一、貴婦狗英文名，其實係獵犬出身！
貴婦狗（又叫貴婦犬、Poodle）外形優雅、毛髮捲曲，好多人以為佢哋嬌生慣養；但其實貴婦狗喺古代係出名嘅獵犬，身手唔少得。
貴婦狗英文係“Poodle”，源自德文表示「水花飛濺」嘅“Pudel” / “Pudelin”。
早喺 500 年前，標準貴婦狗就係專責落水撈回獵物嘅「水獵犬」，英文名都呼應緊呢段輝煌歷史，非常有意思。
想再知貴婦狗嘅智商、性格、體型分類同照顧重點？繼續睇落去啦！
二、貴婦犬外觀同毛色
貴婦犬最吸引，就係佢哋優雅嘅身段同獨特捲毛。
濃密、有彈性嘅單層毛令外觀更高貴。
而且掉毛量相對少，對過敏體質嘅家庭比較友善。
貴婦狗經典特徵
毛髮捲曲貼服、身形勻稱，四肢修長；行路姿態輕盈、有氣質。
毛質易於造型，常見有「泰迪裝」、「小獅子裝」等，多變又討好。
貴婦狗毛色
貴婦狗毛色選擇非常多，常見純色包括黑、白、奶油、杏、紅、棕、灰等。
紅、杏色因為顏色鮮明特別受歡迎；而灰 / 銀色通常會隨年紀慢慢變淺，變化有驚喜。
三、貴婦狗智商有幾高？小型犬榜首！
貴婦狗智商喺犬種中排第 2，僅次邊境牧羊犬；喺小型犬入面更加係榜首。
好多貴婦狗聰明程度堪比2–3 歲小朋友，學新指令平均重複約 5 次就識，服從率可達 95% 以上，相當醒目。
延伸閱讀：邊境牧羊犬好唔好養？性格特徵同飼養重點
四、貴婦狗有 4 種體型！大小可差到 20 倍？
貴婦狗按身高、體重分為標準貴婦、迷你貴婦、玩具貴婦、茶杯貴婦。
一齊睇吓 4 個體型有咩分別：
（一）標準貴婦
體重約 20–30 公斤，肩高超過 38 公分。
體型較大，亦有人叫「巨型貴婦」。
（二）迷你貴婦
體重約 6–10 公斤，肩高約 28–38 公分。
係香港好常見嘅體型。
（三）玩具貴婦
體重約 3–5 公斤，肩高約 24–28 公分。
香港亦非常普遍，外形細隻可愛。
（四）茶杯貴婦
體重約 1.5–2 公斤，肩高約 16–23 公分；體型極細，但健康風險較高，要特別小心。
一般嚟講，貴婦狗大約6–9 個月會定型（小型通常更早）。期間可以留意生長速度去判斷。
想比較【貴婦 vs 比熊】？比熊適合家庭？比熊與貴婦狗有咩分別？性格與照顧指南
五、貴婦狗性格點樣？忠誠、友善係標配！
唔同體型、年紀會有少少差異：標準貴婦多數較穩重；玩具、迷你貴婦會活潑啲。
不過大致上都有以下共通點：
（一）極度聰明，易訓練
學習速度快、服從度高，係訓練師眼中嘅模範生；亦常見於服務犬、治療犬。
（二）親人友善，適合家庭
性格開朗，鍾意同人互動，普遍可以同小朋友相處得好。
（三）忠誠黏人，情感豐富
好識察覺主人情緒，容易建立深厚連結；總結即係「聰明、活潑、友善、忠誠」。
六、貴婦狗缺點要知：敏感纖細，要多啲照顧
考慮養貴婦狗之前，以下挑戰都要有心理準備：
（一）美容需求高
雖然幾乎唔太掉毛，但捲毛需要定期修剪、護理。
一般每4–8 星期要大美容；部份長得快嘅，2 星期就要修一修。時間同金錢成本都要計埋。
（二）需要大量陪伴
比較敏感，易受噪音或陌生環境影響；如果長期無人陪、運動量不足，可能出現過度吠叫、破壞等行為。
七、貴婦狗壽命有幾長？有紀錄達 20+ 歲
壽命受健康、遺傳、生活習慣、環境等影響；一般平均約12–15 年。
玩具、迷你貴婦通常更長，可達 18 歲或以上；亦有個案記錄超過 20 歲。
八、貴婦狗常見疾病：3 個高風險部位要留神
以下部位較常出現健康問題；早啲預防、定期檢查，先可以養得安心：
（一）眼睛
高齡貴婦常見遺傳性視網膜退化，會逐步影響視力；早期或見夜盲、方向感差，嚴重可致失明。
目前無特效治療，只可以用抗氧化營養延緩。
眼睛照顧重點：
- 定期畀獸醫檢查追蹤視網膜狀況。
- 補充眼睛保健品：例如 OK！葉黃素（葉黃素＋玉米黃素＋魚油＋玻尿酸四合一），支援抗氧化。
（二）耳朵
下垂耳容易焗促同積濕，外耳炎風險較高；或見分泌物多、發臭、痕癢，嚴重影響聽力。
耳朵照顧重點：
- 定期用潔耳液清潔。
- 美容時適度修耳毛，減少反覆發炎機會。
（三）膝蓋
小型犬常見膝關節異位，喺迷你、玩具貴婦特別普遍。膝蓋骨移位可致跛行、痛楚；嚴重要手術。
關節照顧重點：
- 避免經常用後腿直立或過度跳躍。
- 補充關節保健品：例如 OK！軟骨素（軟骨素＋葡萄糖胺＋UC‑II＋膠原蛋白＋蛋白聚醣），維持關節靈活。
延伸閱讀：老狗行路唔穩？狗關節退化預防、照顧同治療
九、貴婦狗 vs 其他品種
| 犬種 | 芝娃娃 | 貴婦狗 | 松鼠狗 |
|---|---|---|---|
| 依賴性 | 好高（勁黐人） | 中等 | 高 |
| 警戒心 | 極高（成日吠） | 低 | 高 |
| 訓練難度 | 中等偏難（固執） | 易訓練 | 普通 |
| 健康問題 | 牙周病、低血糖、氣管塌陷 | 心臟病、關節炎 | 骨折風險 |
| 適合新手？ | ❌ 未必啱 | ✅ 好適合 | ❌ 要有經驗 |
要食好肉，就搵怪獸部落！
怪獸部落由飲食原則出發，堅持用新鮮原肉畀毛孩吸收足夠蛋白同營養，食得健康又開心。
全線配方採用100% 全鮮肉配合原型食材，超過 30+ 種口味畀你揀，幫你同毛孩搵到最啱嗰款。
希望以上內容幫到香港狗主更全面了解貴婦狗，一齊見證毛孩健康成長！
參考資料
- https://www.nylabone.com/dog101/poodle
- https://canna-pet.com/articles/poodle-temperament-personality/
- https://www.thesprucepets.com/poodle-dog-breed-profile-1117988
- https://www.dogster.com/dog-health-care/poodle-lifespan-how-long-do-they-live
- https://www.today.com/news/old-toy-poodle-chichi-dies-24-or-maybe-26-wbna46123108
- https://walkinpets.com/blogs/blog/poodle-health-conditions?srsltid=AfmBOorwGcC6DpIjwFSItl_IU82X3_2zjwOipBuEd6VnWzBs5zqL_BT0