蟲癭果貓咪食得嗎？點解會令貓貓咁瘋狂？
相信各位貓奴都知道貓草可以幫貓貓紓壓，但原來仲有一種天然果實可以令貓貓開心到反肚，嗰個就係蟲癭（粵音：影）果啦！
蟲癭果英文係 “Insect Gall Fruit”，係木天蓼（Sliver Vine）開花嗰陣，吸引咗昆蟲去花苞度產卵，產生「蟲癭」作用之後生出嚟嘅果實。佢表面凹凸不平，而且成分同正常果實唔同，所以就有呢個名。
蟲癭果同木天蓼都可以令貓貓愛不釋手，但蟲癭果嘅效果會更加好，因為入面含有濃度好高嘅「生物鹼」，可以令貓貓感到放鬆、開心，甚至被稱作係貓咪嘅萬能藥添！
蟲癭果功效有邊啲？用法超級多！
（一）提高食嘢嘅意欲
對於偏食或者無咩胃口嘅貓貓，可以將蟲癭果啪碎撈落糧度，增加貓貓被吸引行埋去食嘢嘅機率，進一步鼓勵佢哋開餐。
（二）幫助適應環境
蟲癭果可以幫到啱啱搬屋，或者經歷屋企多咗人、環境有變動嘅貓貓，減少因為改變帶嚟嘅焦慮感，等貓貓可以快啲搵到自己嘅舒適圈。
（三）降低緊張同焦慮
好多貓貓喺面對陌生人、搭車出街嗰陣會覺得不安，而蟲癭果就可以令貓貓喺呢啲情境下放鬆少少，降低緊張同焦慮嘅心情。
蟲癭果邊啲貓咪食得？幼貓可以食嗎？
基本上所有年紀嘅貓貓都可以食蟲癭果㗎！
至於幼貓（貓 B）就建議滿 6 個月大以上先好食，因為蟲癭果對身體仲未完全發育好嘅幼貓嚟講，可能起唔到咩作用。
不過每隻貓對蟲癭果入面嘅生物鹼反應都唔同，如果貓貓對蟲癭果無咩太大興趣，其實都係正常現象，主人們唔使太過擔心。
蟲癭果點樣食？食得多有無副作用？
以 怪獸部落快樂凍乾蟲癭果 為例，將原粒蟲癭果整成凍乾，體積夠大而且質地鬆脆，降低咗吞錯哽親嘅風險，好適合畀貓貓食或者當玩具玩，而主人們可以試吓以下呢幾種用法：
- 原粒碌嚟碌去當玩具玩
- 原粒咬嚟磨牙（主人要喺側邊睇住）
- 啪碎一細塊畀佢食（主人要喺側邊睇住）
- 磨成粉末撈落糧或者水度食
蟲癭果對貓貓係無害嘅，但都建議唔好一次過畀太多。如果玩／食得太密，可能會短暫減弱蟲癭果嘅效果，建議 1 個星期畀貓貓 2～3 次，1 次畀 1～2 粒就夠晒啦。如果想令貓貓快樂紓壓，怪獸部落快樂凍乾蟲癭果絕對係主人們嘅最佳選擇！
你可能仲想睇......
參考資料
- https://www.linkedin.com/pulse/what-gall-fruit-any-effect-does-have-cats-maggie-han
- https://www.petmd.com/cat/general-health/silver-vine-plant-alternative-catnip
- https://pansci.asia/archives/357129