松鼠狗起源自邊度？來自冰島嘅雪橇犬
Hi 各位毛孩家長們，今日要嚟傾下有「狗界小巨星」稱號，亦係狐狸犬家族中體型最細最萌嘅松鼠狗（Pomeranian，又稱博美犬）！
松鼠狗嘅祖先源自於冰島，當時係重達 10 公斤以上、負責拉雪橇嘅大型犬，後來先被培育成體型較細嘅品種供人賞玩。
19 世紀時，松鼠狗受到英國維多利亞女王嘅喜愛，佢唔單止親自飼養，仲致力縮細松鼠狗嘅體型，松鼠狗可以一直咁有人氣，一部分都要歸功於佢㗎！
如果你都想更認識佢哋嘅魅力，就嚟了解松鼠狗嘅特徵、個性和照顧指南啦！
松鼠狗顏色有邊啲？特徵體型一次睇！
| 身長（成犬） | 約 17 – 31 cm |
| 體重（成犬） | 約 1 – 4 kg |
| 毛髮 | 濃密雙層毛
有白色、黑色、奶油色、灰色、橙色、藍色、紅色等多樣毛色 |
松鼠狗屬於「小型犬」，係體型最細嘅狗狗品種之一，亦因為具有蓬鬆特色尾巴同尖鼻哥，所以喺香港普遍被稱為「松鼠狗」。
目前松鼠狗並無細分為迷你、茶杯等種類，但根據外觀差異可以大致分為英系、美系 2 種，接下來讓我哋睇睇有咩分別啦！
松鼠狗種類點樣分？英系美系大 PK！
| 種類 | 英系松鼠狗 | 美系松鼠狗 |
| 骨架 | 細 | 大 |
| 五官 | 整體偏尖細 | 整體偏圓潤 |
| 四肢 | 較幼長 | 較粗壯 |
擺埋一齊嗰陣，英系松鼠狗可能會睇落較嬌小，美系松鼠狗則較為大隻少少。
不過並無話邊一隻比較好，因為兩者都屬於正統松鼠狗，個性相似亦都好可愛㗎！
松鼠狗 vs 其他品種狗狗分別？
許多家長常因為松鼠狗嘅樣貌、毛髮類似其他狗狗因而認錯，以下就列出松鼠狗與其他易混淆品種嘅分別，幫助大家更認識松鼠狗嘅特色！
（一）松鼠狗 vs 銀狐犬（狐狸狗）嘅分別？
| 品種 | 松鼠狗 | 銀狐犬 |
| 體型 | 小型犬 | 中小型犬 |
| 嘴巴 | 較短 | 較長 |
| 耳仔 | 較細、直立但形狀多樣 | 較大、呈直立三角型 |
松鼠狗係銀狐犬（Japanese Spitz）嘅近親，因此佢哋都擁有尖嘴、圓潤大眼，笑笑口嘅樣企埋一齊彷彿狗界雙胞胎。
不過整體嚟講，銀狐犬會比松鼠狗體型大一啲，而且松鼠狗嘅嘴巴長度短、銀狐犬嘴巴長度較長；松鼠狗擁有形狀較細嘅耳仔、銀狐犬則係有明顯三角形嘅尖耳仔，呢啲特徵都能幫助家長分辨喔！
（二）松鼠狗 vs 摩天使（馬爾濟斯）分別？
| 品種 | 松鼠狗 | 摩天使 |
| 體型 | 小型犬 | 小型犬 |
| 耳仔 | 直立 | 下垂 |
| 五官 | 整體尖細 | 整體圓潤 |
| 毛髮 | 蓬鬆雙層毛、毛色多樣 | 細軟單層毛、毛色得白色 |
松鼠狗同摩天使（Maltese）同為小型犬，若都有白色毛髮嘅話，望落去會有兩團好似嘅棉花糖喺度跑～
但是從五官嚟睇，松鼠狗無摩天使嘅下垂耳仔及圓潤鼻哥、嘴巴，松鼠狗毛髮亦較摩天使蓬鬆散開，要分辨兩者其實好容易喔！
（三）松鼠狗 vs 柴犬分別？
| 品種 | 松鼠狗 | 柴犬 |
| 體型 | 小型犬 | 中型犬 |
| 眼睛 | 較大、呈圓形 | 較細、呈橢圓形 |
| 耳仔 | 較細 | 較大 |
松鼠狗同柴犬若毛色接近，只睇鼻、嘴部位可能會有啲似，但一旦拉遠睇，體型、眼睛、耳仔形狀就有好大差異！
不過佢哋都係著名「精力充沛」嘅狗狗，跑起步嚟好似陣風咁，都難怪一部分家長會容易搞亂啦～
延伸閱讀：柴犬全面指南：認識你嘅忠誠夥伴！
松鼠狗好養嗎？個性親人智商高！
（一）忠誠黐人
松鼠狗對主人非常忠誠且專一，佢哋鍾意撒嬌，總是希望得到主人嘅關愛同注意。
雖然這使佢哋成為非常親密嘅夥伴，但佢哋亦可能會變得有啲黐身，需要主人花更多時間同佢哋互動。
（二）活潑好動
松鼠狗擁有旺盛嘅好奇心，鍾意四圍探索，動作亦非常敏捷。
佢哋對新鮮事物總是充滿興奮，喜愛跑跳，無論係室內定係戶外，松鼠狗總能活躍喺每個角落，畀屋企帶嚟好多活力。
（三）智商高好易教
松鼠狗嘅智商喺狗界排名第 23 名，算係聰明前段班嚟㗎！
佢哋對人類嘅指令有很高嘅服從度，佢哋能快速掌握基本指令，令訓練變得輕鬆且有趣。
（四）鍾意用叫聲表達
松鼠狗有時可能會顯得有啲神經質，習慣通過吠叫嚟表達憤怒或恐懼。
有此狀況嘅松鼠狗可以及早進行社會化訓練，耐心教導佢哋吠叫同安靜嘅時機，有機會令松鼠狗成為出色嘅看門犬！
松鼠狗壽命？
松鼠狗壽命大約落喺 12 – 16 年，如果身體健康且照顧得宜，亦可能拉長至 18 年以上。
松鼠狗容易病嗎？5 大問題、照顧指南！
以下統整咗 5 大松鼠狗常見健康問題，連同照顧指南都一併記低，讓家長們提前為松鼠狗做好準備！
（一）骨骼、關節問題
松鼠狗骨骼相對細小，容易因外力而造成骨折或甩骹。此外亦可能患上小型犬常見嘅「菠蘿蓋移位（膝蓋骨異位）」，這會導致佢哋行路唔穩或跛腳。
松鼠狗骨骼、關節點樣照顧？
- 諮詢獸醫：若發現松鼠狗行路異常或明顯跛腳，應立即帶佢去睇獸醫，確認係咪菠蘿蓋移位或其他骨骼問題。
- 控制體重：過重嘅松鼠狗會對關節造成額外壓力，容易引發或加重骨骼問題，保持適當體重有助於減少骨骼負擔。
- 避免高處跳躍：為了避免骨折或甩骹，盡量唔好畀松鼠狗從高處跳下，或避免令佢長時間用後腳站立增加負擔。
- 補充關節保健品：適當補充有助於關節健康嘅保健品，如 OK！軟骨素 中含軟骨素＋葡萄糖胺＋UC-II＋膠原蛋白＋蛋白聚醣，有助於長期維護佢哋嘅關節健康。
延伸閱讀：老狗狗行路唔穩？ 狗狗退化性關節炎嘅預防照顧及治療
（二）呼吸道問題
松鼠狗容易出現小型犬常見嘅「氣管塌陷」問題。這係由於氣管軟骨結構異常，導致氣管變窄，從而引發咳嗽、扯氣，甚至呼吸困難。
松鼠狗呼吸道點樣照顧？
- 散步換用胸帶：避免使用頸圈，這會對松鼠狗嘅頸造成過多壓力，容易引起呼吸困難，建議換成胸帶來減輕負擔。
- 避免過度興奮：過度興奮或激烈運動可能令氣管更加壓迫，容易引發呼吸急促，應避免畀松鼠狗進行劇烈運動。
- 定期就醫檢查：如果症狀持續或加重，應盡快帶松鼠狗就醫，獸醫會根據情況提供治療或建議係咪需要進行手術。
延伸閱讀：「小型犬」常被呢啲疾病纏身？
（三）眼睛問題
由於松鼠狗眼睛構造突出，這使得佢哋嘅眼睛更容易受到外界刺激，進而引發眼乾、淚痕問題，亦可能有機率患上白內障等眼疾，嚴重時可能導致失明。
松鼠狗眼睛點樣照顧？
- 定期眼科檢查：當發現眼睛有異常，如過多分泌物、發紅或混濁時，應及時帶松鼠狗畀獸醫治療，並固定進行身體檢查。
- 保持眼部清潔：定期使用專業嘅眼部清潔劑抹眼周，避免淚痕堆積，亦可以修剪眼睛周圍毛髮減少刺激，保持眼部健康。
- 補充眼睛保健品：可適當幫松鼠狗補充眼部保健品，如 OK！葉黃素 內含葉黃素＋玉米黃素＋魚油＋玻尿酸，都為眼睛嘅自我保護能力提供助力。
（四）牙齒問題
由於松鼠狗口腔較細，牙齒容易唔整齊，這令清潔較為困難。
細菌如果堆積過耐，容易形成牙石或牙周病，進而導致口臭、潰爛等問題，嚴重時會影響佢嘅整體健康。
松鼠狗牙齒點樣照顧？
- 定期洗牙：為松鼠狗定期進行專業嘅牙齒清潔，清除牙石，預防牙周病。
- 每日刷牙：養成每日為松鼠狗刷牙嘅習慣，使用寵物專用牙膏同牙刷，保持口腔清潔。
- 給予適量口腔清潔零食：適量提供一啲可以啃食，有助於清潔牙齒嘅零食或玩具，幫助松鼠狗維持口腔健康。
（五）皮膚問題
松鼠狗可能會受到「脫毛症（Alopecia X）」嘅威脅，這種病症嘅發病原因尚不明確，亦唔會發癢，但它會導致皮膚色素暗沉，且失去毛髮嘅皮膚亦容易受到外界刺激。
松鼠狗皮膚點樣照顧？
- 畀獸醫治療：如果觀察到松鼠狗開始甩毛，建議立即讓獸醫檢查，對症治療先係治療脫毛症嘅最佳方法。
- 每日梳毛：松鼠狗有雙層毛，需要每日進行梳理，防止毛髮打結，保持毛髮健康。
- 每週沖涼一次：為松鼠狗每週沖涼，使用專為寵物設計嘅洗毛精，保持皮膚清潔。
- 補充皮毛保健品：適當補充有助於皮毛健康嘅保健品，如 護膚魚油 富含對皮膚、毛髮都極好嘅魚油＋卵磷脂＋水魚蛋，日常補充多重營養，保養皮毛遠離疾病威脅！
松鼠狗價錢幾多？建議以領養代替購買！
也許你因為鍾意松鼠狗，而想知道松鼠狗價錢。不過除咗購買之外，其實亦可以考慮 「以領養代替購買」。
領養不僅能減少繁殖與買賣帶嚟嘅問題，亦能畀流浪動物一個溫暖嘅家，或許唔係每隻浪浪都有名貴血統同華麗外表，但佢哋所帶嚟嘅歡樂與陪伴絕對唔會少！
建議家長喺決定飼養前，不妨先到附近嘅動物收容所或中途之家睇睇，說不定喺與浪浪相遇嘅過程中，就能遇見屬於你嘅命定小怪獸喔！
常見領養管道參考：
- 漁農自然護理署動物管理中心
- 合法民間動物機構或領養日（例如愛護動物協會 SPCA、香港群貓會等）
- 線上領養平台（如 Facebook 領養群組，但要注意來源是否合法、透明）
如果唔知道從邊度開始，亦可以利用網上資源搜尋，就能快速搵到待領養嘅動物與所在嘅機構。
如果真的要購買： 請務必尋找信譽良好、有合法登記、環境乾淨嘅專業貓舍。切勿因貪平而向寵物店或來源不明嘅網絡賣家購買。
松鼠狗適合食咩？這類食物最推薦！
松鼠狗和其他狗狗一樣，都需要食足夠營養及高品質嘅優質主食，先可以維持機能，保持身體健康！至於點樣判斷狗狗乾糧或罐頭係咪優質主食呢？可以觀察係咪具備以下條件：
- 根據 AAFCO/NRC 營養標準設計
- 來源與成分標示清楚
- 無膠、無人工添加物
如同 怪獸部落 犬用1&2種肉無膠主食罐 根據 AAFCO/NRC 營養標準設計，且皆有清楚標示成分、營養素含量，完全不含膠類及人工添加物！
松鼠狗幼犬則可以選擇 犬用寶寶無膠主食罐，專為幼犬生理機能打造嘅配方，好舔食幫助吸收完整營養，從小就打好健康體質！
要食好肉，就搵怪獸部落！
怪獸部落從深入研究貓狗飲食習慣出發，了解到新鮮原肉最能讓小怪獸吸收到豐富營養、食得美味。
因此，我哋致力於使用 100% 全鮮肉搭配原型食材，製作出健康優質嘅肉類食譜，超過 30+ 種多元口味任君挑選，協助家長和小怪獸搵到心中嘅最佳選擇！
怪獸部落也希望透過以上內容，幫助寵物家庭更認識貓狗嘅方方面面，並和我哋一同見證小怪獸嘅健康與快樂！咁各位小怪獸家長們，我哋下次見囉～
參考資料
- https://www.akc.org/dog-breeds/pomeranian/
- https://www.petmd.com/dog/breeds/pomeranian
- https://www.purina.com/dogs/dog-breeds/pomeranian-dog-breed
- https://www.thekennelclub.org.uk/search/breeds-a-to-z/breeds/toy/pomeranian/
- https://www.rover.com/blog/breeds/pomeranian/