貓濕糧係咩嚟？同乾糧有咩分別？
「貓濕糧」指嘅係質地濕潤嘅貓貓食物，同乾糧最大分別就係水份含量。乾糧平均只含有 6-10% 水份，而濕糧就有 70-85%，所以對於天生唔鍾意飲水嘅貓貓嚟講，食濕糧係一個非常好嘅補水方法！
另外，濕糧通常肉香濃郁，對嗅覺靈敏嘅貓貓有更大吸引力。對於牙齒唔好嘅幼貓、老貓或者身體虛弱嘅貓貓，都更容易進食，係一款大部分貓貓都唔會抗拒嘅主食。
貓濕糧有幾多種？3 大種類特色大不同！
想畀貓貓轉食濕糧，就要先了解濕糧有邊幾種。基本上可以分為以下 3 大類：
（一）貓罐頭
貓罐頭係貓濕糧嘅經典代表，未開封時方便儲存又容易買到，係大多數主人嘅首選。
特色係種類、質地多元化，例如怪獸部落有為鍾意舔食嘅貓貓開發嘅 開胃慕斯主食罐，亦有專為鍾意大啖食肉嘅貓貓而設嘅 無膠鮮肉煲 副食罐，可以滿足唔同喜好嘅主子！
（二）貓鮮食
貓鮮食強調天然、少加工，口感同營養都更貼近自然飲食。鮮食通常由主人自製，或購買經過專業營養師設計嘅鮮食包。
鮮食可以為貓貓提供更高嘅水份，同時減少人造添加物，適合追求健康飲食嘅主人。記住鮮食需要雪藏保鮮，確保食材新鮮！
（三）貓生食
生肉糧提倡回歸貓貓作為獵食者嘅原始飲食，使用新鮮生肉、內臟等食材，再配搭必需嘅營養補充品。
但貓生食需要極嚴格嘅衛生控制，避免細菌同寄生蟲風險。如果想挑戰，建議一定要先諮詢獸醫或寵物營養師意見！
貓濕糧有咩壞處或挑戰？
雖然濕糧好處多，但都有啲「貓濕糧壞處」或者話挑戰係主人需要考慮嘅：
- 價錢較貴： 無論係主食罐定鮮食，每日開支通常都比乾糧高。
- 保存唔方便： 貓濕糧開封後唔可以長時間擺喺室溫，食唔晒就要即刻放入雪櫃，而且要喺24小時內食完，比較麻煩。
- 容易縱壞嘴： 因為濕糧通常比乾糧香口，有啲貓貓食慣咗就唔肯再食乾糧，變得更揀嘴。
- 對牙齒健康冇幫助： 濕糧質地軟，冇辦法好似乾糧咁透過咀嚼摩擦去清潔牙齒，主人需要更勤力幫貓貓刷牙。
貓罐頭點樣餵？乾濕糧配搭好處多！
好多主人都會畀貓貓食濕糧，但如果遇到主子揀嘴，或者開咗罐食唔晒，就會有唔易存放等缺點，呢個時候可以點算？
唔使驚！其實濕糧唔係得一種餵法，以下提供 2 種「乾濕糧配搭」嘅方法，可以同時享受到濕糧同乾糧嘅好處！
（一）乾糧溝濕糧一齊食
如果主子特別揀嘴，對罐頭冇興趣，對乾糧又藐嘴藐舌，主人可以考慮將乾糧溝入罐頭、鮮食等濕糧種類畀貓貓試下。
例如 無膠鮮肉煲 呢類湯罐就特別適合用嚟撈乾糧，適量混合可以增加香氣同適口性，被湯汁浸軟後嘅乾糧亦好適合唔同年紀嘅貓貓食！
【小貼士：貓罐頭加水】
如果想再增加水份，可以喺貓罐頭度加少少暖水撈勻，令水份攝取最大化，不過有啲貓可能會覺得味道變淡而唔鍾意。
但要注意，乾糧同濕糧嘅保質期差好遠，溝埋之後最好畀貓貓喺半個鐘內食完。
（二）乾糧、濕糧分開食
試過餵濕糧嘅主人都知，開封後嘅濕糧比乾糧難保存好多！
因此亦衍生出「分開食」嘅方法，就係有人喺屋企嗰陣餵濕糧，返工或出街就擺低乾糧。咁樣一嚟唔怕濕糧擺太耐變壞，二嚟亦容易計算乾濕糧嘅比例同營養攝取量。
究竟要用邊種餵法，建議主人觀察貓貓喜好嚟決定，只要主子肯食又健健康康，就係最適合嘅餵食方法！
貓濕糧常見問題 Q&A
（一）貓貓可唔可以每日淨係食濕糧？
可以，但一定要揀啱「主食」級數嘅濕糧！
無論係主食罐、鮮食定生食，都要注意有冇根據國際營養標準設計，例如 無膠主食罐 就一定會標示符合 AAFCO/NRC 營養標準，咁先可以確保貓貓攝取到足夠嘅全面營養。
千祈唔好將「副食罐」當正餐，如果唔係貓貓飲夠水，但營養就失衡喇！
（二）貓濕糧可以擺幾耐？食幾多？
貓貓要食幾多濕糧會根據唔同產品而定，通常包裝上都會有建議餵食量，以 1種肉低敏無膠主食罐 為例：
| 體重 | 3～5 kg | 5～8 kg |
| 細罐 82g | 1.5～2罐 / 每日 | 2～3 罐 / 每日 |
| 大罐 165g | 0.7～1罐 / 每日 | 1～1.5 罐 / 每日 |
以上份量要根據貓貓年齡、體重、活動力或身體狀況再調整，想知得更準確，可以同獸醫一齊傾！
開封後嘅罐頭最好趁新鮮食完，盡量喺室溫下 2 小時內食晒。食唔晒就要用蓋封好再放入雪櫃，第二日一定要食完，如果唔係好易變味變質。
想畀貓貓試下濕糧，不如由呢度開始！
睇完好心動，都想畀貓貓試下濕糧？強烈建議各位主人可以由最易入手嘅罐頭開始！
怪獸部落提供多款口味、質地嘅主副食罐，每一款都揀選新鮮原肉，並通過ISO14001、ISO22000 及 HACCP 認證工廠製作，以及第三方定期檢驗合格，幫主人同主子把關品質，將最滋味嘅優質罐罐送到每個寵物家庭，總有一款啱你心水～快啲嚟揀下啦！
