呢類罐頭成分通常好簡單，無增稠劑、膠質或者其他化學添加物，對腸胃刺激細啲，亦都易消化啲。 有啲牌子會標榜**「單一肉源」**，例如淨雞肉、淨鴨肉。對病緊嘅貓嚟講，可以減輕負擔，亦無咁易引起過敏反應。 呢種罐頭最大優點包括： 唔使自己煮，一開就食得 營養密度夠，性質溫和唔刺激 啱晒腸胃敏感，或者大病初癒想追返食慾嘅貓 當然啦，記得睇清楚成分表，有啲標榜「肉泥」嘅罐頭其實收埋咗好多膠或者香料，嗰啲腸胃炎期間就唔好食喇。 請參考：貓用｜1 種肉低敏無膠主食罐 | 98% 肉含量 | 無膠無穀 – . .
本文用詞遵循寵物食品相關規範審慎調整，盡可能清楚傳達資訊嘅同時，避免使用可能產生誤解嘅詞語，感謝家長嘅體諒同理解！ 準備幫狗狗做手術？無論係簡單嘅結紮、洗牙，定係重大手術，術前同術後嘅照護都係非常關鍵嘅。 正確嘅準備同術後照顧可以有效降低風險，幫主子快啲復原。 呢篇文會帶你了解狗狗手術前嘅準備要點，同埋術後照顧嘅三大重點，等你成為最有準備嘅「奴才」，畀最好嘅支持毛孩！ 各位家長先唔使咁擔心，即刻嚟睇下狗狗手術前、後有咩要注意啦～ 狗狗手術前要戒口嗎？ 手術之後要點照顧？ 狗狗術後唔肯食嘢點算好？ 手術前嘅準備功夫真係好緊要，無論手術大定細，都要幫毛孩做好萬全準備，避免任何意外發生。所以術前嘅每個細節都絕對唔可以馬虎。 要！驗身費用絕對唔慳得。 狗狗手術之前一定要做健康檢查，特別係麻醉藥可能會對狗狗嘅心臟、呼吸系統帶嚟風險。 建議做埋心臟同血液檢查，了解毛孩嘅健康底子，咁獸醫就可以根據情況調整麻醉藥嘅劑量同方法，減少手術風險。 就算係普通洗牙、結紮手術都要全身麻醉，而麻醉風險會隨住狗狗嘅年紀、體質同身體狀況而改變。評估毛孩當下嘅身體狀況，除咗可以減少併發症發生嘅機會，獸醫亦可以更精準咁決定麻醉方式同藥量。 手術前一晚，狗狗通常需要完全「戒口」，即係禁食同禁水。咁樣可以避免麻醉之後出現嘔吐或者逆流現象，引致肺炎或者呼吸道阻塞。禁食時間要跟足獸醫嘅建議呀。 因為麻醉藥可能會有噁心、想嘔嘅副作用，如果胃入面仲有嘢食或水，好容易會因為嘔吐或逆流搞到入咗肺變肺炎，嚴重嘅話會造成呼吸道阻塞而無咗條命。 ※ 有啲主子會趁奴才唔覺走去廁所搵水飲，家長一定要留意廁所門同廁所板（馬桶蓋）有無關好呀！ 手術後嘅狗狗需要一個好安靜嘅環境嚟抖吓，所以要確保屋企乾淨，避免太多細菌。記得清潔主子平時活動嘅地方，特別係佢張床同埋平時鍾意捐去嘅角落。 有啲狗狗術後會因為唔舒服或者驚，而匿入床底、梳化底等隱蔽位，建議手術前先將環境同埋日用品徹底清掃、消毒，防止灰塵或者細菌令傷口感染。 手術之前最好先幫狗狗剪指甲，咁樣可以避免佢術後唔小心勾到啲紗布或者繃帶，整痛自己就麻煩喇。 手術之後會先留喺診所觀察一段時間，等毛孩完全清醒、身體無大礙，醫護人員先會通知你去接佢。 狗狗返到屋企除咗需要戴上「喇叭」（防舔頭套）、按時食醫生開嘅藥之外，仲要注意咩事呢？完善嘅術後照顧可以降低感染風險，令傷口好得快啲呀！ 術後嘅狗狗可能已經好耐無食嘢，建議先畀少量水。觀察到主子無任何嘔吐或異常反應之後，先至少量多餐咁畀啲營養均衡嘅嘢食佢，咁樣可以避免腸胃唔適應。 一定要跟足獸醫吩咐準時食藥或者搽藥，咁樣先可以減少感染機會。同時，家長要隨時檢查主子嘅傷口，如果見到紅腫得好厲害、有異常滲出物或者縫線鬆咗，就要即刻帶佢返去搵醫生。 如果傷口傳出臭味、有膿、嚴重紅腫或者爆線，一定要即刻睇醫生！狗狗手術後 7－10 日內唔可以沖涼、唔可以掂水，一定要保持傷口乾爽。 多狗家庭要特別留意，需要畀術後嘅狗狗一個獨立嘅休息空間，避免佢哋追逐、玩耍嗰陣令傷口爆開或者感染。隔離啲唔使養傷嘅狗，主子先可以安心休養。 有啲狗狗術後係一定要關籠嘅（例如：骨折手術、心絲蟲治療、或者性格太過激動嘅毛孩），獸醫如果叫咗要關籠休養，各位奴才絕對唔可以心軟！ 如果一時心軟畀狗狗周圍跑、跳上跳落，好容易會令傷口爆線，後果好嚴重。 呢段時間盡量減少出街，如果一定要出街屙尿，見到濕嘅地方要兜路行，屙完即刻返屋企。 毛孩覺得傷口唔舒服就會想去舔或者抓，但係主子個嘴充滿細菌，舔傷口會導致發炎、潰爛甚至細菌感染。如果縫線被佢舔斷咗而你又唔知，傷口暴露喺出面會好危險。 所以絕對要戴好個頭套直到拆線為止！如果覺得膠頭套太硬唔舒服，可以買啲質地柔軟嘅棉質頭套。 ※ 狗狗頸部同頭套之間要預留一至兩隻手指位，唔好勒得太緊呀！ 一般嚟講，狗狗手術後 1 日之內就可以進食。夠營養對術後恢復真係好緊要！ 狗狗手術前已經空肚咗好耐，術後需要體力同免疫力去打仗，但主子可能因為心理壓力或者身體唔舒服而無胃口。呢個時候可以試下： 戴住頭套食嘢係好唔方便嘅，奴才可以用手拎住個碗嚟餵，或者暫時除一除頭套（但你一定要喺旁邊昅實，費事佢趁機舔傷口）。 加少少魚鬆、肉鬆或者主子平時最愛嘅配料 將嘢食稍微加熱，將陣肉香味迫出嚟 稍微增加蛋白質同脂肪比例 >> 狗狗絕對唔食得嘅禁忌食物！食咗會中毒！？ 術後需要足夠熱量同蛋白質嚟修補細胞，例如：牛肉同新鮮嘅魚類。 就算頭兩招都無效，家長都唔好灰心！可以揀啲高營養密度嘅主食，就算主子食得少，都可以滿足到基本熱量需求。 ． 牛肉 蛋白質豐富，仲有鐵、鋅、鎂等營養，有助傷口修復同埋補血。 ． . .
． 10 Homemade Cat Food Recipes Every Cat Will Love – hepper ．Can kittens eat baby food meat? – every thin what
當你發現屋企隻貓成日出入貓砂盆，蹲咗好耐都屙唔出滴尿，甚至發出好痛苦嘅叫聲嗰陣，請務必打醒十二分精神！ 呢個唔係貓貓便秘，亦都唔係佢鬧脾氣，而係致死率極高嘅**「尿道阻塞」**急症。貓咪尿唔出係獸醫急診室最常見、亦係最危險嘅狀況之一。 一旦尿液排唔走，體內嘅毒素會喺短時間內積聚，進而引發急性腎衰竭。 如果你見到有以下任何一個情況，請當做急症處理： 係咁出入貓砂盆： 一直跑廁所，每次都蹲好耐，但砂盆入面得幾滴尿或者乾爭爭。 狂舔生殖器： 因為痛或者有異物感，貓貓會不停舔尿道口。 排尿姿勢怪異： 肚仔明顯用力抽動、背脊拱起，甚至喺砂盆出面亂屙。 痛苦慘叫： 屙尿（或者想屙）嗰陣傳出低沉嘅哀鳴。 伴隨嘔吐（死亡警號）： 如果出現嘔吐，通常代表腎指數已經爆晒錶，引發尿毒症反應，呢個係極度危險嘅訊號！ 無厘神氣、匿埋一邊： 唔理人、唔食唔飲，摸佢個肚仲會發脾氣。 答案係：會死，而且快到你唔信。 12–24 小時： 貓貓會覺得膀胱脹到極痛、好焦慮，腎功能已經開始受損。 24–48 小時： 體內毒素飆升，出現離子失衡、代謝性酸中毒。呢個時候貓貓可能已經開始昏迷。 超過 48 小時： 極高機率因為尿毒症或者心臟停頓而死亡。 通常同公貓嘅生理構造有關。公貓條尿道又幼又長，去到尾端（陰莖位）仲會變到仲窄。所以佢哋好容易因為尿結晶、結石、尿道栓子或者尿道痙攣而導致「完全塞死」。 母貓尿道比較闊同短，好少會發生「物理性完全塞死」。如果母貓排尿困難、成日去廁所或者有血尿，多數係膀胱炎或者嚴重細菌感染。 延伸閱讀：貓咪膀胱炎病徵有邊啲？成因、治療同日常護理全解析 請記住呢句鐵則：「如果係完全塞住咗，喺屋企係無任何偏方救到，必須即刻送院導尿。」 網上面可能有人教幫貓按摩膀胱排尿，但對於「阻塞型」嘅貓嚟講，呢個係致命嘅錯誤！ 危險 1：膀胱爆裂 – 夾硬擠會搞到膀胱壁直接爆開，尿液流晒入腹腔引發腹膜炎，即時攞命。 危險 2：尿液逆流 – 壓力會令尿液倒流返去腎臟，加劇腎衰竭。 危險 3：發炎仲嚴重 – . .