貓口炎，全名「貓慢性齒齦口炎 (Feline Chronic Gingivo-Stomatitis, FCGS)」，係一種影響貓貓口腔後部嘅慢性發炎疾病。
特別嘅係，貓口炎並唔係單純嘅牙齦問題，而係貓貓對牙菌膜產生過度免疫反應，導致牙肉、口腔黏膜甚至喉嚨深處都發炎、潰瘍，嚴重時仲可能糜爛。
同一般牙周病唔同，貓口炎只需要少量牙菌膜就可能引發劇烈痛楚，常見於 4 至 17 歲嘅成貓，係好多主人會忽略但需要高度警覺嘅健康問題。
貓口炎症狀有啲咩？呢啲徵兆唔好睇小
貓口炎初期症狀
- 貓牙肉紅腫、有牙石
- 流口水而且有異常口氣，有時帶血絲
- 嘴巴睇落好痛、食嘢有困難、胃口變差
</ux_text]
貓口炎中期症狀
- 口腔發炎範圍擴大，出現潰瘍或糜爛
- 成日抓臉、唔肯擘大口、脾氣暴躁
- 理毛次數減少，毛髮變得粗糙凌亂
貓口炎晚期症狀
- 體重嚴重下降、絕食
- 嘴巴合唔埋，口水不停流
- 一掂塊面就會激烈反抗
雖然主人可以透過觀察初步判斷，但絕對無法取代專業嘅臨床檢查。
如果你發現貓貓有持續口臭、流口水、食嘢困難等問題，請盡快帶佢去獸醫診所接受詳細檢查同治療，及早處理先可以減輕佢嘅痛苦，提升治癒率！
貓口炎成因係咩？原來唔只一個原因
以下係可能導致貓口炎嘅常見原因：
| 原因分類 | 說明 |
|---|---|
| 免疫反應異常 | 對牙菌膜或牙石產生過度反應，造成自身組織發炎 |
| 病毒感染 | 例如貓卡路里西病毒 (FCV)、貓疱疹病毒 (FHV) 等 |
| 細菌感染 | 口腔內細菌過度增生，刺激發炎 |
| 免疫系統相關疾病 | 例如貓愛滋病 (FIV)、貓白血病 (FeLV) |
| 慢性疾病 | 糖尿病、腎病等會影響免疫功能 |
| 牙科問題 | 包括牙周病、牙齒吸收、爛牙腳等 |
| 口腔創傷 | 例如被骨頭拮傷、燙親、化學品灼傷等 |
| 營養不良 | 尤其缺乏維他命B，影響修復同免疫力 |
想知貓貓感染口炎嘅確實原因，一定要由獸醫診斷，先可以對症下藥。
延伸閱讀：
貓口炎點樣診斷？獸醫會做呢啲檢查
- 口腔及牙齒檢查
- 內窺鏡檢查：觀察喉嚨深處
- 抽血檢查：篩查病毒、評估免疫功能
- 牙科X光：觀察牙腳同牙周結構
貓口炎點樣治療？內外科結合效果最好
外科治療
- 洗牙與拔牙：拔走有問題嘅牙齒，清除牙菌膜嘅刺激源頭
- 術後縫合與止痛護理
研究顯示，大約 80% 貓貓喺拔牙後症狀有明顯改善，係目前最有效嘅處理方法之一。
內科治療
- 止痛藥同消炎藥
- 抗生素：控制繼發性細菌感染
- 營養補充品：幫助維持免疫力
貓口炎消炎藥有邊幾種？
| 藥物類型 | 代表藥物 | 功效與注意事項 |
|---|---|---|
| 類固醇 | Prednisolone | 快速抑制發炎，但長期使用有副作用（如糖尿病風險） |
| 非類固醇消炎藥 | Meloxicam 等 | 緩解疼痛與發炎，必須嚴格按照獸醫指示劑量使用 |
| 抗生素 | Amoxicillin、Clindamycin | 抑制細菌感染，預防傷口惡化 |
| 免疫抑制劑 | Cyclosporine 等 | 用於自身免疫引發嘅口炎，需長期監測，價錢較貴 |
| 口腔護理產品 | 酵素凝膠、抗菌噴劑 | 局部舒緩與消炎，改善口腔環境 |
💡提醒：請勿自行用藥，必須嚴格依照獸醫評估同指示先可以使用！
口炎貓點樣食？日常照顧同飲食建議
貓口炎飲食建議與注意事項
唔單止要減少咀嚼難度，仲要避免刺激性食物，確保貓貓可以順利攝取營養、維持體力，幫助身體對抗發炎同進行修復：
| 項目 | 建議內容 |
|---|---|
| 餵食方式 | 主食罐、浸軟嘅乾糧、自製流質食物 |
| 食物質地 | 慕絲狀、肉泥狀、容易吞嚥，避免乾硬同難咬嘅食物 |
| 營養組成 | 高動物性蛋白、Omega-3、維他命B群、鋅，幫助維持身體健康 |
| 適口性 | 優先揀貓貓鍾意食嘅口味同質地，「肯食」先係最重要 |
貓貓食嘢有困難、體重下降？試下 開胃慕斯主食罐，專業水解蛋白技術加上海陸雙拼食譜，營養美味滿分，提供容易舔食嘅質地，幫助貓貓維持正常食慾！
呢度買👉 貓用｜開胃慕斯主食罐
貓口炎日常護理
- 定期清潔口腔：如果貓貓接受到，可以嘗試用酵素牙膏同指套牙刷
- 保持環境安靜舒適：減少壓力，促進身心健康
- 更換同消毒食具：避免細菌殘留
- 定期覆診同做身體檢查：追蹤治療效果
貓口炎會傳染嗎？常見問題 Q&A！
Q1：貓口炎會唔會傳染畀其他貓？
多貓家庭建議將患貓暫時隔離、食具分開，並定期清洗消毒。
Q2：貓口炎有冇得斷尾？
不過仍然有部分貓貓需要長期用藥控制，特別係同自身免疫系統有關嘅口炎。此外，如果口腔清潔做得唔好，都好易復發。
Q3：貓貓有貓口炎會唔會死？會唔會影響壽命？
但如果拖延治療，導致貓貓長期拒食、營養不良或併發其他疾病，就有可能危及生命。
Q4：拔晒牙之後，貓貓仲食唔食到嘢？
建議以濕糧、浸軟嘅乾糧為主，大部分貓貓手術後食嘢情況良好，甚至會因為冇再牙痛而體重上升，有少數康復得好嘅貓貓仲可以食返乾糧。
Q5：可唔可以自己喺屋企醫貓口炎？
貓口炎係一種慢性又複雜嘅疾病，一定要經由獸醫診斷同治療，先可以針對根本原因去處理。
點樣預防貓口炎？由生活習慣做起
- 每日幫貓貓刷牙、清潔牙齒，維持口腔衛生
- 準時打疫苗同杜蟲，減低病毒感染風險
- 定期做身體檢查，把握治療黃金期
- 提供均衡營養，提升身體抵抗力
- 減少生活壓力，營造穩定安全嘅環境
貓口炎雖然難搞，但只要及早發現、配合獸醫治療，再加埋細心嘅日常照顧，都可以大幅改善貓貓嘅生活質素，等佢哋再次享受美食同健康！
參考資料
- https://www.wellpets.com/blog/62-stomatitis-in-cats-diagnosing-and-treating-this-feline-dental-disease/
- https://www.mspca.org/angell_services/feline-stomatitis/
- https://vcahospitals.com/know-your-pet/gingivitis-and-stomatitis-in-cats
- https://www.petmd.com/cat/conditions/mouth/stomatitis-in-cats