貓貓唔食嘢但精神好好？可能有嘢想同你講！
貓貓出名揀飲擇食，平時見到佢哋對住兜糧望都唔望就行開，真係令一眾貓奴又嬲又無奈。
但其實，主子並唔係無緣無故唔食嘢，佢哋可能正透過呢個行為，偷偷地表達緊佢哋嘅情緒，甚至係有說話想同你講！
想主子乖乖食飯，各位貓奴一定要先了解佢哋唔食嘢背後嘅潛在原因，仔細觀察下，可能並唔係純粹揀嘴咁簡單！
（一）食兜唔乾淨、擺放位置唔理想
首先可以檢查下貓貓個食兜周圍係咪太污糟，係咪好耐冇洗搞到有臭味，或者擺放位置同貓砂盤、其他寵物嘅食兜離得太近，以及周圍係咪經常有好大聲好嘈嘅聲音等。呢啲因素都會影響主子嘅用膳體驗，搞到佢哋唔想食飯。
（二）感到焦慮、壓力大
如果貓貓經歷環境改變（例如搬屋）、家庭成員變動（例如有新成員或有人離開），都可能令天性敏感嘅貓貓感到不安。呢啲焦慮會令佢哋壓力大增，唔單止影響行為，亦會令食慾下降。尤其係新貓入屋唔食嘢，好多時都係因為未適應新環境而感到緊張。
（三）對「食飯」有壞印象
貓貓亦可能曾經喺食飯時受過驚嚇、被其他寵物欺凌，甚至被強行餵食過藥物，導致佢哋一靠近食物就會諗起唔好嘅經歷，產生負面連結而拒絕進食。
（四）純粹揀飲擇食
如果排除咗以上情況，咁主子可能真係揀嘴，或者係食開嘅嘢突然被轉咗，覺得唔習慣而暫時唔食。建議主人要耐心啲搵出主子嘅喜好，有需要可以諮詢獸醫協助，相信可以改善到貓貓揀嘴嘅情況！
貓貓唔肯食嘢？小心6種潛在疾病警號！
假如貓貓比起平時，睇落更加冇意欲食嘢，甚至出現冇精神、虛弱等狀態，咁就要小心可能係潛在疾病嘅警號！
好多貓科疾病都會帶嚟隱性嘅痛楚或不適，間接影響到食慾，所以「食慾不振」亦被視為重要嘅疾病徵兆，而且好多時會伴隨其他症狀一齊出現。以下就列出幾種貓唔食嘢可能代表嘅常見疾病：
（一）癌症
癌症可能導致貓貓食慾不振，因為腫瘤會引起強烈不適、痛楚，仲會伴隨體重下降、疲倦、精神差等症狀，令佢哋唔想食嘢。
（二）腎衰竭
當腎臟無法正常運作，體內毒素就會積聚，導致貓貓感到噁心同唔舒服，從而失去食慾。呢個情況下，貓貓經常會出現**貓唔食嘢但飲水量大增、排尿頻繁等症狀，隨住病情惡化，食慾通常會持續下降，尤其老貓唔食嘢**好多時都同腎病有關。
（三）胰臟炎
胰臟發炎會令消化系統變得唔穩定，令貓貓食嘢時感到強烈不適。呢種情況下，食慾不振經常會伴隨嘔吐或疲倦，亦即係貓嘔唔食嘢嘅典型症狀之一，令貓貓顯得更加虛弱。
（四）腸胃問題
腸胃問題（例如腸胃炎、便秘）亦會大大影響貓貓食慾，令佢哋感到肚脹或噁心，呢種唔舒服嘅感覺會令貓貓唔想食飯。常見情況仲包括伴隨嘔吐或排便異常（肚瀉或便秘），都可能引致貓嘔唔食嘢。
（五）口腔問題
當貓貓嘅牙齒、牙肉或口腔黏膜出問題時（例如牙周病、口炎），每次食嘢都可能帶嚟痛楚，因此會逐漸放棄食飯，就算係平時最愛嘅食物都冇興趣。不論係換牙期嘅幼貓唔食嘢，定係牙齒老化嘅老貓唔食嘢，都可能關口腔事。
（六）藥物、疫苗副作用
有時並唔係疾病引致，而係貓貓食完藥或打完疫苗後產生副作用，不良反應包括感到噁心、食慾不振等，嚴重更可能有過敏反應，主人都必須特別留意貓貓嘅狀況！
搞清楚貓貓唔食嘢原因，關鍵2步要跟足！
想主子肯食返嘢，就一定要先搵出背後原因，先可以對症下藥。但上面講咗咁多原因，到底應該由邊度入手呢？
建議各位貓奴一觀察到主子唔食嘢，或者對食飯冇乜心機，都可以跟住以下 2 個步驟去處理：
（一）第一步：立即求醫，排除健康問題
首先，一觀察到唔妥，最好嘅做法一定係立即帶去睇獸醫做詳細檢查，尋求專業醫療協助。
透過檢查，我哋可以先確認貓貓嘅身體狀況，睇下係咪因為有潛在疾病、或對藥物有不良反應而唔想食嘢。如果有病就要積極配合治療；如果冇，就可以排除呢個可能性，進入下一步。
亦建議要安排貓貓定期做身體檢查，尤其係 7 歲以上踏入熟齡/老年期嘅貓貓，可以考慮每半年檢查一次，確保身體健康。
（二）第二步：排除疾病後，由心理同環境入手
如果已經排除咗疾病嘅可能性，咁好可能係貓貓心理上對食嘢有啲「意見」！
最有效嘅方法，絕對係搵出主子唔食嘢背後嘅需求。如果係揀嘴，佢哋可能會畀啲蛛絲馬跡你，例如長期食同一款口味或質地食到厭，一試新嘢就明顯有興趣；或者轉糧覺得唔習慣，試下逐啲逐啲加入去就肯食返。
同時觀察屋企環境有冇改變，或者食兜周圍有冇啲令貓貓唔想行埋去嘅人同事，記錄低再逐一還原返一個令主子安心舒服嘅進食環境。如果情況持續，亦可以試用幫助貓貓舒緩壓力嘅食品或用品，恢復主子嘅食慾！
首推 怪獸部落費洛蒙貓砂，嚴選天然植萃成分，打造模擬貓貓釋放嘅「開心費洛蒙」，透過「貓嘅語言」令佢哋自然感到放鬆、愉快，每次去廁所心情都好一分！
如果想同主子玩下，或者引誘佢食嘢，亦可以試下 怪獸部落 Chill 快樂蟲癭果，將天然植物果實「蟲癭果」冷凍乾燥，其中散發嘅「生物鹼」同樣可以令貓貓放鬆落嚟，而且果香濃郁、大粒酥脆，畀貓貓碌嚟玩都好安心。一齊令主子放鬆心情，增加返食嘢嘅意欲啦！
https://litomon.com/product/freezesilvervine/
要食好肉，就搵怪獸部落！
我哋怪獸部落由深入研究貓狗飲食習慣開始，知道新鮮原肉最能夠畀主子吸收到豐富營養、食得最滋味。
因此，我哋堅持用 100% 全鮮肉配搭原型食材，製作出健康優質嘅肉類食譜，有超過 30幾款唔同口味任你揀，幫咁多位貓奴同主子搵到心目中嘅Best Choice！
我哋亦希望透過以上內容，幫助大家更了解貓貓狗狗嘅大小事，同我哋一齊見證主子嘅健康同快樂！咁各位貓奴，我哋下次再見啦～
你可能仲想睇......
參考資料
