貓貓貧血？牙肉變白、肉球凍冰冰？3 招教你觀察貓咪氣色
2026-03-02
你知唔知？貓貓嘅氣色好壞，雖然同人類比無咁明顯，但其實都係可以從細節睇得出分別㗎！ 例如「肉球、耳仔、牙肉」等等嘅顏色，都可以簡單觀察到佢哋嘅健康狀況！ 而貓貓面青口唇白、氣色唔好嘅常見體虛原因，通常係貧血、低血壓或者血液循環差等等，就等我哋一齊嚟睇吓啦！ 有貧血嘅貓貓活力會明顯下降，可能會成日無晒心機，亦都好容易覺得攰。 肉球可能會摸落凍冰冰，除咗咁，仲可能會出現體重下跌、抖氣辛苦（氣喘）、無胃口等現象㗎！ ⚠提醒：如果屋企貓貓有呢啲明顯情況，一定要盡快帶佢睇獸醫呀！ 延伸閱讀：貓咪抖氣好急、個肚起伏好大？貓呼吸急促應對方法一次睇！ 貓貓貧血嘅原因有好多，可能係天生體質虛弱、營養不良；亦可能係後天影響，例如啱啱生完 BB、嚟緊 M、做完手術、年紀大、病咗。 （例如：感染會吸血嘅寄生蟲、食物中毒等等。） ※ 而身體只要缺乏造血物質（例如：鐵質），就有機會影響紅血球同埋血紅素嘅生成，從而導致貧血。 可以從以下幾個地方觀察有無出現凍冰冰以及蒼白嘅現象㗎！ 血液循環差（即係紅血球運送去到嘅量少咗），就會令到某啲部位顏色變白，而牙肉係最容易睇得到嘅地方。 . .
