貓砂清潔頻率全攻略！
Hi 各位貓奴 / 鏟屎官，你係咪都煩惱過：「貓砂到底要幾耐先換一次？」
唔使驚，今日就同大家一文學識換貓砂嘅最佳時機同方法，幫主子打造一個乾淨又舒服嘅廁所，咁樣唔單止主子開心，成間屋都清新無臭味！
Sale!
Sale!
貓砂要幾耐清一次？(即係鏟屎)
建議每日最少幫主子鏟 1-2 次屎。
最理想就係喺主子上完廁所 1 個鐘內清走啲便便，咁樣唔單止可以避免細菌滋生同臭味問題，仲可以費事個貓砂盤太臭搞到主子唔肯去廁所。
貓砂幾耐要成盤換一次？
除咗日日鏟屎，都建議大約每 2-4 星期就將成盤貓砂換晒，仲要將個貓砂盤徹底刷乾淨、消毒，再倒入全新嘅貓砂。
淨係加返啲新砂係唔夠㗎，因為啲粉塵同細菌會積喺底層，長期唔理可能會影響貓貓嘅呼吸道健康，甚至惹到啲蟲仔。定期成盤換砂，主子去廁所去得安心，你間屋嘅空氣質素都好啲！
貓砂至少要鋪幾厚？
建議鋪到貓砂盤底至少 5cm 深，大約等於 2 隻手指節咁厚。
如果鋪得太薄，啲尿好易會滲到落底，搞到成個盤底都癡立立好難清；但鋪太厚又會好浪費。
夠厚度先可以好好吸水同結團，亦更加方便主子發揮撥砂埋屎嘅天性！
想知點揀貓砂？睇呢篇：貓砂點樣揀？4大貓砂種類完整比較，等主子用得舒服又安心！
豆腐砂 vs 礦物砂，清潔方法大比拼
| 項目 | 豆腐砂 | 礦物砂 |
|---|---|---|
| 成盤換頻率 | 約 2 – 3 星期 | 約 2 – 3 星期 |
| 優點 | 可沖廁所、環保、冇乜塵 | 凝結力強、價錢平啲 |
| 缺點 | 價錢貴啲、天氣濕易發霉 | 粉塵多、好重 |
| 適合邊個 | 屋企空間細、注重環保同氣味嘅人 | 多貓家庭、想慳返啲錢嘅人 |
唔同種類嘅貓砂用法有啲唔同，各位鏟屎官要特別留意：
- 豆腐砂：適合日日鏟完屎尿就咁加返啲新砂，唔需要次次都成盤倒晒。
- 礦物砂：每次清嗰陣要睇真啲盤底有冇積住啲粉或者濕咗嘅結塊，有需要就要成塊剷走再加返夠厚度。
想知更多礦物砂／豆腐砂嘅嘢？可以睇呢度：
Sale!
Sale!
想轉用第二款貓砂可以點做？
如果你打算由豆腐砂轉礦物砂，或者想試下其他牌子同種類嘅貓砂，建議要「循序漸進」一步步嚟，畀主子有足夠時間去適應。
轉砂步驟如下：
- 你可以喺鏟完屎要加新砂嗰陣，慢慢加入少量新砂，一開始比例建議係新砂：舊砂＝1：3。
- 之後每次鏟屎都繼續加新砂，一步步咁樣將比例調整做 2：2、3：1 等等，同時要觀察住主子去廁所嘅反應自唔自然。
- 如果發現主子有抗拒，甚至唔肯去廁所，就要即刻將舊砂比例加返多啲，等主子習慣咗先再慢慢試。
- 最終目標就係成盤換晒做 100% 新砂，喺呢個過程要隨時留意主子有冇唔舒服。
各位鏟屎官要特別留意主子去廁所嘅行為有冇唔同，因為唔肯入砂盤可能係唔鍾意啲砂嘅質地或者氣味，亦可能係身體唔舒服嘅信號，一定要多加留心！
延伸閱讀：
留意換砂頻率，打造舒服嘅廁所環境
管理好貓砂，對維持主子身心健康同衛生都非常重要。當貓貓可以喺舒服嘅環境下去廁所，唔單止可以減少病痛風險，亦可以令佢哋生活得更安心自在。
各位貓奴喺揀貓砂嗰陣，建議綜合考慮主子嘅喜好（例如質地、氣味）、自己嘅清潔習慣、屋企環境（例如會唔會好濕、通唔通風），同埋你嘅Budget，搵出最啱你同主子嘅方法。
只要掌握正確用砂同清潔技巧，唔單止主子開心，成家人都可以同臭味講byebye，一齊打造一個舒服、衛生又有愛嘅屋企！
Sale!
Sale!
你可能仲想睇
要食好肉，就搵怪獸部落！
我哋怪獸部落由深入研究貓狗飲食習慣開始，知道新鮮原肉最能夠畀主子吸收到豐富營養、食得最滋味。
因此，我哋堅持用 100% 全鮮肉配搭原型食材，製作出健康優質嘅肉類食譜，有超過 30幾款唔同口味任你揀，幫咁多位貓奴同主子搵到心目中嘅Best Choice！
我哋亦希望透過以上內容，幫助大家更了解貓貓狗狗嘅大小事，同我哋一齊見證主子嘅健康同快樂！咁各位貓奴，我哋下次再見啦～